PARROT-TREE - Powered by Discuz! Board

標題: 迪迪仔咬毛事件簿 [打印本頁]

作者: 迪迪仔 時間: 2009-9-17 15:02 標題: 迪迪仔咬毛事件簿

開個新post 講番晒成個故事先 (各位，唔好意思.都幾長編大論GAR!!!)

迪迪仔由2個幾月大的時候就比我接左返屋企la.. 到宜家已經養左佢差不多2年零3個月了(即現在大約2歲半)。

迪迪仔由BB開始，慢慢咁係我屋企與我一起成長.... 每日除左我返工佢要入籠之外，平時我係屋企的時間佢就可以出黎玩 / 飛. 而係里2年多的時間裏面，迪迪仔已經當左自己係人，亦當左我係佢的伴侶了。到左宜家，佢見到其他鸚鵡的時候，都唔會當佢地係同類，最多都係眼尾望一下佢地. 相反，佢就好仲意同人類玩，咁當然仲痴我亦成日都要同我玩啦.

話說係上年暑假時(即迪迪仔約1歲)，我要出國12天旅行，咁唯有將迪迪仔放係一個朋友度養。當我返到HK之後. 迪迪仔用一副好奇怪的樣望住我.. 之後慢慢記得番我係邊過，然後同我返屋企.. 係里一次亦係第一次同迪迪仔的分離，佢的反應無不尋常的地方，佢係朋友度亦住得好開心。

到左今年6月底時(即迪迪仔2歲零左右)，我要出國5日去旅行，今次迪迪都係要寄養係同一個朋友度，在此好多謝我里位朋友幫我照顧迪迪。當我返到HK之後. 迪迪仔嬲左我1日. 到隔日佢先唔再嬲我對我友善番. 今次件事入面，迪迪仔仍然好正常，只不過係嬲我走左去幾日無搵佢.....

作者: 迪迪仔 時間: 2009-9-17 15:03

到左今年7月底8月初 (即迪迪仔2歲零左右)，我又要出國. 今次仲去左14日旅行，今次迪迪再次去到里位朋友家中住. 真係麻煩晒

. 當我返到HK之後. 迪迪仔由星期一晚嬲到星期五早上先唔再嬲我，佢足足嬲左我3日半.....

而係接迪迪返HOME 的第一晚. 我已經發現佢心口無左2,3條毛的積像 (里個情況係換毛時都會有). 到第2日我放工回家後，就發現成地毛，佢個心口亦同時出現左約一個1蚊咁大位置的無毛洞洞. 果晚，我無親眼見到佢咬毛，亦同時將去旅行買回來給牠的新玩具掛在籠內比佢玩，之後的一個月，佢亦無再出現咬毛的情況，而無毛的位置亦開始生出針毛 + 由針毛變為半成熟的羽毛啦.

可惜，就係上星期六 (即9月12日) 我又再發現有開始咬毛的動作，不過里個行為並未好明顯。(里日我全日係屋企亦有帶迪迪仔落街)

到左第二日星期日的下午，迪迪仔突然好似全身好痕咁，四圍R痕，仲好突然咁無LA LA 係咬毛的位置將半成熟的針毛一口拔出，而針毛尾段連著少少皮肉，當迪迪一口拔毛後，佢即時把玩該條針毛，亦進食有肉部份的毛管，當食完後，佢會一口FING走條針毛落地. 當日到左黃昏時情況越來越嚴重，除左拔毛，仲好似耳仔有野咬咁會FING 頭，雙翼間唔中會震動，仲扭身扭勢咁，情況有如被蝨咬好痕，可是，當我反開佢身上的羽毛檢查時，並沒有發現有寄生虫出現。到左當晚，佢差不多已經把心口的拔清，當時我實在忍無可忍，又心痛又無耐，之後，佢被我緊緊地攬係心口中，我亦忍唔住攬實佢喊同埋叫佢唔好再咬毛，之後佢就發出EE ER ER 細細聲的講野聲，放底佢時，佢仲眼定定咁望實我，諗緊我做咩事，當我對住佢大喊一場後，佢就開始少左咬毛的行為了。

