PARROT-TREE - Powered by Discuz! Board

標題: 開寵物店問題~請大家俾d意見 [打印本頁]

作者: Mitchell 時間: 2010-1-1 00:05 標題: 開寵物店問題~請大家俾d意見

小妹2月開始失業

...
想問下大家覺得係藍田匯景商場開間寵物店有冇得做

只賣LB, 雞尾和倉"su" , 小動物用品, 小量雀栗+合成糧
商場背景: 鄰近中產多, 但冇學校....人流不多鋪租先不說但我覺得ok...
對象:小朋友+主婦當然我會睇人來賣la...
鋪位: 旁邊係美容院, 地產鋪 + 一間荼餐廳, 放工時間人流不多

作者: mmchu 時間: 2010-1-1 00:35

問心講句，我唔睇好lor！

我老闆之前響灣仔開左間舖頭賣魚，
佢賣淡水魚仔，即係波子呀，孔雀個d咁，
兼賣埋魚缸呀，用品個d，
講真，成個灣仔個條街得佢一間係賣魚，
但係佢盤生意真係蝕到"pk"，
每個月賺返黎都唔夠蝕，
捱左三年蝕左三四十萬，
所以咪以為"獨巿"就有著數，
老實講，如果我雀仔野要買，
我寧願撘幾蚊車出旺角買，
起碼多d選擇兼又多d野睇…

作者: B18 時間: 2010-1-1 10:06

我都唔係柴你台...不過妳賣d下價雀..仲要睇人黎賣....仲有果d野比你賺晒都唔知圍唔圍到皮....同埋就算開頭比你日日賣到雀..又可以keep到幾多日可以日日賣到?(係怕無生客,易飽和)...雀雀又比較少事後服務(eg.好似貓狗沖涼美容果d野),如淨做你話果d可能比較吃力...我覺得如果要做就+埋賣d小精品,or可以加幾行箱箱(做埋箱箱鋪),幫補下都好~~~~
祝你成功,鴻圖大展
以上只係個人意見,不喜勿怒,歡迎任插

作者: Mitchell 時間: 2010-1-1 11:42

多謝大家意見, 我其實都知好難賺到錢, 不過又見到好似獨市有得諗至諗下

作者: 楚峰 時間: 2010-1-1 21:54

匯景個場...我個人覺得就死死地...

如果純為興趣...就冇辦法...要賺錢既話...而家做細舖賣細雀應該蝕死...

作者: duncan 時間: 2010-1-2 11:50

商場可能唔比賣雀,請查清楚,唔係就慘喇！

作者: pinko 時間: 2010-1-2 12:12

如有獨市概念,不如開在離雀街較遠的大市鎮好過喇(如將軍澳、
天水圍)但雀牌易取嗎???

作者: hoysiu 時間: 2010-1-2 15:16

本帖最後由 hoysiu 於 2010-1-2 15:24 編輯

以下純粹個人意見, 唔係想柴台
1) 以買家o既角度出發, 買雀的話, 我會出去多雀店o既地方, 多o的野睇, 多o的選擇, 唔會特登走去藍田得一間有得買. 即是說, 你o既客源, 幾乎只有藍田一區.
2) 開一間餐廳, 你覺得多野食揀o既會多客o的, 定係淨係得幾味菜o既餐廳賺錢o的 ?
3) 多樣化給引顧客, 客人唔買都會入黎睇下, 如果得幾款野, 最多入去睇一次, 都唔會再入去睇, 因為覺得無野睇. 如果係好多野睇, 你睇完都會話比人知o個度有好多野睇, 如果無野睇, 你會叫個 fd 去雀街.
4) 再換個角度看, 養貓狗o既人比養鸚鵡o既人多, 點解o個度無人開貓狗店 ?
5) 起o係o個o的商場仲會賺錢o既係乜舖 ? 都係日常所需, o的人貪近o既舖. 例如超市, 診所, 食市.

如果真係想開舖, 要諗清楚o的. 加油 ~~

作者: sesese 時間: 2010-1-2 16:34

做牲口生意, 太有良心既話好難賺錢~

作者: Cozzy 時間: 2010-1-2 16:47

做牲口生意, 太有良心既話好難賺錢~
sesese 發表於 2010-1-2 16:34

所以有好多無良開寵物

作者: 楚峰 時間: 2010-1-2 23:54

如有獨市概念,不如開在離雀街較遠的大市鎮好過喇(如將軍澳、
天水圍)但雀牌易取嗎???
pinko 發表於 2010-1-2 12:12

講得岩...要開我覺得選新界區...
而家都成日有人問除左九龍同香港...新界有冇賣雀既舖頭...
真係太少...

