PARROT-TREE - Powered by Discuz! Board

標題: 發言權 [打印本頁]

作者: Jacky 時間: 2009-8-21 12:46 標題: 發言權

本帖最後由 Jacky 於 2009-8-21 17:08 編輯

發言權

懂和不懂者最大的分別在於發言權; 擁有和非擁有者最大的分別也在於發言權.

老公不懂打高爾夫球,我懂得也很皮毛. 而他的理論是那麼大的一座山卻要追逐那麼小的一個球,還要把它打進那麼小的一個洞,這可算是世界上最傻的一個運動了. 但其實他沒有發言權,因為他不懂得這項運動. 他不會明白在一片青草地上微風在臉上掠過時的感覺; 不會了解那沉重的球袋中每根球桿都有著不同的使命; 更不會知道揮桿時你身體力學的運用會對那顆小小的球發揮出的神奇力量. 因為他不懂, 所以他沒有發言權!

不久前我們愛上了某個品牌的車子,在還沒有擁有以前我們就從其他非擁有者口中得到了一些答案: 這個品牌的車子不好用,很容易壞. 外國的溫度溼度與香港不同,電子零件常失靈. 車內空間不實用, 不如選擇這個或是那個品牌吧! 最後我們把這幾個品牌相同類型的車款都試了一遍,答案是我們心儀的那輛無論在操控還是車內細節都是最好的. 而提供意見的那位朋友我們認識了很久,是位資深的汽車維修師傅,有著自己的車房,並且站在老朋友的立場他一定不會騙我們,那為什麼他會如此解說呢? 因為他不是擁有者,他從其他行家的口中或是他真的遇見過幾輛這個品牌發生以上問題車子,但他們不會知道這可能是百分之一,甚至千分之一的品質錯誤而已. 結果是那台車成為了我倆的最愛,而這個品牌也將會是我們不變的選擇. 因為他們都沒有擁有過,所以他們沒有發言權!

所有養鳥的人其實都是住在同一座山上,大家的高度都一樣. 只是有人喜歡用籠子養; 有人喜歡放養; 而我和一些其他的朋友們喜歡用亞架力膠籠來養. 亞架力膠籠可以養鳥嗎? 對於這個問題因為我擁有,所以我有發言權. 恆久以來,不管中外都是用籠子來養鳥的,但這只維持到1988年前,請看http://www.parrotislandinc.com/articles/cleaning.htm 用亞架力膠真的不能和我們的愛鳥們互動嗎? 我們的房子可以有窗和門那為什麼鳥籠不可以有呢? 我們都知道一塊塑膠板的透氣能力,但我們是人類我們擁有著無窮的創造力,為什麼亞架力膠板上就只能開孔呢? 請看http://www.parrotislandinc.com/articles/whyacrylic.htm
在哥倫布或麥哲倫發現地球是圓的之前大家都以為地球是平的,科學是需要聰明的人去發現,但一般的智慧有限的凡人們最後也會明白的,只不過需要的時間會比較長而已. 請記著大家都是愛鳥的人,大家都住在同一座山上,請不要因為我們走快了一步或是走著不同的路上山就說我們是在虐畜,這會讓我們很傷心和無奈,祝好!

作者: duncan 時間: 2009-8-21 13:17

咩事,好奇而已,邊個話亚加力唔可以養雀,亞加力做魚缸都得,做超大缸比得起錢一定用亚加力,耐用過玻璃9萬幾倍！當然每樣物料各有優劣,但做人真係唔可以,以耳代目.

作者: Ada 時間: 2009-8-21 13:31

之前大家已經就呢個話題討論左好一陣, 已經心中有數.....算啦, 俾個面主席大人....

作者: Louis 時間: 2009-8-21 13:53

每樣野, 本身無分好與壞, 視乎點樣靈活運用; 好似氯胺酮(Ketamine, 俗稱K仔), 係麻醉藥一種, 好既方面, 可以幫助病人麻醉,止痛,肌肉鬆弛; 唔好既方面, 就俾無知既人濫用, 成為毒品.

