PARROT-TREE - Powered by Discuz! Board

標題: 澳門小食及美食集合一下~ [打印本頁]

作者: 煙花 時間: 2009-7-27 22:47 標題: 澳門小食及美食集合一下~

因為有鸚鵡朋友問,澳門有咩玩有咩好食呀,咁我就用今晚o既時間整理一下.......

1.)阿伯蛋茶
澳門第一擊

阿伯蛋茶

地址:澳門半島新橋區光復街與墨山巷交界(三盞燈附近)

第一次吃這類型的東東....這應該可以叫做糖水吧........
感覺是有點像奶茶無奶.....但不又是普普通通的紅水+糖水...........
感覺就是很特別.....不過基本上很夜才有得食.........
我就等到11點半定12點先有,因為阿伯好夜先開始整(真辛苦呢~.~)

同埋你問阿伯仲有幾耐整好,佢講O既時間你預多一倍就O岩

冬天飲一流,因為是很熱的
夏天就放棄吧

價錢:8蚊

同場提供,極難見到的阿伯燉蛋

地址:同上

但佢要賣完蛋茶先開始整........
我買果陣好似差不多1點幾........2點...........(1點幾2點係a.m)

吃完之後O既感覺就係好滑.......
真係好滑.............
不過就細左小小.....
很快吃完.....
同埋不會太甜....不喜歡太甜的人,會比較喜歡

記住佢話半個鐘後到有,你就起碼預45-60分鐘左右啦
1晚比佢呃左2獲
價錢:9蚊
未有圖片提供
-------------------------------------------------
2)麥芽糖夾餅

這次是行街見到的
很平常的麥芽糖夾餅

地址: 佢成日走鬼(不過以新馬路和遊客區為主)

特點: D 餅特別"喊",令到D 麥芽糖特別好吃.........就是這樣
不過是很多澳門人買來吃的說,應該是由細很到大的

價錢: 好像是2蚊~

-----------------------------------
3)串燒

又是街邊小食.......
今次係串燒:58:

地址:營地大街中間, 金馬輪咖啡餅店(新馬路營地大街50號)

我買左3款食.....因為不太肚餓,只好樣樣吃小小好了
買了的是,腸仔、雞柳串和雞脾

講真串燒好講個汁....這間做得不錯....
辣度不會太嚴重....起碼我吃到.......
3款當中.....由其雞脾好食

成間手咁粗O既雞脾,可以比佢燒到得返手掌咁大.....雖然細隻D
但十分野味

注意,佢又係睇心情開....又會很快賣光
聞說都是黃昏時間才開的

價錢: 腸仔2蚊
雞柳6蚊
雞脾7.5蚊

---------------------------------------------------
4.)金馬輪咖啡餅店

食完串燒當然要去搵野飲..........
但一行過串燒檔隔離.......見到一個個O既脆皮豬仔包

所以都係比左$.......2蚊一個....
雖然凍左,但都真係脆.......如果新鮮出爐..........,真係會難以相像的脆法~

如果想食豬扒包,食呢間啦,唔好去氹仔官果面果間食啦,又唔好食,又要排隊

地址:新馬路營地大街50號

價錢2蚊個

----------------------------------------------------------
5.)大聲公涼茶

食左咁多熱氣野....都係時候搵返D 下火O既野飲下....
就去左大三巴一直行落去O既大聲公涼茶

地址:中區賣草地街1號地下

點解要揀佢!?
純粹因為佢夠老字號而已....
價錢不平的,一碗好似7蚊定8蚊
所以我才買一支

飲落去O既感覺....很清很香.......
不會太甜....還算OK
不過價錢就18蚊一支
值不值就見人見志

---------------------------------------------------
6.)長城燒烤
地址:新口岸宋玉生廣場278號

去到果度.....無餐叫...
全部散叫,價錢還算合理
三十幾蚊至四十蚊,一個飯或意粉
不過全部野都好大碟

講返我叫左咩食先
2客牛肋骨,一客芝士焗肉醬意粉,一杯芒果沙冰奶昔

講個牛肋骨先,真係好正....
肉味夠,口感一流,又唔會韌
感覺好似食乾炒牛河d 牛肉咁

價錢18蚊一客

之後就係個芝士焗肉醬意粉

味道講真.....無咩特別,芝士味唔夠濃
不過勝在真夠大碟,我一個人未必食得夠
(見到人地叫炒飯,仲好似成座山咁高)

價錢42蚊客

最後就係個芒果沙冰奶昔:61:
夠凍,夠甜,又夠滑
不過可惜隻芒果味不是我最喜歡~
如果唔係就完美

價錢20蚊客

最後黎多張大合照
如果想去食o既人記住一樣野....
就係佢無下午茶時間,因為要落場佢過左3點就休息,6點先開返~~~

----------------------------------------------------------------
7).沛記咖啡室

乙水仔官也街一向都多野食,無論出名o既蟹粥定平民化o既蛋菜糕都有,但吸引到我o既係一個蛋糕仔...

