PARROT-TREE - Powered by Discuz! Board

標題: 倉鼠「入門」 [打印本頁]

作者: pinko 時間: 2010-3-4 09:43 標題: 倉鼠「入門」

上回談到患有寵物恐懼症的我，最後決定准許女兒飼養倉鼠。文章見報後，讀者電郵如雪片飛來，各人熱烈分享了對寵物或畜牲的恐懼。Amy說她的貓兒有一次發狂，用利爪爪傷了她的面頰，幾乎毀容。石太年幼時目睹媽媽在坑渠邊劏雞放血，弄至「血流成渠」，從此她不再食雞。夠了夠了，各位適可而止吧！

      貓、狗、白兔、倉鼠全都不准養了。為了顧念母親對寵物的恐懼和自己對寵物的熱愛，最後女兒妥協了。她要求買一隻「假寵物」，就是「他媽哥池」。我無奈地買了這件沒有靈魂的東西給她，她竟然十分認真地每天給它餵飲水、給食物、陪去廁所和陪上床瞓覺……一切都是虛擬活動，但她都當成真的了。除了覺得變態之外，做母親的我甚為擔心，怕她成癮，一個癮字，你會想到打機癮、上網癮、吸毒癮……


為了女兒的人生，我讓步了。貓狗可以周圍走，倉鼠困在籠中，較為保險。倉鼠「入門」之前，我提出了一個要求，就是每逢我在廳中，便要「黑布蒙籠」，避免與牠們有目光接觸。我的要求，當然全不兌現，倉鼠「入門」第一晚，女兒已把牠們放在手心中把玩，幾乎把我嚇個半死。但過後幾天，我開始留意到一些很美麗的情景。女兒細心的拿出木糠，讓牠們在滾動中潔淨身體，又小心翼翼地打掃籠中糞便。她對小生命的熱愛，令人欣賞。連平時赤腳站在公園草地或沙灘岸邊，都會驚叫縮腳的小弟弟，如今也勇敢地觸摸倉鼠的手腳。

      你有沒有養倉鼠的經驗呢？

      張笑容

作者: 楚峰 時間: 2010-3-4 10:34

細個成日買白老鼠黎養...次次都養死=.="
個陣我同學鍾意玩一樣野...就係將隻白老鼠拋埋牆...(唔係掉...係拋)
之後隻白老鼠就會抓住d牆紙=.="

個陣我同學玩死左好多隻白老鼠...=0="
到最後...我放棄再養白老鼠...因為次次都俾佢玩死晒

作者: pinko 時間: 2010-3-4 11:00

細個成日買白老鼠黎養...次次都養死=.="
個陣我同學鍾意玩一樣野...就係將隻白老鼠拋埋牆...(唔係掉...係拋)
之後隻白老鼠就會抓住d牆紙=.="

個陣我同學玩死左好多隻白老鼠...=0="
到最後...我放棄再養白老鼠. ...
楚峰發表於 4/3/2010 10:34

he he

作者: 大M 時間: 2010-3-4 11:47

拋埋牆

作者: winglb 時間: 2010-3-4 18:09

我地做實驗殺死d白老鼠都係要對正個角位一野扑落去,,即死

作者: Louis 時間: 2010-3-4 19:27

我地做實驗殺死d白老鼠都係要對正個角位一野扑落去,,即死
winglb 發表於 2010-3-4 18:09

我以前讀 Biology, 經常要用好多白老鼠做解剖實驗, 一隻手抆住條尾, 一隻手用原子筆壓落頸背, pop 一聲頸骨斷即死, 過程唔須要一秒.

作者: 楚峰 時間: 2010-3-4 22:09

我以前讀 Biology, 經常要用好多白老鼠做解剖實驗, 一隻手抆住條尾, 一隻手用原子筆壓落頸背, pop 一聲頸骨斷即死, 過程唔須要一秒.
Louis 發表於 2010-3-4 19:27

太....殘忍啦...

作者: Louis 時間: 2010-3-4 22:41

當你要最短時間預備十幾廿隻完整屍體比人做實驗, 你又無任何麻醉藥物, 呢個係製造全屍最快方法, 亦有其他同學雪死班白老鼠, 但要解凍後先可以用, 但有時結冰會破壞細微組織, 變成唔用得.

作者: winglb 時間: 2010-3-4 23:16

我怕我用原子筆仲衰,,可能壓十幾下都未死得

作者: tsw 時間: 2010-4-4 01:47

太殘忍啦...

作者: YAN 時間: 2010-4-5 17:08

乜唔係用哥羅方谷暈隻老鼠架??

班bio同學做解剖咁話.....

作者: winglb 時間: 2010-4-5 17:35

阿sir話用哥羅方隻老鼠有機會解解下剖醒,,仲可怕

作者: BoBoBoBo 時間: 2010-4-5 18:54

細個成日買白老鼠黎養...次次都養死=.="
個陣我同學鍾意玩一樣野...就係將隻白老鼠拋埋牆...(唔係掉...係拋)
之後隻白老鼠就會抓住d牆紙=.="

個陣我同學玩死左好多隻白老鼠...=0="
到最後...我放棄再養白老鼠. ...
楚峰發表於 2010-3-4 10:34

你同學細個時係殺白老鼠兇手~大個咗殺乜?

近日d 貓貓狗狗成日比人虐待~ 你個同學會唔會....

作者: BoBoBoBo 時間: 2010-4-5 18:56

我以前讀 Biology, 經常要用好多白老鼠做解剖實驗, 一隻手抆住條尾, 一隻手用原子筆壓落頸背, pop 一聲頸骨斷即死, 過程唔須要一秒.
Louis 發表於 2010-3-4 19:27

千祈唔好得罪Louis

歡迎光臨 PARROT-TREE (http://forum.parrot-tree.com/)