PARROT-TREE - Powered by Discuz! Board

標題: 大家一齊分享飼養鸚鵡冷知識 [打印本頁]

作者: 風中飛鸚 時間: 2009-11-26 11:59 標題: 大家一齊分享飼養鸚鵡冷知識

大家將獨家飼養心德~一齊分享~集合起來就變成知識寶庫

1我對所以寵物都會跟他說話~由其是餵飼時~
(我無論/龜/小蜜/狗/鸚鵡/老鼠都同佢講野)原因係寵物不單止習慣主人外貌/體型/氣味/
仲會記住主人聲線~將來有乜意外走失~鸚鵡會對主人呼喚有反應,

2餵給食物~不宜在放工回家,最好在朝早出門口,因為飲食習慣好緊要,回家即餵會做成鸚鵡渴望你回家~
(輕者狂叫就小不了,重者咬毛都有份)

3將鸚鵡重量紀錄寫在電子磅盒面~(因為另找紙張紀錄,成日唔見,就算用簿都係~個盒就唔同~
實裝住個磅,記得磅就會記得寫~記得寫就會記得睇~)

4如果手餵鸚鵡~每次先後次序要對調,不能永遠同一次序~(最好邊隻有表演就餵邊隻先)

5合成糧用一個大容器裝好~每次預裝一星期左右糧~用另外一個細容器裝好~
(令整體糧不用每日打開接觸空氣,只是一星期才打開一次)

作者: carolee 時間: 2009-11-26 14:55

用白醋開水清潔雀籠和玩具, 可以消毒又唔怕清洗唔乾淨隻雀食咗會中毒

作者: Louis 時間: 2009-11-26 17:43

利用白醋既酸性, 可以清潔物件表面污漬, 但真係無消毒作用嫁...

作者: HelloWin 時間: 2009-11-26 18:26

如果鸚鵡有病,
要帶去睇醫生

呢個好明顯係冷知識啦.....

作者: sesese 時間: 2009-11-27 01:50

糧杯水杯每天清洗, 我會用熱水浸一陣, 去除洗潔精味及以熱水消毒.

作者: miffy 時間: 2009-11-27 09:22

本帖最後由 miffy 於 2009-11-27 09:34 編輯

對, 用說話溝通好緊要. 佢真係聽你講, 亦會明白. 就連Jingle 唔識講野, 佢都知我講乜. 亦知我嬲既時候要點. 唔好當佢地係傻既. 多D叫佢個名. (其實我連屋企D車同單車都有名架)

更重要係語氣 - 嬲時大聲D, 温柔時温柔. 再加眼神搭夠. 惡時登大眼, 開心時笑咪咪.

係我發嬲時走埋去籠度未惡mutton, 佢已經會講sorry. 咁我就唔打佢啦.

作者: 楚峰 時間: 2009-11-27 10:14

對, 用說話溝通好緊要. 佢真係聽你講, 亦會明白. 就連Jingle 唔識講野, 佢都知我講乜. 亦知我嬲既時候要點. 唔好當佢地係傻既. 多D叫佢個名. (其實我連屋企D車同單車都有名架)

更重要係語氣 - 嬲時大聲D, &#28201 ...
miffy 發表於 2009-11-27 09:22

車同單車都...

其實我廚房d煮食用具都有名...!!
我d鹽叫餐桌...糖叫砂...豉油叫李錦記...

作者: tangpf0809 時間: 2009-11-27 10:28

我每次餵食都會同雀雀一同祈禱
禱文內容“感謝天父, 賜我飲食, 求主祝福, 賜我體力, 奉主名求, 阿門”
每次禱文內容一樣, 簡單易記, 久而久之, 希望佢聽到我講“阿門”, 就知道有野食

作者: clymcm 時間: 2009-11-27 10:42

本帖最後由 clymcm 於 2009-11-27 10:46 編輯

車同單車都...

