PARROT-TREE - Powered by Discuz! Board

標題: 荃灣德華公園有鱷魚(捉左了) [打印本頁]

作者: CARMEN-LUI 時間: 2009-9-4 12:10 標題: 荃灣德華公園有鱷魚(捉左了)

荃灣公園福鱷被人捉左lu(有片有相) 　

http://cablenews.i-cable.com/web ... 12518&category=

原來佢生存左響果度3年了, 仲好鬼大條添...
幾得意喎, 響公園入面點解會有條鱷魚咖

作者: 風中飛鸚 時間: 2009-9-4 12:18

唔係鱷魚黎架~係福鱷魚~在魚街有得賣~唔太貴~是大型淡水魚~

作者: duncan 時間: 2009-9-4 12:25

漁護署話Garfish對人有危險所以捉咗佢,白痴

作者: 咩事 時間: 2009-9-4 12:30

之前明明有幾條架>?點解而家淨番一條~

作者: 大M 時間: 2009-9-4 12:34

金魚街大把有得賣, 我很久前都養過. 真的大得好快.

作者: 風中飛鸚 時間: 2009-9-4 12:37

點會有危險~就算幾米長~D人都可以落水餵~

作者: Louis 時間: 2009-9-4 12:38

漁護署話Garfish對人有危險所以捉咗佢,白痴
duncan 發表於 2009-9-4 12:25

驚d人捉左條魚去食會食滯, 會肚痛....

作者: duncan 時間: 2009-9-4 12:39

驚d人捉左條魚去食會食滯, 會肚痛....
Louis 發表於 2009-9-4 12:38

笑死我,I am a dead man

作者: sesese 時間: 2009-9-4 13:57

新聞又形容到條魚好凶殘咁既? 我地唔識睇到會當真架

作者: duncan 時間: 2009-9-4 14:05

政府咩都吹都大一大

作者: sodagreensimon 時間: 2009-9-4 17:53

普通到不得了, 我以前都養過, 政府成日都小題大造....

作者: MANDYLEAD 時間: 2009-9-4 18:31

本帖最後由 MANDYLEAD 於 2009-9-4 18:32 編輯

以為真係鱷魚

我屋企都有一條12吋丫!!柴灣公園都有幾條啦!
好多人養大左無位養就放生

作者: MANDYLEAD 時間: 2009-9-4 18:45

(星島)2009年9月4日星期五 05:30
(綜合報道)

(星島日報報道)繼山貝河早年發現鱷魚後，荃灣德華公園又見「鱷」蹤，掀起「凶鱷」驚魂！長有鱷魚嘴巴和利齒，屬全球十大淡水惡魚的「福鱷」，被人放生公園水池，每日活演覓食殺戮血腥場面，吸引大批市民圍觀，街坊擔心福鱷隨時發惡，噬咬餵魚及落池玩耍的孩童：「條魚大過細路仔，你話驚唔驚！」。

　　缺德市民任意棄「鱷」，令公園水池變成「惡魚潭」，餵魚者危機四伏。在德華街公園發現的「福鱷」，被工作人員喚作「塘長」，身長超過一米，粗如大腿，有着「鱷頭、魚身」外形，嘴巴長有利齒，可一口吞下「食人鯧」，專家指福鱷完全成長，可長達六米，約一百三十公斤，嘴巴可噬咬籃球般大小物體；懷疑這些福鱷，與當年小灣鱷「貝貝」一樣，因日漸長大被遺棄。

　　屬世界十大最惡淡水魚之一的福鱷，在內地有咬人前科，殺傷力及生長力極高。今次發現福鱷為患現場，是荃灣賽馬會德華公園一號水池，該水池呈曲尺形，水深及膝，池面築有小橋，池水原非用作養魚，但因水池貼近德華街行人路，僅得一度矮欄分隔，經常有人在該處放生，變成公眾魚池，養活不少金魚、錦鯉、食人鯧、小龍蝦，甚至小龜，變相為福鱷提供源源不絕食糧。

　　世界十大最惡淡水魚

　　公園護理員稱，約在三年前，開始發現該些外形嚇人的魚在池裏出現，初時不足一呎長，但日漸壯大，三年後今天，其中一條已身長三呎多，粗如成人大腿，張開大嘴巴時與鱷魚無異，其他小魚都變成牠的點心，曾有兩條食人鯧被主人放生，不久便消失於無形，相信已被福鱷吃掉，水池變成惡魚的殺戮屠場，公園護理員給福鱷改名，叫牠做「塘長」。

　　公園有「鱷」消息不脛而走，每天到來觀「鱷」者絡繹不絕，一對母子遊公園，其中小童走到池邊丟餅碎餵魚，乍見「大鱷」游過，慌張抱緊媽媽問：「是不是鱷魚呀？會不會咬人？」母親匆匆抱起孩子後退，與池邊保持距離。