作者: 迪迪仔 時間: 2009-9-17 15:03

第二天，當日我要上班，亦係早上立即致電到診所約睇醫生，因為，當時我亦未確定迪迪仔係情勢病還是有寄生虫的問題。原本當晚想到雀仔街買除蝨沖涼藥水/粉時，可惜當夜掛8號風號，所以便買不成了。放工趕回家後，看見迪迪咬毛的位置並沒有曠大，佢亦無再出現身痕, FING 頭, 拍翼的情況，不過仲有咬毛的行為，就係里個時候，我亦開始慢慢無咁擔心了，亦開始懷疑佢係情緒問題而咬毛。

第三天，早上仍然是8號風球，下午放工後回家後，看見迪迪無再惡化及好似比之前開心左，我個心亦再次放鬆了。但咬毛行為仍間唔中出現。

第四天早上9月16日，為求安心，我還是帶迪迪去睇醫生，當醫生聽診 (即上述故事)及視診 (檢查迪迪身體，羽毛，體重，進食情況)後，醫生初步確診迪迪的問題係情勢問題，原因大多數是我離開左十多天去旅行，迪迪頓時失去左佢的伴侶，同時，迪迪正踏入青春期，係里個時候，佢地的行為同情緒會出現轉變，而再受到 ” 頓時失去我” 的情況後，佢出現咬毛的問題並唔出奇。

作者: 迪迪仔 時間: 2009-9-17 15:03

係診証得出的結果﹕
1. 迪迪毛色好靚好健康
2. 迪迪體重371g. 視診中摸過迪迪身體，評論為健康，不肥不瘦
3. 食物方面﹕平時我發左會比粉狀的合成糧同一粒粒有顏色的合成糧迪迪食之外，夜上的一餐亦提供果仁，瓜子五穀類，生果的食物。醫生意見係﹕果仁，瓜子五穀類為高油份高熱量食物，不宜每天進食，果仁最多一星期只食一粒，葵花子亦不應每天都吃.
在此，醫生介紹以下合成糧給我﹕
a) Harrison’s
b) Mazuri
c) Zupreem
d) Pretty Bird (for Eclectus)
4. 鸚鵡出現咬毛情況係好普遍，至於寄生虫的情況則並不普遍，除非鸚鵡會在街的地上走動，樹上爬行，否則有寄生虫的機會係好微
5. 不建議飼養鸚鵡，原因係野外鸚鵡習性為﹕絶大部份時間飛行及搵食，少部份時間與同類溝通，少部份時間清潔自己梳毛。當人類飼養鸚鵡後，鸚鵡並唔需要用時間飛行及搵食，亦絶少時間要與同類溝通，因此會變成大部份時間變為清潔自己梳毛，由於時間過多的問題，梳毛時會變為拔毛咬毛的情況了。而主人往往要上班，回家後只有少量時間陪牠們玩亦時一個行大的問題。
6. 由於迪迪已長時間與人類同住，亦以為自己係人類，因此，就算我現在搵一個鸚鵡伴侶比佢，佢亦未必會接受，因為在佢心目中，佢的伴侶係我。
7. 由於迪迪係素食鸚鵡，我奇怪問迪迪食肉問題。醫生回覆，鸚鵡亦會間唔中食少量的肉補充營養，有些人亦會比雞肉鸚鵡食.. 不過佢的反應比我FEEL 到唔係咁建議大家咁做. 但係可以比雞蛋鸚鵡食. 另外，佢里個行為亦係情勢發展的行為的一種.
8. 有關帶頭罩的需要 (即帶LA BA)，由於迪迪拔毛問題並唔嚴重(不過拔開有條路)，亦無咬傷皮肉的問題，因此並問需要帶LA BA，因為帶LA BA的話，佢會好唔舒服，就算宜家帶左無問題，當除左後，亦會有機會出現咬毛行為，心理問題係未解決的
9. 改善方法﹕
a) 鸚鵡當與佢心目中的伴侶同在 (即係我地呀我地里個主人呀). 唔洗返工時就陪佢地玩，返工時帶埋佢地一齊返工
b) 每天提供不同的新奇好玩刺激的玩具比佢地打法時間
c) 比一D玩具佢地，入面放有食物，令佢地要花一段時間才可取得食物
d) 提供健康及營養的食物
e) 提供雞蛋補充營養 (間唔中就OK啦)
f) 唔洗帶LA BA，唔洗食藥，因為係心理問題.