其實我廚房d煮食用具都有名...!!
我d鹽叫餐桌...糖叫砂...豉油叫李錦記...
楚峰發表於 2009-11-27 10:14

講開名, 峰兄你係神話. 每個人都會為你起只少一個專稱
肉衫, 肉峰, 肉樹, 肉衫超人, 峰峰, 楚大俠......
大家對你仲好過自己隻鸚鵡

又離晒題..等我又冷知識下先!
(各師兄弟妹, 我唔知大家既baby係咪都有呢個情況..可能根本大家都係~

)
臨訓前鋪張廢紙係籠門前
第二朝一知道阿雀醒左, 趁佢未清喉嚨大叫前
立即開佢籠門俾佢出黎
之後佢會係籠外"大解放" (當我第一次見個督野既圓周..俾佢震驚左一下)
既可保持籠內乾爽, 空氣同視覺上都清新得多
人雀皆爽

作者: HelloWin 時間: 2009-11-27 10:54

又離晒題..等我又冷知識下先!
(各師兄弟妹, 我唔知大家既 ...
clymcm 發表於 2009-11-27 10:42

晨早第一督真係好壯觀...
谷左成晚ge結晶

燕窩都咁賣得
我呢d一日一次, 產量少
用黎做藥材就岩晒
實賣到好價

作者: 楚峰 時間: 2009-11-27 11:24

講開名, 峰兄你係神話. 每個人都會為你起只少一個專稱
肉衫, 肉峰, 肉樹, 肉衫超人, 峰峰, 楚大俠......
大家對你仲好過自己隻鸚鵡

又離晒題..等我又冷知識下先!
(各師兄弟妹, 我唔知大家既 ...
clymcm 發表於 2009-11-27 10:42

我到而家都唔知芬達到底有冇訓覺...
因為晏畫我又會返工...早上起身佢一定已經已左身...(可能因為鬧鐘響我先起身...鬧鐘已經響醒左d仔仔囡囡先...)
夜晚返去只會見到佢夜左會磨牙...但蓋布偷睇佢又唔係訓緊...佢可能向我訓左之後先訓掛...
所以我唔可以放張紙俾佢晨早第一篤...

作者: miffy 時間: 2009-11-27 11:44

以前我得一隻既時候會咁做. 佢醒醒之後五分鐘內會"si si". 咁我就換左面果張報紙至返工. 但而家無lu. 不過講真, 報紙少咗一大篤真係乾淨好多.

如果有時間, 最好午/晚換一次tim.

作者: 楚峰 時間: 2009-11-27 11:49

其實佢地係唔係驚既時候就痾架呢...
好多時放佢地出黎...佢地好驚...周圍走周圍飛個陣...例牌見到地上多左d野...

作者: hoysiu 時間: 2009-11-27 11:58

雀鳥本能, 唔o係自己屋企屙, 出街屙, 同埋受驚會屙, 聽聞係因為可以減輕重量, 走快o的咁話.

作者: 楚峰 時間: 2009-11-27 12:05

雀鳥本能, 唔o係自己屋企屙, 出街屙, 同埋受驚會屙, 聽聞係因為可以減輕重量, 走快o的咁話.
hoysiu 發表於 2009-11-27 11:58

咁應該係啦...有時明明痾完...如果冇事就唔會再痾...
如果嚇到佢佢又再痾一次都仲得...

作者: hearmecry 時間: 2009-11-27 21:54

對, 用說話溝通好緊要. 佢真係聽你講, 亦會明白. 就連Jingle 唔識講野, 佢都知我講乜. 亦知我嬲既時候要點. 唔好當佢地係傻既. 多D叫佢個名. (其實我連屋企D車同單車都有名架)