地址:乙水仔官也街25號地下
朝6晚6

開業廿幾年,最出名係合桃蛋糕,但可借去到o既時候賣曬...............

好在仲有提子蛋糕賣

,叫做好過無啦......反正我鐘意食提子多d

一啖食落去的確唔錯,外邊是脆脆的,內裹是鬆軟無比

我成4點幾去到食仲要熱的蛋糕,去開果頭值得一試

ps"就算係提子蛋糕都係得幾粒提子,圖中已經影曬

--------------------------------------------------------

8).lemoncello(檸檬車露)
地址:大堂巷11號地下

主打係吃得放心!!
因為檸檬車露係賣意大利手拉雪糕,其特色是零舍幼滑,當中o既脂肪含量只有0-8%~~
而且口味層出不窮,有金莎,益力多,辣椒等~~

不過我果日太夜去,所以只係買到d 普通o既味......
咁就揀左薄荷朱古力+香草雲呢拿~
薄荷不會話太過搶,尚算合格,不過就真係好滑
而香草雲呢拿香而不膩,絕不會覺得話好甜o既感覺~

但就比較易"容"d
夏天食o既就要小心d

---------------------------------------------------
9)番茄屋(食葡國菜推薦)
地址 : 柿山斜巷4號地下 (教業中學直上)
電話 : 2836 2171

每月例假 1 號、16號
營業時間 : 早上 10:30 ~ 晚上 10:00

呢間令我去左食2次,真係值得讚
第一次去叫左2樣野~~

咖哩崩沙~

咩叫崩沙!?,我都有呢個疑問....
原來崩沙即係牛腩邊皮~
食落去其實又唔係咁特別,不過咖哩唔係咁辣但幾香~
佢d 咖哩送飯或點硬皮豬仔包食一流

第2樣就係叫左個馬介休焗薯皮~

呢個真係好食
佢將個薯仔開半,將薯仔o既一半薯肉拿出加馬介休打碎
另一半就扲去炸,之後讓返上去再扲去焗.........

呢個我真係超欣賞
大家去到一定要試下

[ 本帖最後由煙花於 2009-7-27 23:16 編輯 ]

作者: 煙花 時間: 2009-7-27 22:48

10.)潘榮記
地址:賣草地大炮台街1號b地下

一睇外表就知佢有好耐年資............成間鋪最出名就係"減蛋金錢餅"
何謂減蛋呢?即係減去蛋白咁o既意思,所以蛋味特別香~
而全店都係用炭燒的,所以會帶有特別點的焦味......

如果有返幾個人,買返10蚊,一人一塊,好快食曬~

------------------------------------------------

11.)台灣帝鈞炭燒胡椒餅
地址:在潘榮記旁

台灣引進,以新鮮豬肉再加胡椒醃制,都幾難唔好食!!
又係用炭燒,個爐仲幾得意,d 餅一個個痴曬係個爐邊燒~
不過提議買一個2份食.因為一人一個會多左小小

-------------------------------------------------
12.)安德魯餅店/瑪嘉烈蛋撻店

地址:路環市中心撻沙街 1 號地下
路環市區打纜街105號
新馬路馬統領街金利來大廈17B地舖(近新浦京)

我食落呢三間野真係一樣味架wow,價錢又一樣,賣o既所有野又一樣,但個名又唔同wow,所以我都係覺得佢係同一個老闆

其他野唔講,只係講個......葡撻,真係唔食唔知原來真係幾好食架wow
個皮夠鬆,個蛋夠熱又唔會過甜,真係比得上香港新鮮出爐o既蛋撻(我係蛋撻fans)
不過呢就真係貴左小小啦,由佢6蚊,加到6.5,e+要7蚊一個啦,雖然水準都叫keep到,但7蚊真係有小小貴
但如果坐低飲杯野食個葡撻,又唔錯o既.....