昨日我就係診所度買左一包Harrison’s 糧　同埋一支　營養水比迪迪．今晚如果能趕到雀街的話，我會買多D新款玩具比迪迪.

作者: 迪迪仔 時間: 2009-9-17 15:03

本帖最後由迪迪仔於 2009-9-17 17:57 編輯

里2包醫生推介的鸚鵡糧. 佢地比左里2包sample 迪迪仔試食. 彩色果包係雀仔街都有得買.. 個牌子名係ZUPREEM. 我問佢地D 色素會唔會對雀仔唔好. 佢地話里個牌子用的係天然色素，係咁多隻有顏色的鸚鵡糧黎講係比較好的一隻，而里隻鸚鵡們都比較仲意食. 淨色的係 HARRISON'S 普通版.
迪迪仔仲意食HARRISON'S 多過彩色糧.. 可能平時佢都有食開里個牌子彩色糧的辣椒味.

另外我仲買左1包高蛋白質的HARRISON'S 糧 (85蚊包) + 一支營養水(120支) (唔記得係咩營養).
使用方法﹕
營養水要先用43度熱水浸, 由固體浸到變LIQUEFY. 之後 1茶匙即5ML 營養水 MIX 落一包HARRISON'S (1磅裝 = 455G) 合成糧入面. MIX 完後合成糧要放入雪櫃，要食先拎出黎.

作者: 迪迪仔 時間: 2009-9-17 15:03

本帖最後由迪迪仔於 2009-9-17 18:01 編輯

姑娘比左一份有關鸚鵡咬毛行為的資料我睇... 有機會先SCAN 比大家睇.. 係全英文版.

不過里份資料佢地係以下個網入面搵出黎的

Medical Center for Birds
www.medicalcenterforbirds.com

入面會有一度講﹕ Behavioral - Origin Feather Picking 的資料.. 不過我頭先搵唔到係邊度睇到

作者: 迪迪仔 時間: 2009-9-17 15:05

本帖最後由迪迪仔於 2009-9-18 09:54 編輯

昨晚同迪迪仔影左里d相

作者: 皮蛋 時間: 2009-9-17 15:22

睇完迪迪仔o既故事真係好唔開心, 完全感受到主人o既無奈同擔心. 亦會警惕自己要多點陪自己的鸚鵡玩. 希望迪迪仔早 d 康復戒掉咬毛.

作者: sam905 時間: 2009-9-17 16:09

其實咬毛嘅真正原因都沒人可以確定‧各有說法‧真係好難搞‧好似福兒我日日都跟着我（當時只養了灰英同佢）‧無端端都会咬毛啦

作者: carolee 時間: 2009-9-17 16:14

本帖最後由 carolee 於 2009-9-17 19:16 編輯

最近分別有兩位朋友的雀雀都是因有情緒病而自殘身體最後在大圍醫左好多個月, 演變為其他病冇得救而死, 一隻是葵花一隻是灰鸚, 佢地最初都係有拔毛症狀

醫生的判斷都說是源於發情期的賀爾蒙分泌問題

這位養了好多年灰鸚鵡的朋友其間不斷到網上和醫書上找資料, 他在amazon.com看到”Alex & Me: How a Scientist and a Parrot Discovered a Hidden World of Animal Intelligence--and Formed a Deep Bond in the Process” 一書的 user reviews裡看到作者怎樣control灰鸚alex發情期的賀爾蒙分泌

簡單來說, 發情期的賀爾蒙分泌會對雀雀構成好大的賀爾蒙壓力, 造出反常/自殘的行為

書裡提及給雀雀吃豆腐會有幫助, 因豆腐含有好豐富的植物賀爾蒙, 吃了後身體以為已有足夠賀爾蒙而減少分泌

我在網上看過書的目錄和index, 應該在書的第201頁說怎樣利用吃tofu幫助alex渡過發情產生的壓力和情緒

我也剛訂了一本, 看過後再跟大家分享

作者: imtamama 時間: 2009-9-17 16:17

睇到睇濕濕... 多謝分享呀~ 加油呀~

作者: carolee 時間: 2009-9-17 16:25

本帖最後由 carolee 於 2009-9-17 16:51 編輯

見d雀咬毛真係好難過, 都會諗鸚鵡係咪應該生活係大自然? 係咪人類太自私硬要拿他們當寵物才會令他們這樣?