更重要係語氣 - 嬲時大聲D, &#28201 ...
miffy 發表於 2009-11-27 09:22

帶左眼鏡咁點算 @v@

作者: 風中飛鸚 時間: 2009-12-6 23:52

新鸚鵡回家~一定會花很多時間相處,但要緊記你將來也可以用那麼多時間相處嗎?
考慮清楚~認真的諗一諗~如果不能~就不要開始好了~

作者: Cozzy 時間: 2009-12-8 09:34

新鸚鵡回家~一定會花很多時間相處,但要緊記你將來也可以用那麼多時間相處嗎?
考慮清楚~認真的諗一諗~如果不能~就不要開始好了~
風中飛鸚發表於 2009-12-6 23:52

所以我最多一日同佢地玩一早一晚,15-30分鍾,放假都唔繳變

作者: 風中飛鸚 時間: 2009-12-8 11:21

要令鸚鵡對你的手掌有好感,不要用手打他,手只會給予食物及好處,

作者: 楚峰 時間: 2009-12-8 11:49

要令鸚鵡對你的手掌有好感,不要用手打他,手只會給予食物及好處,
風中飛鸚發表於 2009-12-8 11:21

我都冇打佢...不過佢都驚我隻手...

作者: mavisweet 時間: 2009-12-8 11:57

要令鸚鵡對你的手掌有好感,不要用手打他,手只會給予食物及好處,
風中飛鸚發表於 2009-12-8 11:21

咁如果唔用手打...咁可以有咩方法教佢哩??
只講"no"??用眼神???

作者: 楚峰 時間: 2009-12-8 12:10

咁如果唔用手打...咁可以有咩方法教佢哩??
只講"no"??用眼神???
mavisweet 發表於 2009-12-8 11:57

用腳踢...=0=" 或者搵石頭掉佢...

作者: hoysiu 時間: 2009-12-8 12:11

咁如果唔用手打...咁可以有咩方法教佢哩??
只講"no"??用眼神???
mavisweet 發表於 2009-12-8 11:57

當然要有行動啦, 因為 no 同眼神, 佢都未必即刻知係咩意思. 比如說, no 完後困返入籠唔理佢一陣, 到佢乖返先至同佢玩, 久而久之, 佢就知道 no 之後會有咩後果.....

一聽到個 no 字, 自己識乖乖地走入籠受罰... wakaka .........

作者: Louis 時間: 2009-12-8 17:22

我都冇打佢...不過佢都驚我隻手...
楚峰發表於 2009-12-8 11:49

可能佢見過你撩鼻屎, 所以以後都記住...

作者: Louis 時間: 2009-12-8 17:49

研究灰鸚鵡認知能力權威, Irene Pepperberg, 在著作"Alex & Me" 中提及過,
Observational Learning (觀察學習法)係教導灰鸚鵡最有效既方法.
簡單d講, "觀察學習法"須要兩個人(甲, 乙), 重複作同一動作及句子, 而隻鸚鵡從旁觀察學習. 研究結果顯示, 用此方法, 隻鸚鵡學成速度, 比單一訓練員直接教導隻鸚鵡更理想有效.

例如想教隻鸚鵡講"花生"及認識那物件名字叫"花生";
甲說:"花生",
乙立即遞上花生, 而灰鸚鵡從旁觀察;
重複又重複, 幾日之後, 隻灰鸚鵡就學識甚麼是花生, 及一講"花生", 有人會遞上花生, 達成食花生目的.

作者: chiu_cc 時間: 2009-12-8 18:03

我會用"百子千孫"嚟做家法事候, 佢有時都會曳, 咬d唔應該咬嘅嘢, 我就用"百子千孫"嚟撥開佢, 撥吓撥吓, 佢就驚左把尺, 家吓佢見到把尺就會走為上著

話時話, 大家知唔知咩係"百子千孫"? 係一把尺令長, 黑艋艋嘅木尺, 上面有百子千孫四個字.

我其實冇用百子千孫打過佢, 只係嚇佢, 都有成效, 所以唔體罰都或者適用於鸚鵡, 其實打佢, 佢都唔知自己衰乜.

歡迎光臨 PARROT-TREE (http://forum.parrot-tree.com/)