--------------------------------------------------
13).盛記白粥
地址:新馬路蘇雅利醫生街1號
三盞燈 (新橋)雅廉訪大馬路77號地下
馬場巴波沙大馬路264號南惠閣第2座

好似唔止三間,但我只係有記下這三間的位置

呢間係盛記白粥,雖然話就話賣粥,但佢都有不小糖水賣,呢個芒果豆腐花我推薦,5蚊一碗,佢唔似香港果d,加幾塊芒果係上面就話芒果豆腐花,呢個雖然無果肉,但味道一流~
最緊要佢仲有咸煎餅,甜蛋散,九層芝麻糕等....佢o既甜蛋散味道真係好好食,唔會比d 糖水整到佢淋曬,食落口果陣又甜又卜卜脆, 一流呀~~~仲只係3蚊一舊咋(不過我估要撞o岩佢出爐時間)

另外呢碟只係普通o既腸粉+羅白糕,不過不失,最好係d 醬自己任落~~

--------------------------------------------------
14.)頤德行(李康記)
地址 :新馬路新埗頭街19號D地下

呢間野勁呀...... :,首先唔好講味道......係一條橫街入面居然有檔野要排隊,呢樣都唔緊要.........,最緊要係我下午2點幾3點果陣去到排,排左15分鐘左右啦........,卒之有位到我地入去,5蚊一碗唔貴呀,但想叫個熱豆花....果陣......,佢就話"賣曬,凍熱頭漿都賣曬,得返凍豆花要唔要?"

緊係要啦,排咁耐唔要仲得了.......,不過佢除左加糖水之後,仲會加入花奶,我第一次食豆花會加花奶

卒之等到佢扲黎啦,真係名不虛傳,個面波平如鏡!d 豆花又白又滑,花奶仲可以帶返出小小豆味,5蚊碗真係要黎試下
不過記得早d 黎,因為當我地未食完果陣,佢已經賣光光........雪櫃d關掉,老闆係度埋緊數,一日係咁多碗就咁多碗,賣曬就無,唔理係幾點......所以有興趣就早d 去啦

有人兄話無豆味,我都有同意,不過都幾好食呀

-----------------------------------------------
15.)禮記雪糕
地址 :中區荷蘭園大馬路12號地下

人人都話唔好食,好難食,唔會再去食咁!我去左澳門咁多次,行過左咁多次都未食過,今次就食下啦!
因為唔肚餓,天氣又唔太熱,就咁買個紅豆雪條外賣就算

食一啖.....唔係幾好呀,好多豆,多過紅豆冰冰,又唔會太甜,4蚊一支,不過不失呀!
我食完起碼下次會再食,可能我無試其他,但感覺都幾好!

不過如果雪糕方面，食完h記果d 之後......的確應該有d 距離

---------------------------------------------------

16).文記
地址:三盞燈 (新橋)光復街渡船台交界

我成日叫呢間野做蝦蝦蝦雲吞,點解呢?睇落去就知
不過佢又係開夜晚,夏天又係會好熱.......所以都係提議大家冬天先去食啦

我都唔係第一次黎食,先講佢湯底,不過不失啦,再講佢麵質,都係普普通通啦,不過河粉唔夠滑~
到重頭戲啦,就係粒雲吞,粒粒都係有3隻蝦,名副其實o既鮮蝦雲吞!!

一粒雲吞有3隻蝦,無加價,兩個"食送"都係17蚊
佢仲有鳳爪,鵝腸,咖哩雞等"食送"

----------------------------------------------
17.)四哥小食3
地址:新馬路營地大街119號A

佢仲有兩間分店,一間係三盞燈果頭,不過果間就開下午5點半至零晨的

酸辣湯底開胃好味,牛丸彈牙有肉味,19蚊一碗抵食

呢間野係人地推薦黎試下O既,因為我知道佢 D 煎餃唔錯的說!
前後黎過2次,分別食過煎餃、小籠包、桂林米粉同埋豆漿

呢間野D 煎餃真係唔錯,啖啖肉,仲有小小肉汁,不過我覺得鍋貼大王會好過佢,但四哥D 醋先係主角,食佢D 醋真係會令人食唔停

小籠包就皮厚左D,雖然我鐘意食皮厚,但可惜比其他食物比下去

牛丸酸辣湯桂林米粉一流,湯濃,牛丸彈牙,米粉爽口,簡直係一個完美O既配合

豆漿就普普通通,不過不失咁

其實仲有個炸蝦餅想食,但無相,又係好好食,唔係太識點形容,不過有d 似煎有蝦o既蛋餅咁啦

[ 本帖最後由煙花於 2009-7-28 00:02 編輯 ]

作者: 煙花 時間: 2009-7-27 22:48

營地街市熟食中心
地址:新馬路營地街市綜合大樓3樓

價錢平民化,地方平民化,但好食程度絕對唔係平民化咁簡單
呢度簡直就係卧虎藏龍一樣,無論牛什(好多香港無o既牛什位置都無,包括牛天梯等呀),沙煲咖啡,門口o既炒粉麵飯到煲仔飯,全部都唔可以睇小
廿蚊一煲,即叫即煲,唔算話好好食,但黃鱔煲仔飯都係廿蚊多d ,去邊搵!?

