PARROT-TREE - Powered by Discuz! Board

標題: 九龍城美食節,點可以唔去埋九龍城食野呢 [打印本頁]

作者: 煙花 時間: 2010-1-7 17:10 標題: 九龍城美食節,點可以唔去埋九龍城食野呢

自己睇返的確都好似好耐無出post,見開九龍城美食節,咁就順便寫下啦xd

第一站當然係清真牛肉館啦,有分新鋪同舊鋪,舊鋪就係九龍城龍崗道 1 號,新鋪就係打鼓嶺道,不過人人就話新鋪無咁好食,但就唔洗等咁耐位同坐得舒服d,但我就未去過,所以唔知。
去到清真牛肉館,當然係食牛,無耐地我呢d 寫字樓工o既時間,無論放工去定放假去,都唔小人係門口排緊隊,以我咁唔鐘意等o既性格,只好外賣就算。
2個人,女朋友又唔鐘意食辣,我又唔鐘意食羊之下,只好叫2個牛肉餅食,反正又咁出名!不過一叫就要2個20蚊,外賣加多1蚊,一共21蚊,只買2個牛肉餅都要等成20分鐘先有得食,朋友提過話即刻食先好食,打開盒後感覺真係好熱,100%係剛剛整起,但自問個咀經過長時間訓練,應該唔會怕呢個熱度!
咁就出事啦,一咬落去,肉汁四濺,彈到自己件衫事小,彈到旁邊o既人先唔好意思xd,不過個心的確好熱,同好多汁,個皮就好脆不過唔會吸收d 汁,可能我無期待底下覺得感覺幾好食,不過牛肉味唔重!

ps:之後我女朋友食果陣已經開始唔熱,咁個皮又唔脆,所以就無咁好食啦,所以記住即刻食先正xd,仲有真係小心熱xd

圖片出自taboworld

第二站上去我細細個成日去o既地方,九龍城街市o既樂園
地址:九龍城九龍城市政大廈3樓1號舖

都知電視介紹過之後,一定旺到阿媽都唔認得,佢平時係休星期日o既,星期六就開到5點左右啦,當時我星期六3點未夠去到,見佢執緊桌心知不妙,去問老闆,佢話收工啦,d 料都賣曬,無野賣啦,野飲就仲有.......
好在我上黎買野飲姐,咁多年無黎,都加左唔小價,e+一杯紅豆奶茶要16蚊!!!!仲要唔係好大杯,不過唔緊要都上到黎,要返杯先啦!點知外賣杯比堂食仲細,心諗.....老闆買隻大d o既杯好唔好........
未飲過o既人,一定估唔到一個街市上面有一杯咁滑o既奶茶,呢度o既奶茶奶味比較重的,所以要看大家口味了xd,不過當日最可惜食唔到中學果陣好鐘意食o既沙爹牛肉西多士

第三站,之後再行過幾條街去到福佬村道,去探下幾位名人合資開o既曲奇四重奏!
九龍城福佬村道58號鴻福樓地下
名人效應真係好重要,將普通o既曲奇包裝一下,再加以宣傳可以吸引到咁多人黎買,但我今次黎o既目的唔係買,只係去試食xd。去試下網上吹噓得最勁o既蝴蝶酥!,一去到鋪仔細細都可以迫到十幾人入去,門口仲有d 人係度等,心諗曲奇餅都咁鬼多人買,呢個世界變左啦!!!,入到去明顯見到服務員唔夠,咁見到各款曲奇都有得試食,咁當然試下先,佢絕不吝嗇,整塊咁試食,一食之下,甜味不太過,鬆化有餘,但因為自己對西餅要求比較高,所以覺得未算最好,但價格唔算平,個人感覺食水幾深....所以當然只係食完就走xd

第四站豪華餅店,係九龍城衙前圍道 136 號,又係細細個成日食,好似無食過酥皮蛋撻
$3.5一個,唔算熱辣辣,但勝在回億就是.....食落感覺蛋味唔夠,酥皮亦都好似無以前咁鬆,雖然比出面街一般o既好!
最後覺得可能始終回憶才是最好的

作者: mavisweet 時間: 2010-1-7 17:49

去昌發食泰國野~

遊船河+炸皮蛋都超正+~~~~

地址:九龍城城南道27號地下

另外,要推介既係足料用心甜品店
九龍城城南道15號
皇室甜品~
佢既宇治金時超足料~
紅豆係日本紅豆~綠茶都係日本貨~十分正~~~

作者: 煙花 時間: 2010-1-7 17:55

本帖最後由煙花於 2010-1-7 17:58 編輯

Ceres Boulangerie et Patisserie
九龍城福佬村道19號

西餅,甜品,麵包集一身,可以話九龍城本身無一間呢類型鋪頭,佢係第一間,名為開荒牛也不為過!
人地話最出名呢度係卷蛋,不過價值68個大洋一條,絕對唔係好似豪華餅店咁大條(豪華條卷蛋足足2磅重),但佢賣點係鬆化同甜而不膩,平時會有散裝賣,13個大洋一塊,但成日賣曬,有時想食,分分鐘仲要訂完去扲,真係巴閉!
因為果次係搭單食到,有個客特登買上黎請我地公司食,講真咁貴我未必捨得買,食落面一層icing sugar,再加一層清蛋糕及cream,cream 帶奶味比較重,甜味較輕,看到出食材方面有付出過,但食過蛋糕真係夠蛋味,鬆化唔太乾,唔太甜,食2件都無問題,佢絕對係一條好好味o既卷蛋,不過在我心目中係九龍城一條卷蛋賣68蚊,真係未必會再買,你話佢係文華東方賣1舊水都不為過
好食係好食,值唔值真係兩睇啦

Patisserie Tony Wong
九龍城福佬村道74號

帝苑酒店甜品大廚阿Tony哥,搖身一變,變成係九龍城開鋪之後自稱五星級大廚開o既甜品鋪
Tony 班學生、帝苑 Fine Foods班熟客、睇佢著作嘅讀者、以前電視上o既fans一班甜魔........一諗就知佢一定叫價唔低仲要幾受歡迎!