祝迪迪仔快D戒甩咬毛, 唔駛主人再担心呀!

作者: kittychu 時間: 2009-9-17 16:32

祝迪迪仔戒咬毛成功~

作者: clymcm 時間: 2009-9-17 17:25

都會諗鸚鵡係咪應該生活係大自然? 係咪人類太自私硬要拿他們當寵物才會令他們這樣?

carolee 發表於 2009-9-17 16:25

呢個問題我都有諗過..實在好難答..
不過鸚鵡界已經比雞鴨鵝等家禽幸運, 起碼唔使俾"主人"親手埋單

可能自然界根本就係要帶點自私先可運作
"弱肉強食"

作者: kaka0304 時間: 2009-9-17 17:53

無言,反思中

祝迪迪仔早日去除心病,健康快活的生活!

作者: 迪迪仔 時間: 2009-9-17 17:56

我聽到醫生講唔應該飼養鸚鵡的時候.. 因為我地比唔到佢地天生需要的野比佢.. 我都即時覺得自己害左迪迪仔

作者: kaka0304 時間: 2009-9-17 18:07

請問係唔係醫生話HARRISON鸚鵡糧差d咩野營養,所以要添加營養水???
因為我鸚鵡都係食HARRISON
THANKS!

作者: tangpf0809 時間: 2009-9-17 18:24

睇到廸廸仔的故事好唔開心, 希望廸廸仔好快冇事, 唔會再咬毛, 唔再令主人担心...

作者: Louis 時間: 2009-9-17 19:55

請問係唔係醫生話HARRISON鸚鵡糧差d咩野營養,所以要添加營養水???
因為我鸚鵡都係食HARRISON
THANKS!
kaka0304 發表於 2009-9-17 18:07

支 Avix Booster 係額外營養補充劑, 主要成份係紅棕櫚果油及及一種專利配方既單酸甘油酯; 紅棕櫚果油含有6種天然維他命E, 2種天然維他命A, 輔酶Q10.
Harrison 合成糧已經添加紅棕櫚果油, 同其他牌子有機合成糧既分別, 就係加左呢樣野.

說明書寫, 服用後可增強免疫力, 有益心臟, 眼睛, 皮膚, 加速傷口癒合; 如與藥物同服, 可幫助抗生素及非類固醇消炎藥物既效用.

作者: aureaernie 時間: 2009-9-17 21:28

希望廸廸仔好快冇事la~

作者: sodagreensimon 時間: 2009-9-17 22:15

我養折衷的其中一個原因, 都係因為迪迪仔太可愛喇, 希望迪迪仔冇事, 我Garu仔都好癡我阿媽, 但係下個月兩老去十二日旅行, 而家開始已經減少阿媽同garu仔的接觸......

作者: 迪迪仔 時間: 2009-9-17 22:24

本帖最後由迪迪仔於 2009-9-17 22:27 編輯

支 Avix Booster 係額外營養補充劑, 主要成份係紅棕櫚果油及及一種專利配方既單酸甘油酯; 紅棕櫚果油含有6種天然維他命E, 2種天然維他命A, 輔酶Q10.
Harrison 合成糧已經添加紅棕櫚果油, 同其他牌子有機 ...
Louis 發表於 2009-9-17 19:55

多謝你的解釋.. 我正想問下你TIM

請問如果日日都食里隻糧.. 咁會唔會變左吸收太多呢？

作者: carolee 時間: 2009-9-17 22:27

支 Avix Booster 係額外營養補充劑, 主要成份係紅棕櫚果油及及一種專利配方既單酸甘油酯; 紅棕櫚果油含有6種天然維他命E, 2種天然維他命A, 輔酶Q10.
Harrison 合成糧已經添加紅棕櫚果油, 同其他牌子有機 ...
Louis 發表於 2009-9-17 19:55

louis真係好叻, 咩野都識!

