PARROT-TREE - Powered by Discuz! Board

標題: 朋友關係的煩惱 [打印本頁]

作者: Mandy 時間: 2009-7-28 01:26 標題: 朋友關係的煩惱

有件事情實在想不開..

事源有位朋友搞活動, 說是小學聚會, 問我去不去.

我先問日期, 再問有誰會去.

她就立即說: 你無心去的不用去, 我不會逼你, 想來就來, 不要看人數.

我說: 你就不能冷靜點嗎? 只是問一條問題而己

她說: 你上次都是這樣, 每次都是先問誰會去.

還說是我常常要吵架, 說我態度不好, 又說我的語氣像是在挑釁她.

其實小學同學當中總有人是和你合不來的吧? 只是很小型的聚會, 如果當中的人不跟自己熟稔感覺會不太好吧

只是先問清楚, 避免尬尷情況出現, 難道有錯嗎?

問問誰會去就代表無心去/不想去嗎?

因為這個問題而吵架了, 我覺得很無奈, 都是個誤會. 分不到是誰對誰錯

鸚鵡樹的大家是我的好朋友.. 所以很想跟你們傾訴喔.. . ..

作者: 煙花 時間: 2009-7-28 01:36

佢咁話得你,咪唔好去啦
再唔係下次自己攪,唔叫佢咁,不過呢個世界咩人都有

都見怪不怪.......

作者: Mandy 時間: 2009-7-28 01:39

原帖由煙花於 2009-7-28 01:36 發表

佢咁話得你,咪唔好去啦
再唔係下次自己攪,唔叫佢咁,不過呢個世界咩人都有

都見怪不怪.......

佢最後叫我唔好去, 話當佢冇問過我..

作者: 小英仔 時間: 2009-7-28 01:43

唔

應該係佢根本唔想你去,唔去咪唔去囉,問下邊個去都唔得

作者: Louis 時間: 2009-7-28 01:47

你呢個朋友唔想你去, 但又想話俾其他人知通知左你, 咪借少少野發你脾氣囉. 呢個朋友, 話唔定會講你是非添, 唔想小事化大, 索性唔鬼去; 想同佢玩野既, 咪去篤眼篤鼻, 等佢坐唔安食唔落都好玩嫁.....

作者: Mandy 時間: 2009-7-28 01:52

你地講到咁灰既~..

佢啱啱msn彈左幾個話會去既人名俾我.. 而家我好迷茫中

咁佢係咪即係想我去番呀?

作者: Louis 時間: 2009-7-28 02:01

甘迷茫, 擲骰仔由天決定囉....

作者: ccyorz 時間: 2009-7-28 03:49

時間人物通常都會問無咩問題
其實好簡單想去就去
去黎唔開心咪唔好去囉

By ccym

作者: 三角仙 時間: 2009-7-28 03:51

同小學同學一齊好好玩架~
近排搵返一班小學同學...密密玩,下個月又計劃去踩單車

作者: YVONNE 時間: 2009-7-28 08:22

我覺得去了自己覺得開心, 唔去會覺得可惜嘅,
不妨打番電話俾個朋友話有興趣去,
佢做搞手都有難處, 因為個個都要等有fd嘅人先去,
結果通常都會搞唔成,
我一向好少參加聚會, 好多小學, 中學, 甚至大學同學都失聯,
事源係興趣不同, 次次聚會佢地講嘅野我唔明,
我唔睇電視, 電影, 八卦雜誌, 唔聽流行曲, 唔識名牌
(而家識多左, 超虛榮嘅街坊日日數家珍, 想唔識都難),
唔駛出外番工, 唔明d辦公室政治, 好少去外遊,
佢地覺得我好"山洞人", 次次聚會都要好辛苦唸d問題問我同我傾,
費是見我坐响度幾個鐘唔出聲, 淨係識傻笑,
久而久之冇晒興趣去搞轉人地個party,
寧願留响屋企同寶貝玩, 好彩因為班寶貝令我擴展了朋友圈,
識多左一班志同道合嘅朋友.

