PARROT-TREE - Powered by Discuz! Board

標題: 被捕16福鱷將人道毀滅 [打印本頁]

作者: Mandy 時間: 2009-9-6 14:18 標題: 被捕16福鱷將人道毀滅

星島)2009年9月6日星期日 05:30
(綜合報道)

(星島日報報道)惡魚福鱷入侵本港公園水池，成為全城焦點，康文署昨清晨再度出擊，兵分多路分別在荔枝角、柴灣、香港及青衣公園擒「鱷」，人魚惡鬥一番，再捕獲十一條，包括荔枝角公園的一點六米「鱷」霸，牠破網而出兼三度跳出水桶逃生，卻難逃被「處決」厄運。康文署兩日共捕捉十七條福鱷，初步決定將目前仍生存的十六條人道毀滅。

　　康文署昨日繼續在公園捕捉福鱷，不過僅派出以清潔女工和外判工組成的雜牌軍捉惡魚。康文署發言人稱，由於找不到有合適設施的團體接收福鱷，將會與漁護署商討合適方法，把捕捉福鱷人道毀滅，目前尚生存的十六條福鱷恐難逃一死。

　　四人圍網血戰「鱷」霸

　　發現一點六米「鱷」霸的荔枝角公園水池，康文署連夜放水，令池中只剩不足二十厘米的水，再加派人手，由三人組改為四人組，於早上九時三十分展開圍捕行動。三女一男清潔工和外判工組成的捉「鱷」隊，張網把「鱷」霸逼到一角，一名男工用兩個長柄魚網，分兩端將牠網着，不料牠掙扎一番，即破網而出，張口咧齒亂咬反抗，尚幸身體太粗被卡着，因此未咬傷工人。

　　「鱷」霸掙脫穿過記者胯下

　　其他女工急取竹籮強行將牠罩着撈起，各人手忙腳亂終把「鱷」霸抬上岸，放入不足一米高的膠桶內，市民湧上圍觀拍照，不料牠突然反抗，一個「鯉如打挺」便跳出桶外游走，市民爭相走避，一名攝影記者猝不及防，被「鱷」霸從胯下穿過，險被巨魚咬一口。

　　一名南亞裔青年欲上前捉魚，男工人連忙喝止，上前將牠捉返桶內，惟該魚再跳出水桶逃生，當被捉回時竟反肚不動，工人見狀大驚，連忙加水拯救，這條巨魚原來「詐死」，再度「魚躍」逃出，跌落草叢中，人魚大戰三個回合，擾攘近一小時才將牠制服，用電動車運走。

　　反肚詐死跌落草叢被擒

　　未幾，這隊「捉魚敢死隊」再入水池繼續行動，池邊市民協助指示方向，花一個多小時再捕獲四條由三十至五十厘米的福鱷，未遇反抗輕易將之運走。

　　另一隊七人「敢死隊」昨清晨六時開始，在柴灣公園擒「鱷」，至中午有近百名市民，扶老攜幼圍觀，不斷拍掌為工人打氣。工人撈獲三條福鱷，其中一條長一點五米小鱷霸，亦兇猛破網欲逃被捉回，最後將牠們放在大垃圾桶內，推到公園垃圾站暫時棲身。

　　百市民圍觀拍掌打氣

　　其他捉魚隊員分別在香港公園和青衣公園共捕獲四條福鱷，康文署兩日共在五個公園捕獲十七條福鱷，首日在荃灣德華公園捕獲的「塘長」疑因缺氧，離塘不久已死亡。

　　參與捉魚敢死隊成員之一的清潔女工「龍姐」說：「我們不是專家，手忙腳亂當然有難度，多次險被惡魚咬中。」被捕福鱷暫時安置在大型垃圾桶內，有愛護動物人士指責，捕魚過程太過粗疏，有虐畜之嫌。

　　記者：楊偉亨林思明黃清開歐陽子瑩

reference: http://hk.news.yahoo.com/article/090905/3/e2nc.html

睇完我覺得好激氣! 佢地又冇做錯事, 又冇害過人, 就要俾人話太兇惡, 要殺死!!
點解可以咁殘忍? d市民仲要拍掌打氣! 下世輪到佢地做福鱷就知味道!!

作者: 大M 時間: 2009-9-6 15:06

無常識未這樣做! 市民又唔識, 政府又唔教育, 有投訴就殺. (似足大陸政府對dog一樣). 報章又大做新聞"惡魚福鱷", "「鱷」霸". 有養魚d人都識這種魚邊會咬人

作者: MANDYLEAD 時間: 2009-9-6 15:13

邊有佢地講到咁惡死咁恐怖呀,唉

作者: 風中飛鸚 時間: 2009-9-6 18:44

我都養過~真係大得好快~一般人魚缸好快養唔到~所以都會囉去放~(但是不對行為)在香港各水塘內有大量這魚類~
請問政府點做?抽乾水去捉?~因為如果有危險~水塘的一樣有危險~

作者: cash 時間: 2009-9-6 19:20

如果真係好似佢地講到咁惡呀就唔會派幾個清潔工人落水捉啦，又唔見上次捉貝貝搵呢d清潔工人捉!上次又識得洗幾十萬搵鱷魚專家去捉!

作者: sodagreensimon 時間: 2009-9-6 19:37

有D人真係好奇怪......

