嘩,,好正啊,見到咁多野食流哂口水啦
請問你地係住民宿定酒店啊
winglb 發表於 2010-4-6 23:24
之後我就落去買早餐食下先,因為費事上到去又無野食,落到去都幾多人啦,諗住去買胡椒餅,點知佢話11點先有第一輪,咁就去買良品牛肉麵(ＮＴ100)+鍋貼（５隻ＮＴ３０）返酒店做早餐！！食落牛肉麵又唔係話正，紅燒牛肉麵帶點麵，麵比較有咬口，牛肉有筋，不過不失，不用特別去試，反而佢Ｏ既鍋貼比８方雲集好食！！ 
早餐良品牛肉店+鍋貼(100NT+30NT5隻) 買左車飛，仲要半個鐘先有火車黎，飲盒野、等一陣就正式出發去瑞芳！！（當時１１點４０分開車的） 都唔知搭左幾耐，但唔洗一個鐘一定到，因為中間我都訓左去十分同又份都係由呢度出發架啦∼∼ 
去九份同十分都係要黎呢個瑞芳火車站 再去買飛去十分，買左全日票５６ＮＴ，如果只有十分來回大約４６ＮＴ，差１０左右，大家可以自行決定！！去到瑞芳開始落雨啦∼∼我把雨傘仲要反埋．．．只好著雨褸，係門口買個雞蛋糕食下就有車黎啦！！ 
去十分O既火車 
好大雨呀?~~ 又搭多幾個站之後，正正式式到十分啦！！！可以係鐵路影下相，買下名信片，再出發行去十分瀑布！不過係買名信片果間鋪頭，行下買下野都用左唔小時間，之後仲經過阿麼天燈，決定回程就係佢度放啦∼∼ 落住雨行，又要帶相機，其實都幾辛苦，仲要行下吊橋。我自己又開始有小小腳震震行左２５分鐘左右我地先到中途站Ｏ既旅客中心，因為天氣凍又著住雨，我地入去坐下，飲杯熱朱古力，同埋頭先係手信鋪買Ｏ既黑糖餅！！塊黑糖餅勁痴牙．．．痴到離譜．．．．食左一半之後食曬Ｄ 餅就算，中間黑糖部份放棄∼∼ 
去十分暴布O既中途休息果塊黑糖餅勁痴牙........ 再慢行多十幾分鐘，卒之都到左十分瀑布啦！！！入場費成為８０ＮＴ一位，其實見佢仲有Ｄ其他野玩，例如ＢＢＱ 場等，但因為落雨，沒去考究∼∼行左好耐卒之都到，好感動呀∼∼∼雖然睇落無話十分壯觀，但都好澎湃！！之後慢慢搵位ＳＥＴ 腳架影下相就走嚕∼∼ 
大雨加天氣凍,加埋休息時間行左接近1個鐘先到 之後慢慢經原路行返去，可以因為行左一次，感覺近左∼∼但行到返去都４點幾啦，之後去返阿麼天燈買手信同埋放天燈，買左幾個夜光Ｏ既２５０ＮＴ ３個，之後放天燈要１００ＮＴ，仲可以加鞭炮的，見人地加左都幾靚呀∼∼下次有機會放一定要加！！之後慢慢寫都寫左成個鐘，成５點幾開始放，之後返去搭６點０５分Ｏ既車返瑞芳∼∼ 
之後回程當然要去文下天燈啦~~ 
阿麼天燈,我地就係呢間放 
係超快.... 
回程等火車O既時候食野保暖(紫心番薯+炸雞卷) 返到瑞芳，出去車站對面Ｏ既頂好等車（基隆客運）上九份（頂好即係香港Ｏ既惠康），太約２０－３０分鐘就上到去，因為無塞車Ｏ既關係，係山路司機都係開得好快＝口＝．．．同上陽明山差不多，但好在今次有得坐，中途仲有個香港人用國語向我問路，大家都未去過我都唔敢答實佢ＸＤ，好在有第３對香港人識路，大家就一齊落車，但落車果陣唔記得幫小肥拍卡，所以小肥張卡唔可以再搭呢間公司Ｏ既車！！ 上到去都６點幾啦，好多鋪頭都開始關門，我地去買左薑母茶，陶笛，同食左芋圓就走！天氣唔好，不停落雨，身體疲累，沒法去感受一下呢個悲情城市（因為我地都好悲，成身都濕濕地，所以唔夠一個鐘就搭返車落去瑞芳，之後再搭返火車去松山站落（台北前一個站），跟住去饒河街夜市！！ 
咁Ｏ岩時間比我地買到自強號搭，咁停小Ｄ 站可以快Ｄ 到，又坐得舒服Ｄ（因為自強號貴Ｄ，但有只定位坐，不設企位！！（普通買區間車，即係普通站站停，同埋有位就自己坐啦，自強號就係有劃位坐的） 
返台北O既時候居然搭到自強號 唔洗３０分鐘就再到松山啦！！，一出車站就會望到呢個建築物，之後左手邊就係饒河街夜市啦！！！！ 
饒河街夜市門口,一出松山火車站就會望到 首先我地買左大阪燒（返酒店食） 
之後再買左串羊肉，我覺得唔太”ＳＯ”，幾好味ＸＤ 
羊肉串,唔"SO"夠野味 ]
超野味呀XD 再食炸芝士，呢檔就無香港灣仔Ｏ既嵐山咁好食啦∼∼唔夠多芝士之外又唔太脆！！ＮＯ ＧＯＯＤ∼ 
炸芝士 
都係灣仔果間好食D 之後再買左鹽酥茹（返酒店食） 
呢間哥哥仔,做個個動作都感覺好專業XD 仲有圓圓燒都係返酒店食 
圓圓燒 
再加排骨湯同魯肉飯，都係返酒店食 
鹽酥茹都幾得意呀，未食過炸金茹，脆脆地，試下幾好食，但食得多就會有點油了∼∼ 
呢堆就係頭先買返黎食果堆啦∼∼ 
呢個係大阪燒,有吞拿魚同粟米 
呢個係圓圓燒,有煙肉同蝦 
排骨湯O既排骨,超多
[
[/url]
嘩,,好正啊,見到咁多野食流哂口水啦
請問你地係住民宿定酒店啊
winglb 發表於 2010-4-6 23:24
咁民宿同酒店有d咩分別架?
我同d同學打算考完會考就去台灣玩下,,仲有冇d咩可以推介下啊??
winglb 發表於 2010-4-6 23:36
我同你搭同一班機呀~~~
但我由桃園機場落場就直奔台中~~~ 聽日先去台北~~~
sodagreensimon 發表於 2010-4-6 23:56
我地都係16,7歲冇人18歲
winglb 發表於 2010-4-6 23:58
咁住民宿又洗唔洗要18歲以上啊?
我地仲諗住自由行,想去邊就去邊
winglb 發表於 2010-4-7 00:12
萬X係劈鋪, 刀刀見血...............
sodagreensimon 發表於 2010-4-7 00:18
20# 煙花
貴嘛, 我而家張機票1180, 如果台中入台北出, 貴好多...........
sodagreensimon 發表於 2010-4-7 00:21
聽你地咁講,,好怕真係俾人劈左都唔知咩事
winglb 發表於 2010-4-7 00:25
我幾個月前睇到17XX
sodagreensimon 發表於 2010-4-7 00:27
| 歡迎光臨 PARROT-TREE (http://forum.parrot-tree.com/) | Powered by Discuz! 7.2 |