作者: duncan 時間: 2009-8-21 16:37

louis,
我100%同意你嘅講法,冇嘢系十全十美,种之啱自已就得,好多嘢都系双面刃,有利有害

作者: sallyyau 時間: 2009-8-21 16:42

作者: 風中飛鸚 時間: 2009-8-21 16:58

回答此post好多次~每次幾百字~每次都自己刪除~

作者: 迪迪仔 時間: 2009-8-21 17:00

回答此post好多次~每次幾百字~每次都自己刪除~
風中飛鸚發表於 2009-8-21 16:58

你可能打左一d 廣東字所以出唔到.. 以前試過打個 "口野" (連住一個字的) 字.. 點知後面全部字都出唔到...

作者: 風中飛鸚 時間: 2009-8-21 17:05

你可能打左一d 廣東字所以出唔到.. 以前試過打個 "口野" (連住一個字的) 字.. 點知後面全部字都出唔到...
迪迪仔發表於 2009-8-21 17:00

哈哈~先多謝你提醒~你誤會我意思~我是已經打出幾百字~自己刪除不想出街~又好想回應jacky~
但是我剛剛昨晚提出鸚鵡樹需要實行緊急措施~我沒有理由自己先犯~
大家都要留意置頂louis的公告~近期鸚鵡樹會採取緊急措施~凡有輕微疑似挑釁性或引起爭論文字~都要暫時移開~直到事件平息為止~
原因louis角色比較中立~由他出貼比較溫和~(我地連找那人出貼都要研究一大餐)就知道我地幾大決心要平息件事~

作者: duncan 時間: 2009-8-21 17:11

回答此post好多次~每次幾百字~每次都自己刪除~
風中飛鸚發表於 2009-8-21 16:58

我以為以後要用文言文

作者: joankong 時間: 2009-8-21 17:12

我想發言，但又驚比你地話我挑釁
因為我一講開就冇停，所以都係

作者: duncan 時間: 2009-8-21 17:13

咁你就乖喇Joan

作者: 風中飛鸚 時間: 2009-8-21 17:14

我想發言，但又驚比你地話我挑釁
因為我一講開就冇停，所以都係
joankong 發表於 2009-8-21 17:12

乖啦~打住幾日機先啦~過幾日先上網~

作者: Jacky 時間: 2009-8-21 17:15

咩事,好奇而已,邊個話亚加力唔可以養雀,亞加力做魚缸都得,做超大缸比得起錢一定用亚加力,耐用過玻璃9萬幾倍！當然每樣物料各有優劣,但做人真係唔可以,以耳代目.
duncan 發表於 2009-8-21 13:17

係丫，全世界最大的魚缸也是用亞架力膠做架，重貴過玻璃好多添．

作者: Teddy 時間: 2009-8-21 17:17

9# 風中飛鸚

講開又講....個forum 正一食字怪....成日食鬼晒D字..好鬼死煩...

呢個情況我發覺只係起 windows XP 出現...用vista 就冇事...E+ 我每次用XP 出post 都要先crtl-a crtl-c 先..以防萬一..

其實...個forum 點解唔行unicode ..重用big5 o既?

咁樣成日都會出現呢個情況wor..... 而且國內同胞出post 又容易做成乱码....

我都係多口講下.....唔使理我......

作者: duncan 時間: 2009-8-21 17:18

亚加力缸真系好貴！

作者: Jacky 時間: 2009-8-21 17:20

亚加力缸真系好貴！
duncan 發表於 2009-8-21 17:18

肥佬牌亚加力缸真係好貴！

作者: mmchu 時間: 2009-8-21 17:21

15# Teddy

我諗飛鸚唔明咩野叫unicode，咩野叫big 5，
佢要搵人解釋比佢知……
我又無出唔到字呢個問題，
用xp好，用vista都好，
我從來無被人食過字！

作者: duncan 時間: 2009-8-21 17:23

咁你要恐嚇佢先会平,例如比魚佢食重要系生嘅,又或者唔比佢養雀等等

作者: Teddy 時間: 2009-8-21 17:24

18# mmchu

呵呵....你一定係識打中文架喇....

因為呢個情況多數係用手寫板先发生嘅....

作者: 風中飛鸚 時間: 2009-8-21 17:29

如果我打"剔"手邊加一個"店"~之後既所有字都會冇晒~

作者: Teddy 時間: 2009-8-21 17:31

咁你要恐嚇佢先会平,例如比魚佢食重要系生嘅,又或者唔比佢養雀等等
duncan 發表於 2009-8-21 17:23

咁......