作者: YVONNE 時間: 2009-9-6 20:05

有D人真係好奇怪......
sodagreensimon 發表於 2009-9-6 19:37

take it easy.....

作者: cash 時間: 2009-9-6 20:37

有D人真係好奇怪......
sodagreensimon 發表於 2009-9-6 19:37

奇就奇在d唔關事，企o係則邊睇果d市民唔知點解要拍掌囉，是非不分走去趁虛!

作者: 天奴 時間: 2009-9-6 21:31

康文署做野係咁架啦, 成班柴狗.

作者: 大M 時間: 2009-9-6 21:33

鬼節剛完, d公公婆婆在公園見無能政府又有免費大戲上映. 當然要拍掌喇!

作者: 天奴 時間: 2009-9-6 21:33

本帖最後由天奴於 2009-9-6 21:38 編輯

康文那班成班都係柴狗.仲廢過我.

我明天就投訴特首條錦里講粗口鬧我.

作者: sodagreensimon 時間: 2009-9-7 13:41

7# YVONNE

你知我講邊D人好奇怪呀呵~~

作者: duncan 時間: 2009-9-7 14:02

養唔掂就話人道毁滅,但咁捉魚法又幾人道呀？唉香港真係破氣,氣數盡,群妖出

作者: sodagreensimon 時間: 2009-9-7 14:32

前幾年城門水塘, 九龍水塘有一種叫做多曼魚的非香港原生魚類, 佢哋的係肉食性, 習性凶殘, 都係一D市民放生魚....

本來佢哋來自熱帶, 難以抵受香港冬天時的溫度, 所以每逢冬天都係凍死, 但呢幾年冬天嚴寒不再, 令多曼魚大量繁殖, 影響水塘的生態環境, 連最基本的鯉魚、鰂魚都大量減少.... 結果有幾名持魚竿衛道之士, 了解多曼魚的習性後, 用假餌釣獲大批多曼魚, 消滅了大部份多曼魚的族群, 令多曼魚絕跡大部份香港水塘....

呢一種影響生態環境而進行的人道毁滅, 我個人十分贊同, 但公園的魚池, 我就覺得冇乜必要....

作者: Ada 時間: 2009-9-7 15:54

如果無呢單新聞, 我未見過呢種魚, 連聽都未聽過....

作者: YVONNE 時間: 2009-9-7 15:57

7# YVONNE

你知我講邊D人好奇怪呀呵~~
sodagreensimon 發表於 2009-9-7 13:41

Of course.

Y

作者: 風中飛鸚 時間: 2009-9-7 16:05

福鱷魚蛋, 梅菜蒸福鱷, 水煮福鱷

作者: Ada 時間: 2009-9-7 16:07

福鱷魚蛋, 梅菜蒸福鱷, 水煮福鱷
風中飛鸚發表於 2009-9-7 16:05

海鮮/河鮮唔係清蒸最好咩

作者: SugarSugar 時間: 2009-9-7 16:56

唔知放生鯇/大魚落E D池,D人會點造呢???

作者: cash 時間: 2009-9-7 23:15

7# YVONNE

你知我講邊D人好奇怪呀呵~~
sodagreensimon 發表於 2009-9-7 13:41

做咩你講野咁玄架~~我以為你講緊捉福鱷時旁邊睇戲果d是非不分又要o係度呱呱嘈果d人tim

作者: joankong 時間: 2009-9-7 23:42

Of course.

Y
YVONNE 發表於 2009-9-7 15:57

我都知呀

作者: sodagreensimon 時間: 2009-9-8 00:01

本帖最後由 sodagreensimon 於 2009-9-8 00:02 編輯

我講緊有D八公八婆係度鬧食環署捉福鱷 , 但又要係個公園度睇食環署捉福鱷SHOW, 都唔知D人咩心態......

作者: sodagreensimon 時間: 2009-9-8 00:25

我之前所講的多曼魚原來又叫金筆魚~~

大家睇睇以下資料.....原來之前太陽報有報導過......
http://the-sun.on.cc/channels/ne ... 831025124_0001.html

呢種多曼魚/金筆係東南亞國家有咬死人紀錄...最長可達六呎....

作者: cash 時間: 2009-9-8 11:28

我講緊有D八公八婆係度鬧食環署捉福鱷 , 但又要係個公園度睇食環署捉福鱷SHOW, 都唔知D人咩心態......
sodagreensimon 發表於 2009-9-8 00:01

咪就係睇食環署班廢柴有幾無能囉~政府做野係有權，但最唔明d在旁邊睇o既人點解要歡呼要拍手，真係想同果d人講：唔關你事你收聲啦，就係呢d趁虛o既人是非多多又不設實際!

作者: duncan 時間: 2009-9-8 11:40

海洋公园收容5條,不過16條已经壯烈犧牲喇

作者: cash 時間: 2009-9-8 11:51

海洋公园收容5條,不過16條已经壯烈犧牲喇
duncan 發表於 2009-9-8 11:40

佢地捉o既手法真係好差，求其搵幾個清潔工人黎捉就算，連載住條魚o既用具竟然係個垃圾桶，太過份!根本存心捉上黎都無諗過之後點處置d褔鱷!

作者: duncan 時間: 2009-9-8 12:01

咪就係,做嘢前都冇計過,求其了事.而家香港政府就係咁事事旦旦,縮骨算爆

歡迎光臨 PARROT-TREE (http://forum.parrot-tree.com/)