作者: sonic 時間: 2009-9-17 22:33

迪迪仔有你做主人，已經好幸福！

你寫咁詳盡過程，真難得！

作者: 迪迪仔 時間: 2009-9-17 22:47

我養折衷的其中一個原因, 都係因為迪迪仔太可愛喇, 希望迪迪仔冇事, 我Garu仔都好癡我阿媽, 但係下個月兩老去十二日旅行, 而家開始已經減少阿媽同garu仔的接觸......
sodagreensimon 發表於 2009-9-17 22:15

多謝你欣賞迪迪仔..今日都唔係好見佢咬毛LA.. 宜係正常咁梳毛同大換毛.. 不過好似飛鸚同醫生咁話... 一入咬毛深似海.. 佢今日唔咬唔代表明天唔咬.. 為有每日比D 新奇野佢玩.... 真係諗到頭都爆 =_=

作者: 迪迪仔 時間: 2009-9-17 22:48

迪迪仔有你做主人，已經好幸福！
你寫咁詳盡過程，真難得！
sonic 發表於 2009-9-17 22:33

我其實有少少自責..... 一定有D 野做得唔足夠.. 所以佢先會咁

作者: 迪迪仔 時間: 2009-9-17 22:50

不過咬毛事件唔發生都發生左... 唯有諗下點去處理 + 自己心情要開心D.. 迪迪仔FEEL 到佢都會開心D

作者: Louis 時間: 2009-9-17 23:25

louis真係好叻, 咩野都識!
carolee 發表於 2009-9-17 22:27

客氣, 客氣, 唔敢當, 唔敢當.

好多時d營養補充劑及健康用品, 廣告都會誇大效用, 購買前我都會上網(政府網站, 醫院網站, 醫學網站), 尋求真相先. 特別係正在發育既人或動物, 營養過剩, 生長過速, 都會對身體做成傷害.

作者: Empire 時間: 2009-9-17 23:45

其實你對迪迪仔已經做得好足夠, 佢可以係屋企周圍飛!
糖水~我就剪咗佢翼, 無得佢飛,但唔剪翼, 又驚會飛走, 真係有d矛盾!

作者: YVONNE 時間: 2009-9-18 00:07

廸廸仔好可憐!

我寶寶都係唔知點解無端端咬毛,
可以想像到你嘅心情,
多d陪下佢, 佢應該會好d.

作者: miffy 時間: 2009-9-18 09:37

希望廸廸仔好快冇事la~

作者: 迪迪仔 時間: 2009-9-18 09:55

update 了相片係 post 7

作者: sallyyau 時間: 2009-9-18 09:56

廸廸仔加油, 努力,

希望廸廸仔冇事la,

亦希望廸廸仔主人如果下次出門, 可否考慮留廸廸仔在家中, 請住在附近的朋友幫忙, 每天放工到你家中換水換糧,

廸廸仔在自己家中會有安全感多d,

壓力少d,

咬毛機會可能不會發生, 我自己去旅行, 我都會叫朋友幫忙, d雀當我未放工, 通頂10 多天

作者: 迪迪仔 時間: 2009-9-18 10:59

The Pet Psychic ( 寵物溝通師 ) - 愛抱鸚鵡溝通係6:00mins 開始

寵物溝通師講到點解隻鸚鵡會有咬毛情況出現...
http://www.youtube.com/watch?v=BnWqsy_kX1I&feature=related

作者: ikki99 時間: 2009-9-18 15:19

迪迪仔 ,
你段片好恐怖!!
個女人恐怖地勁

作者: 煙花 時間: 2009-9-18 17:09

我隻小b呢2幾日都咬返毛.....本身已經減到好小好小....自從打風果日之後又突然咬左好多,嚇到我死!
迪迪仔可能真係覺得悶.......所以先咁做,又或者會唔會係你朋友屋企有養小動物?會唔會嚇親佢?