最可惜去果日,好多都無開,無錯.....佢地係成日唔開,亦唔會通知大家
所以要有心理準備去,未必食到你想食o既野

不過絕對係一個認識澳門平民化飲食o既好地方~~

------------------------------------------
餃餃鎮
地址:中區仁安里5A號地下

這張圖片轉自openrice

個人覺得叫價比較高,雖然都係一碟十幾廿蚊,但係
但質數唔係比較高.......
先講水晶包,皮太厚
雞絲餃麵(應該無記錯個名掛),普普通通無特別呀
煎餃就唔叫澳門四哥好食啦......無人地咁香,又無人地咁平.........
所以個人來講,唔太鐘意.....
下次都係食返四哥先~~

----------------------------------------------------------

牛牛小食
地址:三盞燈 (新橋)大纜巷21號(又係有分店,但我唔記得地址啦)

行到過去,真係吹到啤一聲,星期日唔開
咁只怪自己無做好資料搜集,咁星期一再去啦

叫左2樣野,一樣普通咖哩牛腩飯,一樣就係咖哩雞麵

先食咖哩牛腩飯,味道唔錯wow,幾香但唔會過份辣.d 汁夠多夠曬送飯
牛腩就唔太硬,好食,不過未好食到一定要去食

反而個咖哩雞麵真係不錯,湯底香而清,配埋咖哩就真係good,本來碗麵真係值得推薦
可惜佢有隻雞翼....唔熟=口=,係完全唔熟.....所以呢度要扣分,雖然無黑面仲話要換返比我地,但都食到最後,所以我地無要到,服務來講!係澳門算不錯的了~

-------------------------------------------------------------
雅香緬甸咖啡美食/雅馨緬甸餐廳
地址:媽閣河邊新街277 號A 萬金大廈
三盞燈 (新橋)飛能便度街27號F地下

魚湯粉上次就食過,今次緊係要食椰汁雞撈麵
對好多人黎講,可以味道太濃.....或者食完會好想飲野
但我又唔會wow,覺得好好食,好入味......佢個椰汁有小小咖哩味....加埋鼓油撈麵.....
嘩....真係正呀........

--------------------------------------------------------

[ 本帖最後由煙花於 2009-7-28 22:17 編輯 ]

作者: 煙花 時間: 2009-7-27 22:49

金利食店
地址:望廈雅廉訪大馬路85號C

32度的晚上,絕不欺場的表演

一間路過遊客絕不會入去的舊式麵檔,內裡燈光不足,只有麵吃和支裝的氣水及維他奶,但人流絕對不小~
如絕不是有人介紹,是不會內進的,風味十足的老鋪,有著兩位絕對不要對她們有期望服務態度的店員,這就是澳門老鋪的特色,無論生意好與壞,對客人的態度也不會太好!
坐下後因不太想吃雞什,兩個叮叫了一個細雞米興一個個細肉丸米,再加多支氣水

支裝氣水當然一向也好飲,氣是特別多的
之後到細雞米了,有著啖啖的咖哩香味,米粉特別入味,雞入口後也只剩下骨頭
最後肉丸米才到呢,這款有加辣,本身以為佢一定好辣,點知原來又唔係wow,應該有蒜辣來的,十分野味~
之後聽到人地叫雙汁shocked,咩叫雙汁呢.....又好試下.....但無理由又要吃多個.....只好下次再黎試啦

又有個傳說,呢間野同前小小o既金城個湯底咁好食,係因為用老鼠頭煲架mad,咁大家又信唔信呢?

---------------------------------------------------------------------------------
華軒美食(細龜)
地址:三盞燈 (新橋)沙梨頭仁慕巷樂斯大廈地下2號C

之前一直睇電視介紹都未黎過,因為個地方比較唔就腳,好在有個巴士站係左右先易搵小小
未入鋪頭,已經見到老闆係街口係咁炒,嘩.......7點果陣仲成32度wow,呢d 真係辛苦錢黎.....