作者: Kathy 時間: 2010-1-3 00:09

10# Cozzy

或者掉返轉講~
開頭個個都雄心壯志開寵物店都係鐘意寵物~
最後頂唔住都要向現實低頭做一個無良商人~

作者: 風中飛鸚 時間: 2010-1-3 13:34

e方面我係專家中的專家~
1商場店舖未必能做寵物生意~(好多商場都會注明~)
2寵物生意有分專做本區及遊客生意.(遊客意思不是指外地到港的人~是指出街行下行下~想搵野買既人)
3做本區生意就要選擇位置明顯~不能去到死角位置~
4做遊客生意就要到旺區~在旺區邊皮都可以~不過旺區租金貴~一落場就要博命~
以你性格就不能到旺區~因為壓力也相對大好多~

如果以我專家身份講一句~要睇你心態~是買花帶定養家~是完全唔同~

點解咁牙察話自己係專家中專家~因為每日接觸創業的人~最快倒閉的紀錄~是鱟地方的餅店~
1號開業9號結業~裝修15日~頭尾唔夠1個月~即是裝修時間比經營長~
當店主到我公司做招牌~我已經宛轉提過~不過我做生意~人家唔死就我死~冇辦法啦~

所以在那區做那一行業~現時那一行業最有得做~我最清楚~

各行都有高低潮~今年美容大旺,出年補習大旺~年年在轉,我最清楚~

作者: Cozzy 時間: 2010-1-3 13:41

主席開補習係咪好d??

作者: 風中飛鸚 時間: 2010-1-3 14:31

補習又再複雜d~

先講簡單(區域小型補習社~以小學為主)~是比較穩健行業~只要不太離譜~租金不是太誇張~好小倒閉~

但補習社選址好緊要~不是近學校一定好~要交通方便~

作者: 風中飛鸚 時間: 2010-1-4 12:15

寵物店/食物館/都會受到政府唔同部門監管,要先清楚法例所需要留意地方,
想成功先要了解市場,理想同事實未必相同,要進一步了解市場,先向同行了解,
如果有問題,歡迎你打電話俾我,
邊個地點做乜野生意會發達我唔知,邊個地點做乜野生意唔得,我就可以俾d意見你參考,

作者: 風中飛鸚 時間: 2010-1-4 12:26

今年食物店狂開業也狂倒閉,好簡單証明市度又開始轉向,
如果市場暢旺,開既行業會五花八門,唔會側向一個行業,
整體市場是不停在轉圈,有定律的,只要把握到時間,跳上跳落,就好易搵錢,(但跌死居多)
我做的行業就站在最前,往往睇得太清楚,
舉例:當我見到要跌市,因為見先一步,所以市面反而歌舞昇平,國泰民安,同人講就跌市都俾人笑到面黃.
到市場要起飛,四維叫人出黎啦,又俾人笑,

作者: HC928 時間: 2010-1-4 17:00

今年食物店狂開業也狂倒閉,好簡單証明市度又開始轉向,
如果市場暢旺,開既行業會五花八門,唔會側向一個行業,
整體市場是不停在轉圈,有定律的,只要把握到時間,跳上跳落,就好易搵錢,(但跌死居多)
我做的行業就站在最 ...
風中飛鸚發表於 2010-1-4 12:26

好有 "眾人皆醉我獨醒"的味道，好有同感 ! !

好似而家人人都話海嘯危機已過，其實，危機四伏就真，2011年的經濟會向下滑，2012年的經濟會大崩潰，樓價會跌四成，又有幾多專家肯講呢 ? 而家仲出緊2012到期的掛鉤PRODUCT，邊有公司會踢爆呢 ?

我阿SIR講過，係香港千萬不要做生意，D 鋪租貴到不合理，又成日加租，30萬要好耐才儲到，但會好快蝕哂，有錢就投資去做生意好叻的公司的股票度，起碼仲有息收，又唔使勞心勞力.

作者: 風中飛鸚 時間: 2010-1-4 23:17

好像現在的樓市表面似是穩步向上,但支持力其實好唔尋常~比以往古怪~咁就唔係咁健康啦.現在正是買又死唔買又死既時間~現在唔買就短期內都唔可以買啦~

作者: Cozzy 時間: 2010-1-4 23:44

好像現在的樓市表面似是穩步向上,但支持力其實好唔尋常~比以往古怪~咁就唔係咁健康啦.現在正是買又死唔買又死既時間~現在唔買就短期內都唔可以買啦~
風中飛鸚發表於 2010-1-4 23:17

中國人係好鍾意炒樓的,有中國人的地方就有貴樓...

作者: 芳姨 時間: 2010-1-4 23:49

早幾年我都有想過開番舖再做生意,但想清楚一開舖又要上期又要按金,裝修,入貨,雜費,
勞心勞力都未必一定賺到錢,最後都係放棄想法.
如果你諗住為興趣,賺錢買花戴又唔同.

作者: 風中飛鸚 時間: 2010-1-5 16:49

好心人,老實人,有良心,都冇咁適宜做生意,奸商奸商丫嗎

作者: Mitchell 時間: 2010-1-5 22:00

多謝大家意見...真係留返d錢養老/雀算了...

作者: 風中飛鸚 時間: 2010-1-6 12:00

你咁好心腸~可以做過第二樣生意丫~寵物生意有時要忍心D~我相信你做唔出~
可以做死物生意丫~一賣一買,冇感情啦~

作者: 煙花 時間: 2010-1-6 13:15

將心比己,自己會諗到點解要去幫親呢間鋪頭先

作者: 風中飛鸚 時間: 2010-1-8 12:47

你咁善良,開補習社啦~一定好生意~在補習班內放滿lb~吸引喜歡動物小朋友補習~
成績優異考第一~送一隻lb~又搵錢~又有lb~又唔洗"為"背良心~

歡迎光臨 PARROT-TREE (http://forum.parrot-tree.com/)