作者: Louis 時間: 2009-9-18 23:20

多謝你的解釋.. 我正想問下你TIM 請問如果日日都食里隻糧.. 咁會唔會變左吸收太多呢？
迪迪仔發表於 2009-9-17 22:24

呢隻糧可以日日食, 但呢支營養劑, 好番之後可以停.

作者: lowbchu 時間: 2009-9-18 23:26

睇到D相了...

你真係一位好好的主人!!
你同迪迪仔都要加油呀~~

作者: OnOn 時間: 2009-9-19 00:04

鸚鵡可以自由活動同跟人係好事, 但又驚習慣後出現以上情況.
真係好難攪

希望迪迪仔好快無事!

作者: joejoe 時間: 2009-9-19 00:08

Hope 迪迪仔 get well soon.

作者: agnes283 時間: 2009-9-19 01:37

所以我屋企Ｄ雀我唔會成日攞上手玩，如果我係屋企，我就打開個籠等佢地係個窗台週圍行，間中就同佢地講嘢，因為我都驚佢地太痴我反而會容易引起情緒病，有時都覺得幾矛盾。
其實你個情況同cookie個情況都好相似，希望迪迪仔可以早日好番。

作者: OnOn 時間: 2009-9-19 09:07

所以我屋企Ｄ雀我唔會成日攞上手玩，如果我係屋企，我就打開個籠等佢地係個窗台週圍行，間中就同佢地講嘢，因為我都驚佢地太痴我反而會容易引起情緒病，有時都覺得幾矛盾。
其實你個情況同cookie個情況 ...
agnes283 發表於 19-9-2009 01:37

同意! 自小訓練唔好太痴身好重要, 除非你一定唔會去旅行.

作者: drdoom 時間: 2009-9-19 19:37

迪迪仔加油...心痛死人

作者: 迪迪仔 時間: 2009-9-19 21:34

多謝大家支持.. 里幾日迪迪仔咬少左毛... 可能心口已經無咩毛比佢咬.... 不過就見佢開心左. 另外我每日都放d 新玩具 + 拎走某d 玩具.... 迪迪仔又仲意食新買番黎的糧.

作者: 迪迪仔 時間: 2009-9-19 23:52

本帖最後由迪迪仔於 2009-9-19 23:54 編輯

貼番張迪迪仔第一次咬毛的情況先.. 果時係7月底8月初去完旅行回來後第1,2日咬毛情況，初時無咁嚴生，9月13日果單先嚴生D

作者: wingkibo 時間: 2009-9-21 22:56

唔,白糖糕就是carol所講因咬毛開始患病,在上月頭離去的葵花.其實,在我帶他回家時也不知道原來用這方法愛他反而害了他,他們太聰明,太忠心..在白糖糕患病一年間,看著他不斷自殘,病況反反覆覆,醫生亦試了很多改善荷爾蒙的藥物也無用.試了把他和另一隻女放一起也沒用,試了轉換環境亦沒有用.到最後不想他再受做手術的痛苦,不得不放棄...我現在很清楚,鸚鵡真的不是我能力可飼養,除非不會離開他半步,又或是沒打算跟他親近.在我這一年常到醫院的經驗,看到有咬毛的鸚鵡,大部份主人像我一樣時常去摸/掃他們身,而當白糖糕發病時,醫生亦有要我停止摸他,只可以在他乖時拍下頭仔.迪迪仔主人,我看迪迪仔也不是十分嚴重,但你可以唔好摸咁多,有可能的話,趁佢仲细睇下有無得相睇.鸚鵡患情緒病是不能番轉頭..

作者: Empire 時間: 2009-9-21 23:26

唔,白糖糕就是carol所講因咬毛開始患病,在離上月頭去的葵花.其實,在我帶他回家時也不知道原來用這方法愛他反而害了他,他們太聰明,太忠心..在白糖糕患病一年間,看著他不斷自殘,病況反反覆覆,醫生亦試了很多改善荷爾蒙 ...
wingkibo 發表於 2009-9-21 22:56

一直知道白糖糕患病, 原本上月頭離去了, 得悉後好心痛, 好難過!
原來我們對雀雀的疼愛, 可能會有害了他, 真是矛盾!

