PARROT-TREE - Powered by Discuz! Board

標題: 養雀請三思 [打印本頁]

作者: tw1997 時間: 2010-6-10 21:45 標題: 養雀請三思

今天回家，發現家裏多了兩隻彩鳯．很驚奇！因我家父母是不喜歡竉物．我家的迷李金剛和凱克，都是和家父母商量了約３個月，交了保護費（送禮物比父母）才準”入門”．我問爸爸，他說其中一隻是在公園拿回來．我說拿回來？他說今天一早去晨運．在公園掉垃圾時發現有一個紙箱寫有心人請拿回家養，沒能為力．我爸一看是一隻彩鳯．當時因下大雨．全身濕透．爸爸說他想了約５分鐘後便拿回家．回家後和媽媽吵了一頓．後來媽媽看見後那隻全濕的彩鳯都說點解ｄ人咁變態咁殘忍（我媽己是最沒愛心那種人），於是他叫我爸去買一個新雀籠給他．我爸於是到九龍城雀店買了一個雀籠和一些彩鳯糧，那店主說一隻太悶了，給他找個伴吧．於是我爸馬上買了一隻回家．回家後他們很像很夾．我爸媽說拾回來那隻好像很久沒吃過東西，不停吃了大半天．我從報章間中會看到一些虐待或遺棄貓狗的新聞．估不到雀鳥也有．現希望那對彩鳯生活得開開心心和健康．同希望購買鸚鵡時要再心思考慮才買．

現想請問是不是要一星期後才替他們洗澡，是不是要買防蟲葯給他們吃？彩鳯怎分男女．我見一隻是藍色ｎｏｓｅ，另一隻是白色的．彩鳯愛吃甚麼東西呢？我現在把他們和家中的鸚鵡隔離．是否隔離一星期便ｏｋ呢？謝謝

作者: 迪迪仔 時間: 2010-6-10 21:49

IF 雀雀身濕.. 最好用暖風風筒幫佢吹乾個身.

作者: cylailai 時間: 2010-6-10 21:57

短期內都唔好同佢地沖涼，唔沖涼只係污糟少少唔會死，但係沖完涼之後可能會病。

建議你細心觀察執返黎個隻，如果有鬆毛或病態就去雀街買支 333 比佢飲，淋顯咗好易病架﹗

好彩佢遇到你爸爸

作者: ping 時間: 2010-6-10 22:05

係一個絕處逄生，命不該絕的故事。

作者: yokojune 時間: 2010-6-10 23:17

好彩遇到有心人

作者: tsw 時間: 2010-6-10 23:21

好心有好報

作者: leoyys 時間: 2010-6-10 23:45

提示: 作者被禁止或刪除內容自動屏蔽

作者: 爆谷 時間: 2010-6-10 23:52

可能係不知不覺間,你同雀雀都感染到你爸媽,令佢地對雀雀有憐惜之心.

作者: Louis 時間: 2010-6-11 01:32

一般傳染病可潛伏兩星期, 所以先隔離至少兩星期, 期間留意精神, 食量, 大小便, 及身上有無蚤.
藍色鼻膜應該係仔, 白色鼻膜應該係女.
除左雀粟, 一樣可以俾水果及蔬菜, 特別喜歡串串粟.
唔好冷落屋企原先既鸚鵡, 每日餵/處理/玩舊鸚鵡先, 以免有妒忌心而咬毛.

作者: Cozzy 時間: 2010-6-11 02:41

我都係因為太三思所以......成日都買唔到雀