係我就改養大麻鷹....日日係佢附近放....

話時話.....我重爭一個"亞卡力"行街箱...

作者: mmchu 時間: 2009-8-21 17:35

20# Teddy
係呀，我打中文架，
我仲要用係打倉頡添！

作者: mmchu 時間: 2009-8-21 17:36

21# 風中飛鸚

即係"掂"呢個字？？

作者: 風中飛鸚 時間: 2009-8-21 17:37

咁......
係我就改養大麻鷹....日日係佢附近放....

話時話.....我重爭一個"亞卡力"行街箱...
Teddy 發表於 2009-8-21 17:31

緊急狀態令~實施期間~大家乖乖地~

作者: 風中飛鸚 時間: 2009-8-21 17:38

我會不停巡邏鸚鵡樹~有任何疑似火花都唔得架~大家原諒我丫~

作者: duncan 時間: 2009-8-21 17:41

主席轉行做烈火雄心

作者: sonic 時間: 2009-8-21 17:47

老毛話，『沒有調查，就沒有發言權！』

作者: 大M 時間: 2009-8-21 17:58

大家乖乖地唔好在同一地方開火, 分開d放火等主席慢慢巡

作者: Jacky 時間: 2009-8-21 18:03

老毛話，『沒有調查，就沒有發言權！』
sonic 發表於 2009-8-21 17:47

老毛說得好!

作者: joankong 時間: 2009-8-21 18:12

乖啦~打住幾日機先啦~過幾日先上網~
風中飛鸚發表於 2009-8-21 17:14

即係叫我避下風頭，呢幾日唔好上黎樹樹

我唔制呀，古天樂唔愛陳法拉啦

作者: sodagreensimon 時間: 2009-8-21 19:01

我用i-phone出post，用手寫都ok 喎~~

作者: tangpf0809 時間: 2009-8-21 19:18

主席做烈火雄心救火, 唔做古天樂, 做王喜

作者: 風中飛鸚 時間: 2009-8-22 00:14

大家記住~唔睇就唔知~人家打得就要你睇~要你氣~只要唔睇~打乜都已經冇用~

作者: sodagreensimon 時間: 2009-8-22 01:09

喃嘸阿彌陀佛，施主，收到~~

作者: YVONNE 時間: 2009-8-22 01:16

明白, 星期日前會勁忙, 都係俾心機搞掂自己d野先,
我星期日個student recital而家連場刊都未搞掂!
lee 兩晚都唔洗訓

作者: sodagreensimon 時間: 2009-8-22 01:17

我都係勁多野做, 仲有四個會議紀錄未寫, 個個會仲要老連咁長,星期一前要死掂佢, 都唔知點算~~~

作者: YVONNE 時間: 2009-8-22 01:30

add oil...
夜欄人靜先有mood做野嘛!

作者: Louis 時間: 2009-8-22 01:36

係囉, 我日光日白睇唔到書, 半夜三更就睇到三四點, 死人頭黑蚊蚊都唔訓, 陪我睇書.......