入到去,咩都未睇就叫左碟乾炒牛河走芽菜,因為要盡情咁食,所以要走芽菜先得(因為我唔食),再加一支維他奶,25蚊一碟o既牛河,唔知點解以一個神速上桌!
應該只係等左5分鐘左右~

嘩......真係夠獲氣wow,仲識幫我走埋蔥mad
變左牛肉炒河....通常出面牛肉炒河會變得痴身,因為無左芽菜d 水份
但呢度唔會wow,一樣條理分明,抵讚
牛肉數量唔算小

當然都係比較油的,但好難要求乾炒牛河唔油又要唔痴,所以只好自己小食一點

因為之後要去跑步,所以沒再加其他菜式了.......(真係搵黎攪....食完d 咁油o既野先去減返=口=

-----------------------------------------------------------------------------------------

雅麗娜葡式茶餐廳
地址:中區美副將馬路6號牧羊巷27號

一間名不經傳的食店,在觀音堂的旁邊有著一間淺啡色門店的食肆,正正就是澳門著名的沙度娜對面!
一進去有著一般澳門餐廳的特色,鋪頭比較細小,也是分開兩層,下層只有著四張四人桌....上層也是只可以坐十多人的而已,因為樓下已經沒位子了,所以要沿著樓梯上上層,樓梯雖短,但有著這間餐廳的招牌菜或的介紹,雖然都不是什麼名人的食評,但相片卻出奇的吸引

無論你坐餐廳的那裡一樣可以看到電視,炎熱的天氣下,有充足o既冷氣加上電視,未吃之前已經為這鋪頭加分了,雖然沒茶水招待,所以也沒有加一服務費!明顯的等價交換呀~~老闆娘帶著一點不是純正廣東話的口音為我們介紹主打的菜式,其他待應大多應該也不會廣東話,感覺真的像去了外國吃飯一樣!

我們沒吃她推薦的,因為她推薦的都是比較貴的,我們一行四人叫了四道菜
1.蒜容什扒
2.免治豬肉飯
3.逼牛尾
4.馬介休球(最後因為沒有所以換了另一種,是用魚,豬,薯容一起打的,炸出來的樣子跟馬介休球一樣)

1.蒜容什扒$48
只有著一塊牛扒、一塊豬扒及一條腸仔,下單的時候老闆娘也不厭其煩地說一次只有這些三樣食物的,她絕不會為了賺錢而什麼都不說的人!幸好份量也不是太細,不過吃上沒什麼特別,不過總是吃那個蒜容汁的時候,帶著一種說不出的感覺@@

2.免治豬肉飯$38
這個100% 推薦,來到一定要吃,本身看名字感覺應該像鍋蛋牛肉蛋這樣的,但來到的時候有點驚喜呢!?是分開上的,看起來像肉丁一樣一粒粒的,即刻忍唔住拿一些來伴白飯一起吃!
嘩~~~~"送"飯真的是一流,味道有點像上海菜的醬爆雞丁,但他是豬肉粒加一些薯仔粒來炒的,也有一些像味菜的東西,這些食材加上來,白飯當堂可以吃多兩碗

3.逼牛尾
我忘了是什麼逼牛尾了,但絕不是紅酒就是了!但什麼叫逼牛尾=3=......我也不太知道典故!
牛尾本來我不是太討好,因為有一點"so"味,所以不太喜歡的,但這個一來的時候樣子不太討好,因為有著厚厚的一層油在面!只好把一些弄走,不然真的不太健康呢....雖然我吃不出是用什麼煮出來的,但一吃牛尾的感覺就是鬆軟易入口,帶著一點點番茄的味,肉全部好輕易就離骨,不消30秒,一舊牛尾就被我消滅了,一碟大約有接近10舊左右,也算不錯啦~

4不知名的炸球
第一淡吃下去,其實同馬介休球差不多啦@@.......也是薯容....小小肉碎,不過勝在炸得脆口,放了10分鐘左右才吃,一樣那麼脆,內裡一樣熱辣辣,要吃看口的,一定要點這個!
不過在我吃到最後的時候,我發現不來這味菜式有落"鹽"茜的=口=.....
我超不喜歡吃的,不過吃到最後一口才吃到他的味道~

免治豬肉

[ 本帖最後由煙花於 2009-8-5 00:25 編輯 ]

作者: 煙花 時間: 2009-7-27 22:50

今晚一定完成佢

作者: 煙花 時間: 2009-7-27 22:51

留到呢個位應該夠啦

作者: 芒果 時間: 2009-7-27 22:55

好想知呀!下個月, 我們1家都去呀!