wingkibo, 請保重！

作者: 迪迪仔 時間: 2009-9-22 22:46

唔,白糖糕就是carol所講因咬毛開始患病,在上月頭離去的葵花.其實,在我帶他回家時也不知道原來用這方法愛他反而害了他,他們太聰明,太忠心..在白糖糕患病一年間,看著他不斷自殘,病況反反覆覆,醫生亦試了很多改善荷爾蒙 ...
wingkibo 發表於 2009-9-21 22:56

明白了.. 會嘗試一下今次真係愛佢變成害佢

作者: vvhui1993 時間: 2009-9-22 23:49

迪迪仔加油

作者: vvhui1993 時間: 2009-9-22 23:51

唔,白糖糕就是carol所講因咬毛開始患病,在上月頭離去的葵花.其實,在我帶他回家時也不知道原來用這方法愛他反而害了他,他們太聰明,太忠心..在白糖糕患病一年間,看著他不斷自殘,病況反反覆覆,醫生亦試了很多改善荷爾蒙 ...
wingkibo 發表於 2009-9-21 22:56

白糖糕......白糖糕......

作者: 金莎朱古力 時間: 2009-9-23 09:11

唔,白糖糕就是carol所講因咬毛開始患病,在上月頭離去的葵花.其實,在我帶他回家時也不知道原來用這方法愛他反而害了他,他們太聰明,太忠心..在白糖糕患病一年間,看著他不斷自殘,病況反反覆覆,醫生亦試了很多改善荷爾蒙 ...
wingkibo 發表於 21-9-2009 10:56 PM

我在大圍見過白糖糕一面, 你已努力過, 不要太傷心.

作者: 小英仔 時間: 2009-9-23 16:18

迪迪仔要快d唔好咬毛喇

原來白糖糕已經...

作者: sesese 時間: 2009-9-23 18:20

加油呀, 尤其迪迪仔咁痴身, 可能你要用上好多倍時間改善呀

作者: 肥倫 時間: 2009-9-23 22:47

我隻大白也有情緒問題,但沒有拨毛,只是不受控制大叫大跳和發脾氣咬人,我只是離開佢5 日,回來好像變了另一隻鸚鵡,其實鸚鵡有事,做主人都會很辛苦,有時就算付出比平時多100%耐性去遷就佢,也是不討好,連自己情緒也受困擾.我也不贊成飼養鸚鵡,只是人類自私的行為另他們失去自由,他們是屬於大自然的,我現在飼養的鸚鵡是遭人遺棄的,

作者: wingkibo 時間: 2009-9-24 13:00

我想被遺棄或轉主人的鸚鵡更易患情绪病,白糖糕停止咬毛後卻用另一方法去自殘,所以要好小心處理.

我隻大白也有情緒問題,但沒有拨毛,只是不受控制大叫大跳和發脾氣咬人,我只是離開佢5 日,回來好像變了另一隻鸚鵡,其實鸚鵡有事,做主人都會很辛苦,有時就算付出比平時多100%耐性去遷就佢,也是不討好,連自己情緒也 ...
肥倫發表於 2009-9-23 22:47

作者: wingkibo 時間: 2009-9-24 13:02

謝謝金莎朱古力 .

我在大圍見過白糖糕一面, 你已努力過, 不要太傷心.
金莎朱古力發表於 2009-9-23 09:11

作者: wingkibo 時間: 2009-9-24 13:02

謝謝
quote]
一直知道白糖糕患病, 原本上月頭離去了, 得悉後好心痛, 好難過!
原來我們對雀雀的疼愛, 可能會有害了他, 真是矛盾!

wingkibo, 請保重！
Empire 發表於 2009-9-21 23:26

[/quote]

作者: leoyys 時間: 2010-7-9 17:02

提示: 作者被禁止或刪除內容自動屏蔽

作者: 棉花綠茶 時間: 2010-7-10 22:37

我8月都要去旅行5日,屋企冇人都唔知點算!
雖然好怕,不過2隻雀雀都唔痴人,會唔會有事架@_@

作者: Mr_fran 時間: 2010-7-11 00:04

Take it easy it will pass and your parrot will get well very soon.

歡迎光臨 PARROT-TREE (http://forum.parrot-tree.com/)