作者: 羅白頭 時間: 2009-7-28 08:27

去邊我都問人數

作者: SugarSugar 時間: 2009-7-28 09:01

說話如硬了点唔好見怪:
1.先厘清聚會的目的.(你是否想同聚會者交流近况、是否想你八下我我八下你然後將是非擋人情呢、或是想為舊同學延續友誼互助互勉呢)通常聚會者應各有以上不同目的的,自已選取自已的目的後就說個不害人大話'那天我有約,看看推不推到,遲些覆你'到你打聽到何人去時才覆實他羅,這樣我估回覆什麼答案都應不會太傷感情的.
2.如果是friend的,根本不會等到這些有名目的project才會聯絡.
3.我林來電者係米壞了腦,你不去是否欠了佢,又或你有罪!!!

作者: 哥哥 時間: 2009-7-28 09:07

提示: 作者被禁止或刪除內容自動屏蔽

作者: wendy2307 時間: 2009-7-28 09:19

我通常會應承左先,但會講定可能到時唔得閒,而到時就睇心情或是否佢有再打來(如佢有心或真有其它同學想你也去,佢做搞手必會再通知你 ),而如果有d唔friend或大家冇乜兩句的也去 ,我必定會去,一來佢地可能也不想我去(點解避開佢地令佢地開心? )二來有其它arm key的同學,無謂因佢地而令自己少個見面機會,除非d小學同學大家成日都有機會見.
你重後生,我而家d同學和同事,如果叫我聚會,我必定去,如果得閒. 我不想有人約話乜水入左廠或去乜乜大酒店才見面.最多到時當佢地透明.

作者: 哥哥 時間: 2009-7-28 09:30

提示: 作者被禁止或刪除內容自動屏蔽

作者: Raco 時間: 2009-7-28 09:54

一樣米養百樣人, 妳總不能討好所有人都喜歡妳, 但妳有權選擇與誰結交
正所謂 "得一知己, 死而無撼" 也不需要為某些人的說話, 或某些人的舉動, 令自己不快
豁達, 好難做到, 但總要學習

互勉之!

作者: CTL 時間: 2009-7-28 10:26

講開小學聚會,想問有沒有會員或朋友是石峽尾官立小學畢業,現正籌備五十週年金禧聚會,十一月十四舉行.

作者: siuman.C 時間: 2009-7-28 13:19

我都攪過同學聚會，有Ｄ真係問長問短，問完一大輪認成會到，到要比錢就唔見人影電話都唔聽

，真係吃力不肚好

作者: 三角仙 時間: 2009-7-28 17:21

咁我地果班真係算係好好彩~
多得各方朋友諗咁多節目出黎玩,有一個主要負責聯絡既接線生

總之有人諗到活動講比佢聽,佢有時唔去都好...都會幫我地聯絡~
(雖然係o那西左D....有時未問佢個去唔去,就話佢會去......
最後所有指責都係落係聯絡員身上,佢係一個好好既出氣袋)

作者: Mandy 時間: 2009-7-28 17:36

樹樹真係好啦~ 你地個個都咁有心機睇我申~仲幫我諗解釋方法~

好感動阿
其實我地從畢業之後年年都會番小學一次ga, 但係今年h1n1所以冇番到學校, 就咁搞少少活動

其實佢都俾左名單我, 退左一步, 我都覺得自己唔應該再小氣
同埋大家講得啱, 唔應該為一兩個傾唔埋既人放棄同其他朋友見面既機會!
我明白曬啦~ 多謝咁多位!!

作者: SugarSugar 時間: 2009-7-28 21:34

原帖由 Mandy 於 2009-7-28 17:36 發表
樹樹真係好啦~ 你地個個都咁有心機睇我申~仲幫我諗解釋方法~ 好感動阿
其實我地從畢業之後年年都會番小學一次ga, 但係今年h1n1所以冇番到學校, 就咁搞少少活動

其實佢都俾左名單我, 退左一步, 我都覺 ...

給你一個字'泰'
心懷廣寬如大海
處之泰然
暢泰觀事
泰然生活.

作者: Mandy 時間: 2009-7-28 23:20

要明白"泰"字的道理不太難, 但是要真的學會"泰"還是要慢慢學習呢~
多謝你阿sugar *v*

作者: Louis 時間: 2009-7-28 23:30

想學"泰"字, 緊係揾胡慧沖啦...........

歡迎光臨 PARROT-TREE (http://forum.parrot-tree.com/)