作者: Mandy 時間: 2009-7-27 23:39

我..我.. 流曬口水啦!!
決定一日之內食曬佢~~~~~~~~~~~~~~~~~~~~~~~~

煙花哥哥你真係好心機, 萬分感謝~~

作者: 煙花 時間: 2009-7-28 00:01

原帖由芒果於 2009-7-27 22:55 發表
好想知呀!下個月, 我們1家都去呀!

夏天去記住帶定支水係身,果邊好多地方都好曬架

作者: 煙花 時間: 2009-7-28 00:02

原帖由 Mandy 於 2009-7-27 23:39 發表
我..我.. 流曬口水啦!!
決定一日之內食曬佢~~~~~~~~~~~~~~~~~~~~~~~~

煙花哥哥你真係好心機, 萬分感謝~~

一日之內食曬佢,咁你一定要搵人幫手先得

除左$之外,我應該可以幫到你

作者: yuki 時間: 2009-7-28 00:13

煙花前輩辛苦晒呢 ..
介紹得好精彩, 又清楚 ..
多謝晒啊 !!
係呢 .. 好想知上面既食品,
你係分咗幾多日食架 ..
1 日 , 2 日 , 3 日 .. 定一星期呀 ~~~

作者: 煙花 時間: 2009-7-28 00:18

原帖由 yuki 於 2009-7-28 00:13 發表
煙花前輩辛苦晒呢 ..
介紹得好精彩, 又清楚 ..
多謝晒啊 !!
係呢 .. 好想知上面既食品,
你係分咗幾多日食架 ..
1 日 , 2 日 , 3 日 .. 定一星期呀 ~~~

今日整住咁多先,聽日再更新
咁我去澳門o既日子都唔止1 日 , 2 日 , 3 日 .. 同一星期呀

作者: yuki 時間: 2009-7-28 00:21

原帖由煙花於 2009-7-28 00:18 發表

今日整住咁多先,聽日再更新
咁我去澳門o既日子都唔止1 日 , 2 日 , 3 日 .. 同一星期呀

hee hee .. 又係喎
咁我就期待期待再期待啦 ~~~

作者: 煙花 時間: 2009-7-28 00:23

原帖由 yuki 於 2009-7-28 00:21 發表

hee hee .. 又係喎
咁我就期待期待再期待啦 ~~~

你唔係真係覺得我可以3日食到咁多野呀?

作者: yuki 時間: 2009-7-28 00:26

原帖由煙花於 2009-7-28 00:23 發表

你唔係真係覺得我可以3日食到咁多野呀?

我信架,
你喎 .. 有咩出奇 !!

應該同高貝仔有得揮, 一樣咁利害哇 !!

作者: LazyBB 時間: 2009-7-28 00:40

我上次同我gf去.
都係一味周圍食野,大利豬扒包,次次去都食
另外係議事廳對出,有間叫帆船既餐廳.d野好好食.
[attach]11995[/attach]
[attach]11996[/attach]
[attach]11997[/attach]
[attach]11998[/attach]
[attach]11999[/attach]
[attach]12000[/attach]

作者: 煙花 時間: 2009-7-28 00:44

原帖由 yuki 於 2009-7-28 00:26 發表

我信架,
你喎 .. 有咩出奇 !!

應該同高貝仔有得揮, 一樣咁利害哇 !!

好啦,咁高貝以後跟我搵食就夠啦

作者: 煙花 時間: 2009-7-28 00:45

原帖由 LazyBB 於 2009-7-28 00:40 發表
我上次同我gf去.
都係一味周圍食野,大利豬扒包,次次去都食
另外係議事廳對出,有間叫帆船既餐廳.d野好好食.
11995
11996
11997
11998
11999
12000

大利豬扒包我真係覺得差小小,唔洗排隊就無咩所謂,要排隊就真係唔好食啦

作者: LazyBB 時間: 2009-7-28 00:50

次次食完我第日都喉嚨痛.
主要我gf鐘意食個間,排隊又唔係佢排.
不過次次去食都係3點半4點到,佢出爐真係好鬼正
記得係旅遊塔下面個層,有間有d pie,攤既,佢d燒雞幾好食.半隻都係廿幾蚊.

頂,我而家好肚餓....