　　疑被放生食人鯧也吃掉

　　據悉，園內工作人員亦感其生長速度驚人，棲身淺水池中，非長久之計，對福鱷本身及觀魚市民，皆潛藏危險，曾提議為牠另尋安居之所但無結果。

　　雖然福鱷棲身公園三年，但康文署發言人答覆查詢時稱，過去三年沒接獲市民將龜魚遺棄公園水池投訴，或職員被放生動物咬傷紀錄，強調署方已貼出告示禁止棄置龜魚，及提醒市民避免與水中生物接觸。

　　康文署得悉允盡快移走

　　發言人又稱，署方得悉公園發現類似福鱷魚類，已聯絡保護動物組織及團體，但未有團體願意收養，署方會盡快移走這些魚類。

講到好嚴重

作者: MANDYLEAD 時間: 2009-9-4 18:50

青衣柴灣公園亦發現福鱷
(明報)2009年9月4日星期五 15:55
繼荃灣德華公園的水池發現一條福鱷，柴灣及青衣公園的水池亦發現福鱷的蹤迹。

柴灣公園的水池至少有數條福鱷，平均長約3呎。而青衣公園水池亦有至少2條福鱷在水池中游來游去。

荃灣德華公園的水池發現一條福鱷，康文署職員早上封鎖通往水池的道路，派人落水，以圍欄包圍福鱷，再用漁網捕捉。

福鱷為一種具殺傷力的惡魚，因嘴巴長似鱷魚且生滿利齒而得名，喜肉食。有街坊稱，早幾年已經見到池中有福鱷，現在已經愈長愈大，有3呎長。

(即時新聞)

作者: 天奴 時間: 2009-9-4 20:58

車, 條魚黎姐, 又唔會上水又咬唔到人, 足佢做乜鬼姐, 唔通放去曾特首個錦鯉池度?

多數都係康文署做的以為聰明事啦.

作者: Louis 時間: 2009-9-4 21:41

天上面d麻鷹都好危險嫁, 揾飛行服務隊捉走晒d鷹丫笨........

作者: 天奴 時間: 2009-9-4 22:21

風中飛鸚仲危險呀.

作者: MANDYLEAD 時間: 2009-9-4 22:29

唔知比人捉左去邊呢

食？殺？等干死？

作者: sodagreensimon 時間: 2009-9-4 22:31

我成日都行過德華公園, 但從來都未見過有小朋友會走落水池~~~

作者: 天奴 時間: 2009-9-4 22:39

唔知比人捉左去邊呢
食？殺？等干死？
MANDYLEAD 發表於 2009-9-4 22:29

放落去Carman個錦鯉池啦

作者: 風中飛鸚 時間: 2009-9-4 22:44

1我都養過~
2凶惡可能指對其他魚類
3政府現在有殺錯冇放過~
4輕微有危險~做多好過做小~好似今次h1n1咁~

作者: 天奴 時間: 2009-9-4 23:30

條魚好似死左啦.

作者: CTL 時間: 2009-9-4 23:44

捉走淡水鱷,個市即升500多點.

作者: MANDYLEAD 時間: 2009-9-4 23:48

德華公園福鱷已死亡
(明報)2009年9月4日星期五 19:30
康文署表示，今早在荃灣德華公園發現的一條福鱷已死亡，署方將巡查轄下20個人工湖。

在收到德華公園的人工湖發現福鱷的消息後，康文署今早已安排職員把福鱷移走，並送交專家鑑別。經專家確定，證實該魚是福鱷，沒有保育價值，亦不應放生，以免影響生態平衡。今早撈起的福鱷其後死亡。

署方今日又在柴灣公園、香港公園、青衣公園和荔枝角公園巡視，如發現有福鱷亦會移除。

（即時新聞）
擐

作者: bobby6629 時間: 2009-9-5 00:30

捉走淡水鱷,個市即升500多點.
CTL 發表於 2009-9-4 23:44

捉埋飛鸚可能升5000哈哈哈

作者: paladin 時間: 2009-9-5 02:49

唉!!無野講
其實事由開始是東方最近針對康文處+警察
所以很多事情由他們弄大
利用群眾壓力搞政府
甘其他媒體見到搞又搞
咪搞成甘囉@@
人們盲目的附和的結果
所有康文處的水池沒有生物
捉到的福鱷歸天(荃灣嗰條半日已經搞死左,原本住左三年,一野就.....)
雖然他們是淡水十大惡魚....講到尾又是不負責任的主人
見得意就買來養,點之越來越大,最後在無人的晚上放回水池
以青衣公園為例,你估水池有什麼?
1)錦鯉2)食人倉3)龍蝦4)塘失5)金魚6)福鱷
以上的都不是康文處,甘你話.....
今天為左做呢單野,真伯浪費好多人力物力

歡迎光臨 PARROT-TREE (http://forum.parrot-tree.com/)