一樣甜品好食係唔夠,樣子也是重點~看到出tony 哥避重就輕,化功夫o既甜品不多,多為實而不華o既餅類!
上網有人話Chocolate Truffle Cake 朱古力軟心蛋糕 ($32) 可遇不可求，基本上每日過咗中午就好難會見到出現喺餅櫃之內，想食到佢只有 3 個方法 . . .

1. 一早 11 點舖頭開門到下午 2 點前多數會買到。

2. 舖頭開門後打電話去預留，過咗 2 點就唔駛打啦

3. 買 $170 嘅 3/4 磅裝或 $230 嘅 1 磅裝，去到 5 點仲會有

Chocolate Truffle Cake自稱用左3種朱古力混合而成(不過食唔出),再用榛子脆片做底層,面層放多塊令人感覺貴氣o既金箔!的確外層做到光滑值得加分,叉開佢食落朱古力真係落得重手,仲要係貴野xd,真係超級濃味,加上朱古力慕絲、海綿、軟心蛋糕三位一體，以呢個價錢黎講算合格有餘,無奈地都係九龍城區,桌椅只有數張,只可以吃其味道,不能吃其裝潢及氣氛!(好似3x元一舊,實價忘記了)

Napoleon 拿破崙餅 ($32) ,賣相討好,上面加一塊類似焦糖的脆片,中間則為 2 層吉士,清甜為主,可惜我不太喜歡吃櫻桃,雖然佢都幾甜同多汁xd,不過絕對唔建議雪過夜先食,會失去左拿破崙應有o既味道,價錢偏貴,size不大,不過拿破崙愛好者可以一試

全部餅都接近30元起跳,只可以話佢有用心,用靚食材去做,價錢係值,但30元食一件餅就要睇下個人o既價值觀先覺得佢值唔值,但以我黎講絕對抵過68蚊o既一條卷蛋xd

圖片提供不眠王子

作者: mavisweet 時間: 2010-1-7 17:56

D蛋糕好似好好食咁呀~~~

←口水

作者: 煙花 時間: 2010-1-7 17:59

D蛋糕好似好好食咁呀~~~←口水
mavisweet 發表於 2010-1-7 17:56

的確幾好食,不過食得多銀包好傷

作者: Louis 時間: 2010-1-7 18:09

自己睇返的確都好似好耐無出post,見開九龍城美食節,咁就順便寫下啦xd

第一站當然係清真牛肉館啦,有分新鋪同舊鋪,舊鋪就係九龍城龍崗道 1 號,新鋪就係打鼓嶺道,不過人人就話新鋪無咁好食,但就唔洗等咁耐位同坐得舒 ...
煙花發表於 2010-1-7 17:10

蝴蝶酥我鍾意百事吉餅店, 經濟又好味, 逐磅計, 買少少過口癮又得!

作者: 煙花 時間: 2010-1-7 18:11

蝴蝶酥我鍾意百事吉餅店, 經濟又好味, 逐磅計, 買少少過口癮又得!
Louis 發表於 2010-1-7 18:09

係灣仔?未試過xd

作者: 小英仔 時間: 2010-1-7 18:16

睇落d甜品真係好好味呀

作者: Louis 時間: 2010-1-7 18:17

龍門大酒樓對面, 海皇粥店隔幾間鋪.

作者: OnOn 時間: 2010-1-7 21:14

你地成日post D美食引人

, 想唔肥都唔得啦!

作者: sesese 時間: 2010-1-8 01:49

又係夜麻麻睇到d 美食既相... 唉! 美味多汁既牛肉餅呀, 好耐無見啦, 我都好掛住你架

煙花有無試佢d 咖喱? 我覺得都幾好味吖~

作者: gameijk 時間: 2010-1-8 01:53

不如大家帶雀游行同食野????

作者: Louis 時間: 2010-1-8 09:05

不如大家帶雀游行同食野????
gameijk 發表於 2010-1-8 01:53

帶雀遊行要等天氣暖d先得, 帶埋雀去食野都唔係甘多餐廳得, 多數都要露天餐廳或燒烤場, 大排檔都要係邊位.

作者: 風中飛鸚 時間: 2010-1-8 18:03

煙花真係好喜歡食野,對食有一份熱誠架,每次都會post好多有關食既資訊,肥得有道理,肥都值回票價,
我食左幾年麥皮,麥條,麥片,食到咀都爛,麥條完全冇味,癌症病人都唔食,(狗就更加唔食)我照食左幾年,先可以減慢體重增加,即係話一樣照肥,只係肥慢左小小,你話幾唔值,
麥條係麥殼外層最冇價值物質,壓成狗餅咁,乞丐見到都走,
麥皮唔係大家所食既貴格麥皮,係燕麥多殼,人家用來餵豬或餵虫果d,5元有成噸,

營養就就係同亞sam每星期出街食一次飯.

歡迎光臨 PARROT-TREE (http://forum.parrot-tree.com/)