[ 本帖最後由 LazyBB 於 2009-7-28 00:52 編輯 ]

作者: ccyorz 時間: 2009-7-28 01:05

越睇越肚餓

By ccym

作者: SugarSugar 時間: 2009-7-28 12:17

我去了禁多次都唔知有禁多美食潻,
下次叫Macau friend帶我試試先,
謝謝分享.
對鹼魚有無興趣呀,路環有間幾好架.

作者: 偉偉 時間: 2009-7-28 13:13

謝謝分享.

作者: 煙花 時間: 2009-7-28 13:59

原帖由 SugarSugar 於 2009-7-28 12:17 發表
我去了禁多次都唔知有禁多美食潻,
下次叫Macau friend帶我試試先,
謝謝分享.
對鹼魚有無興趣呀,路環有間幾好架.

咸魚我食架,但我唔識分呀
我都見路環有好多一條條咸魚掛係度,但無去問價

作者: SugarSugar 時間: 2009-7-28 14:20

原帖由煙花於 2009-7-28 13:59 發表

咸魚我食架,但我唔識分呀
我都見路環有好多一條條咸魚掛係度,但無去問價

路環舊碼頭常記,食了很多年喇,
我覺得d生晒半梅香咸魚最正最香.

作者: fishball 時間: 2009-7-28 14:28

已經係lunch 之後先睇都仲可以feel 到肚餓.......................
突然好想去一轉澳門

作者: carolee 時間: 2009-7-28 15:54

唔該曬煙花呀! 介紹得好詳細,

睇到都想去澳門食一轉

作者: 煙花 時間: 2009-7-28 17:40

有人提議話post 埋遊玩地點或一兩天遊行程,大家都點睇

作者: MANDYLEAD 時間: 2009-7-28 17:46

不如煙花你搵日搞個團帶我地去開餐啦

作者: SugarSugar 時間: 2009-7-29 11:48

原帖由 SugarSugar 於 2009-7-28 14:20 發表

路環舊碼頭常記,食了很多年喇,
我覺得d生晒半梅香咸魚最正最香.

Sorry!記錯左,係棠記才真,還油浸鰽白亦好呀!

[ 本帖最後由 SugarSugar 於 2009-7-29 11:56 編輯 ]

作者: yuki 時間: 2009-7-29 12:21

原帖由煙花於 2009-7-28 17:40 發表
有人提議話post 埋遊玩地點或一兩天遊行程,大家都點睇

緊好啦, 可能暫時未用得著 ..
但如果去玩, 一定帶埋你 ..... .. ...... . 個 post 去啦 ~~~

作者: yuki 時間: 2009-7-29 12:24

記得有次同媽咪去買咗條咸魚,
跟住諗住入賭場行吓, 點知 .. 因為條喊魚 .. 唔比入呀 !!

作者: SugarSugar 時間: 2009-7-29 12:44

原帖由 yuki 於 2009-7-29 12:24 發表
記得有次同媽咪去買咗條咸魚,
跟住諗住入賭場行吓, 點知 .. 因為條喊魚 .. 唔比入呀 !!

存倉羅,咸魚都澳門土產之一呀!

作者: yuki 時間: 2009-7-29 13:03

原帖由 SugarSugar 於 2009-7-29 12:44 發表

存倉羅,咸魚都澳門土產之一呀!

就係連寄存都唔比呀,
我心諗 .. 唔通怕條喊魚破佢風水局 !!

作者: 風中飛鸚 時間: 2009-7-29 13:22

澳門豬扒包咁出名~我都未試過~聽人講有好多間假野~真正果間開下午~只開好短時間~仲要排好長隊

作者: SugarSugar 時間: 2009-7-29 13:30

個間d豬扒勁多鬆肉粉味,難食!!!!!
去路環街坊福利會旁間茶歺廳食豬扒包、辣魚包/麵仲正喇.

作者: SugarSugar 時間: 2009-7-29 14:16

原帖由 SugarSugar 於 2009-7-29 13:30 發表
個間d豬扒勁多鬆肉粉味,難食!!!!!
去路環街坊福利會旁間茶歺廳食豬扒包、辣魚包/麵仲正喇.

煙花兄:
有冇吃過氹仔個間露素葡歺呀?

作者: 煙花 時間: 2009-7-29 21:24

原帖由 SugarSugar 於 2009-7-29 14:16 發表

煙花兄:
有冇吃過氹仔個間露素葡歺呀?

