PARROT-TREE - Powered by Discuz! Board

標題: 優質美容商戶之大騙局!!! [打印本頁]

作者: gameijk 時間: 2010-5-13 16:44 標題: 優質美容商戶之大騙局!!!

本帖最後由 gameijk 於 2010-5-13 16:45 編輯

優質美容商戶之大騙局!!!
事源發生在今日 2010年5月13日, 下午14:30PM
我在家中接到一名叫張先生(英文名nick)的一位男仕的來電, 聲稱自己是一間名為 “優質美容商戶” 的聯絡人, 以下是我同張先生的談話內容:

張先生:你好,何小姐,我地係代表“優質美容商戶” 打電話黎既,恭喜你成為我地100名評審之一,我地誠意邀請你參加我地呢個計劃, 主要係有二千幾間美容公司競逐成為優質美容商戶, 但最後我地只會選出5間比賽, 我地會sponsor你上去做最多30次美容服務,包括所有激光脫毛, 電子嫩膚, 減肥瘦身, 射頻抽脂, 無論療程費用多貴, 都只會收你$150, 你只需要帶我地寄俾你果張評判資格身份表上去, 做完唔駛買任何療程, D美容公司都唔會sell 你買療程既,而且療程一定足80至90分鐘,唔會呃你只做半邊面,睇下個效果呢D呃人手段, 請放心!不過請緊記,為左保障你既私人,請不要向任何美容院或者我地既同事提供你的個人資料, 包括你的身分證號碼, 出生日期等等, 因為試過有D評審咁樣做, 好危險架, 其實每次做完療程只需要填好11條評分問題就可以了,唔需要俾任何$同信用卡架. 而且唔會限你有限年期,你鍾意幾時去做都得架.

我: 咁著數??但係又話要俾每次$150既?咁唔駛俾美容院,又俾邊個呀?

張先生: $150收費係俾我地得架啦,但唔好俾現金我地喎,因為現金無記認架嘛, 咁到時咪口同鼻拗?我地會同香港8間銀行合作,咁你用信用卡自動轉賬得架啦,千祈唔好交$俾美容院同俾我地職員啊!

作者: gameijk 時間: 2010-5-13 16:46

(呢個時候我心諗:咁咪好危險? 自動轉賬喎, 咁你咪鐘意過幾多都得囉?而家你在電話講$150,到時你唔係收$150, 收原價我咪死? 如果我做D成千蚊既療程的話, 因為佢話: 無論療程費用多貴, 都只會收你$150)

我: 咁但係D美容院知道我地上去做評審,又唔係神秘客戶, 咁佢地係咪會做得特別好囉?咁咪反映唔到佢地真實的服務表現囉?

張先生:我地明白何小姐你既顧慮, 因為有其他評審都提出過呢個問題,之但係針無兩頭利架,所以呢方面我地盡量只會保障何小姐你既安全, 只要你做得開心就好,而且我地會寄返一個包裹送俾你, 裡面係一D 大公司的樣辦送返俾你試用返, 今年有SK II, Biotherm, H2O+, 何小姐請你俾你既地址我地,你預返2-3個工作天就會收到架啦. 同埋請你提供埋你的信用卡號碼俾我地, 亦都請你抄低埋個恆生銀行的聯絡電話29972668 (當然我都上網查過,呢個電話根本就唔係恆生銀行既)

呢個時候我覺得好唔妥,而且街坊不停問我邊個打黎,所以我拿拿聲周佢講我唔得閒, 我男朋友等我出街,而家已經遲到了, 我今晚6:30前打電話俾你地啦, 然後立即收線, 之後佢打多幾次電話俾我, 但我都無聽, 再將件事話左俾街坊聽.

事後我在google同yahoo搜尋器搜尋過, 並沒有 “優質美容商戶” 這間機構, 之後我再search這位張先生打給我的來電顯示: 23988063, 這原來是一間名為 “豐姿” 的美容中心, 但地址是旺角利惠大廈, 並非張先生所說的旺角雅蘭中心14樓全層(這是一間叫Dr 醫學美容中心), 再將此名搜尋下去, 竟然是旺角豐姿美容按摩中心(仲要係4級的邪骨桑拿場, 網址是http://www.winning11.com/discuz/archiver/?tid-10925.html, 18+)

再search張先生所說的 “優質美容商戶” 在旺角總店的電話:27099950, 是一名叫曾小榮的聯絡電話(松崗鎮,為您提供五金工具;機床配件;模具配件;導柱導套;衝針頂針;杯頭螺絲; ... 深圳市寶安區松崗鑫達五金店.)

再search張先生所提供的美容中心的名稱: doctor beauty palace, 是一間叫Rx美容醫學集團的美容中心, 電話35808586 與張先生所給我的電話號碼相符, 但地址是旺角彌敦道613號飛達商業中心14樓1401室, 都是旺角,也是14樓, 但並非張先生所說的雅蘭中心14樓全層(我肯定我無聽錯,因為佢叫我去呢個地址)

作者: pinko 時間: 2010-5-13 16:49

騙子

謝謝提醒

作者: mavisweet 時間: 2010-5-13 16:55

我近排都成日聽到哩d電話...
不過未等佢講後面一堆廢話前...
我會先質問佢點解會有我電話同知我姓咩.....

作者: kkkk007 時間: 2010-5-13 17:32

我近排都成日聽到哩d電話...
不過未等佢講後面一堆廢話前...
我會先質問佢點解會有我電話同知我姓咩.....
mavisweet 發表於 2010-5-13 16:55

咁佢地通常點答?
而家我唔識既電話都唔會聽,特別係3字頭果d

作者: Louis 時間: 2010-5-13 18:57

"請你等等, 等我即刻錄音, 同寫低你個來電同公司資.........do do do do do do do do"
個人即刻收左線.....

作者: sesese 時間: 2010-5-13 19:15

騙子

作者: BoBoBoBo 時間: 2010-5-13 20:08

唔比機會佢講，sell 乜都好: "Sorry, 唔需要" ! ~ 收線

作者: coletrain 時間: 2010-5-13 21:12

gameijk兄真你好耐性,
比着我佢講到:我地誠意邀請你參加我地呢個計劃....
我己經cup左佢線!

作者: gameijk 時間: 2010-5-13 21:24

gameijk兄真你好耐性,
比着我佢講到:我地誠意邀請你參加我地呢個計劃....
我己經cup左佢線!
coletrain 發表於 2010-5-13 21:12

我100%唔會去聽、呢D野只有D入世末深而又貪小便宜既(肥豬王)先會去理呢D下家橙.
佢老母生佢出泥有工唔做,係要做老千.人渣都不魚.

正一生害街坊,死害鬼.

作者: coletrain 時間: 2010-5-13 21:32

上次有個把聲好sexy ge 小姐call黎(no caller display)
佢講佢地係專做男仕美容,
sell我套票,
我話我唔做facial,
佢又話有男仕健體班,
我話我唔做的,
跟着佢好吋反問我:咁你即係好fit啦!
我話:關你咩事呀..........cup佢線
好乞人憎!..尤其忠busy中!

作者: 楚峰 時間: 2010-5-14 01:27

(呢個時候我心諗:咁咪好危險? 自動轉賬喎, 咁你咪鐘意過幾多都得囉?而家你在電話講$150,到時你唔係收$150, 收原價我咪死? 如果我做D成千蚊既療程的話, 因為佢話: 無論療程費用多貴, 都只會收你$150)

我: 咁但係D美 ...
gameijk 發表於 2010-5-13 16:46

飛達商業中心14樓好似係BEAUTY FOREVER(終生美麗)

作者: tsw 時間: 2010-5-14 03:59