作者: gameijk 時間: 2009-8-22 02:08

係囉, 我日光日白睇唔到書, 半夜三更就睇到三四點, 死人頭黑蚊蚊都唔訓, 陪我睇書.......
Louis 發表於 2009-8-22 01:36

我幫你照顧黑蚊蚊

作者: sodagreensimon 時間: 2009-8-22 08:03

街坊你個人咁衰架, 淨係照顧黑蚊蚊, 咁其他果d呢?? 最多我捱義氣, 幫路易斯照顧埋其他果d, 包括埋條飯剷頭又點話~~~

作者: YVONNE 時間: 2009-8-22 08:06

條蛇叫小白, 我屋企有倉鼠, 真係唔幫到手

作者: 梅頭 時間: 2009-8-22 09:04

小公主PINKY有冇得訓?
冇既我義氣D俾幫你手照顧佢，等佢晚上訓覺好既~

作者: joankong 時間: 2009-8-22 09:43

你地個個唔好同我爭，話哂我同ｌｏｕｉｓ住得最近
呢ｄ粗重野我黎做得啦

作者: duncan 時間: 2009-8-22 11:06

點解冇人照顧埋louis,愛屋及烏吖嗎

作者: 風中飛鸚 時間: 2009-8-22 12:08

21# 風中飛鸚

即係"掂"呢個字？？
mmchu 發表於 2009-8-21 17:36

我打到你所講e個字~但一post出~e個字以後既字就會冇晒~

作者: 風中飛鸚 時間: 2009-8-22 12:11

我都係勁多野做, 仲有四個會議紀錄未寫, 個個會仲要老連咁長,星期一前要死掂佢, 都唔知點算~~~
sodagreensimon 發表於 2009-8-22 01:17

我都係呀~美國總統係咁打電話要我同佢食飯~我又行唔開~因為火星飼養鸚鵡計畫又要急住交俾英女王

作者: 大M 時間: 2009-8-22 12:21

亞膠力籠好處點解無人發言???

作者: 風中飛鸚 時間: 2009-8-22 12:31

亞膠力籠好處點解無人發言???
大M 發表於 2009-8-22 12:21

怕觸犯戒嚴令~

作者: 風中飛鸚 時間: 2009-8-22 12:38

好辛苦先洗乾淨鸚鵡討論區咋~

作者: Jacky 時間: 2009-8-22 13:39

亞膠力籠好處點解無人發言???
大M 發表於 2009-8-22 12:21

等我開個頭先啦...如果我淨係講亞架力膠籠,會唔會轉頭又唔見左個POST架?

作者: duncan 時間: 2009-8-22 14:01

應該唔會掛,我地講通識課題之嗎

作者: 風中飛鸚 時間: 2009-8-22 14:24

等我開個頭先啦...如果我淨係講亞架力膠籠,會唔會轉頭又唔見左個POST架?
Jacky 發表於 2009-8-22 13:39

等我開啦~有事你地即閃~由我當丫嗎~在友情區開個亞加力膠箱~

作者: 風中飛鸚 時間: 2009-8-22 16:36

第一日見到jacky原本文章~真係感動都想咸~

1是我一直千言萬語都表達唔到既野~
2由另一個人說出~
3覺得真係幫到人~
4文筆流暢~洽到好處~不太敏感~(只可惜遇正鸚鵡樹實施戒嚴措施之中)迫於無奈要jacky更改得更溫和~
平日那文章是絕對可以出街~希望jacky明白~

作者: Jacky 時間: 2009-8-22 18:19

第一日見到jacky原本文章~真係感動都想咸~
1是我一直千言萬語都表達唔到既野~
2由另一個人說出~
3覺得真係幫到人~
4文筆流暢~洽到好處~不太敏感~(只可惜遇正鸚鵡樹實施戒嚴措施之中)迫於無奈要jacky更改得更溫 ...
風中飛鸚發表於 2009-8-22 16:36

肥佬主席...我明白! 但為左彌補我心靈受的創傷,請以後俾個1折我

作者: sonic 時間: 2009-8-22 18:29

肥佬主席...我明白! 但為左彌補我心靈受的創傷,請以後俾個1折我
Jacky 發表於 2009-8-22 18:19

真接要求30% rebate 更實際。

作者: Jacky 時間: 2009-8-22 18:32

真接要求30% rebate 更實際。
sonic 發表於 2009-8-22 18:29

都得

作者: gameijk 時間: 2009-8-22 20:06

我做左四個都係五九折

認真講

佢真係唔貴
我自己廠做成本都貴過叫佢做
最最最最最最最最最最最最最最最大問題係佢自己養英無，又真心愛英無，
所以條肥佬設計時會以隻英無既安全為主

作者: sodagreensimon 時間: 2009-8-22 20:59

支持!!!!!!

作者: 風中飛鸚 時間: 2009-8-23 01:45

整個膠籠有些位置一定要由我親手做~因為其他師傅點都唔信鸚鵡咁聰明/咁得閒/咁大破壞力/
所以一定偷工減料~所以我一定要控制果d位置~所以今次先要詳細分享製造方法~
希望將意外減到最低~

歡迎光臨 PARROT-TREE (http://forum.parrot-tree.com/)