未去過,但知係邊頭,因為去到澳門都唔係成日食葡國菜
去都係去公雞,坤記同番茄屋多

作者: 煙花 時間: 2009-7-29 21:26

原帖由 風中飛鸚 於 2009-7-29 13:22 發表
澳門豬扒包咁出名~我都未試過~聽人講有好多間假野~真正果間開下午~只開好短時間~仲要排好長隊

其實我係唔知點解遊客咁鐘意去食豬扒包,澳門咁多野食

作者: SugarSugar 時間: 2009-7-29 22:04

原帖由煙花於 2009-7-29 21:24 發表

未去過,但知係邊頭,因為去到澳門都唔係成日食葡國菜
去都係去公雞,坤記同番茄屋多

因有澳門friend所以很少去d禁heat的地方,
講番露素呀,由於在角位,價錢平很多,
一個套歺才4/500,4人吃己夠了,
味道與法蘭道相約,法蘭道香料重d,
要推介佢的厚薄餅,鬆香脆,正!!

作者: SugarSugar 時間: 2009-7-29 22:16

原帖由煙花於 2009-7-29 21:26 發表

其實我係唔知點解遊客咁鐘意去食豬扒包,澳門咁多野食

食豬扒包,我覺得是外脆內軟的硬豬仔包的口感掛.
其實是香港無人造姐,
我林熱硬豬葡辣魚包一定受歡迎!
在澳門街我估食遊客心情,多過食野!

作者: 煙花 時間: 2009-7-29 22:39

原帖由 SugarSugar 於 2009-7-29 22:04 發表

因有澳門friend所以很少去d禁heat的地方,
講番露素呀,由於在角位,價錢平很多,
一個套歺才4/500,4人吃己夠了,
味道與法蘭道相約,法蘭道香料重d,
要推介佢的厚薄餅,鬆香脆,正!!

澳門fd 我就唔多,但有個係澳門讀完書o既女朋友

今個星期去睇下先,2個人食有咩推介先?

作者: 煙花 時間: 2009-7-29 22:42

原帖由 SugarSugar 於 2009-7-29 22:16 發表

食豬扒包,我覺得是外脆內軟的硬豬仔包的口感掛.
其實是香港無人造姐,
我林熱硬豬葡辣魚包一定受歡迎!
在澳門街我估食遊客心情,多過食野!

其實去澳門食野,好多時係食風味,食回憶,食地道野
不過好多時都偏濃味,所以對某d 人黎講變得好食
酒店一間一間咁開,食高級o既地方變得越黎越多

作者: SugarSugar 時間: 2009-7-29 22:46

原帖由煙花於 2009-7-29 22:39 發表

澳門fd 我就唔多,但有個係澳門讀完書o既女朋友
今個星期去睇下先,2個人食有咩推介先?

2個人難叫d喎,問下老闆娘喇!但仍推介厚薄餅.

作者: 煙花 時間: 2009-7-29 22:48

原帖由 SugarSugar 於 2009-7-29 22:46 發表

2個人難叫d喎,問下老闆娘喇!但仍推介厚薄餅.

係low,2個人成日都試唔到好多野

作者: SugarSugar 時間: 2009-7-29 22:48

原帖由煙花於 2009-7-29 22:42 發表

其實去澳門食野,好多時係食風味,食回憶,食地道野
不過好多時都偏濃味,所以對某d 人黎講變得好食
酒店一間一間咁開,食高級o既地方變得越黎越多

其實去澳門食野,好多時係食風味,食回憶,食地道野--同意呀!
講真都係香港野arm口味d.

作者: SugarSugar 時間: 2009-7-29 22:52

原帖由煙花於 2009-7-29 22:48 發表

係low,2個人成日都試唔到好多野

嘆2人世界就乜都夠喇,在hk帶d她喜歡的小禮物給她嗎.do it!!!!!!!!!

作者: 煙花 時間: 2009-7-29 23:01

原帖由 SugarSugar 於 2009-7-29 22:52 發表

嘆2人世界就乜都夠喇,在hk帶d她喜歡的小禮物給她嗎.do it!!!!!!!!!

好可惜其實佢都係一個香港人同時有澳門身份証

除左自制驚喜會比較新鮮

作者: 煙花 時間: 2009-7-29 23:01

原帖由 SugarSugar 於 2009-7-29 22:48 發表

其實去澳門食野,好多時係食風味,食回憶,食地道野--同意呀!
講真都係香港野arm口味d.

應該話好食o既話,香港一定有

作者: 煙花 時間: 2009-8-5 00:26

更新

歡迎光臨 PARROT-TREE (http://forum.parrot-tree.com/)