走失灰色&#40388;尾

Rank: 1

2^#

發表於 2008-6-5 21:59 | 顯示全部帖子

各位:
初初走嗰隻唔係come仔,佢叫大眼仔,係喺愛協收養,都養咗成年．
不過．．．．．好不幸,喺揾佢嗰陣,我唔小心連come仔都唔見埋,我好唔開心,好傷心.
唔想再講!
不過喺黃昏嗰時,聽見佢哋兩隻都喺一棵樹上(棵樹就喺我樓下,不過好高),但叫極都唔肯落嚟,
明早我哋會再試.
多謝各位,不過我哋真係好難過,已經喊咗幾場.

Rank: 1

3^#

發表於 2008-6-6 16:16 | 顯示全部帖子

今朝早四點鐘已經落樓下揾,因為天氣好差,所以渺無踪影,我估佢哋飛咗去對面啲樓(太湖花園附近).
真係好掛住佢哋,尤其係come仔,咁多年嚟(三年)都未離開過我哋,佢一定好唔習慣,一定好掛住我哋,因為佢係我唔小心,令佢受驚而飛走,大家都唔想!唔知佢哋沉晚有無冷親!有無嘢食?唉.......好擔心!!!
一陣再去揾,不過咁嘅天氣,都係唔睇好.多謝大家關心呀.........
sesese：
多謝妳重記得come仔.

Rank: 1

4^#

發表於 2008-6-6 16:27 | 顯示全部帖子

呀......唔記得放張相上嚟添!

附件: 您需要登錄才可以下載或查看附件。沒有帳號？註冊

Rank: 1

5^#

發表於 2008-6-8 11:08 | 顯示全部帖子

未揾到呀．．．．，因為天氣惡劣，我們不能作甚麼，我好希望能夠報喜訊．

飛鸚：你個（升）字係咩意思？

Rank: 1

6^#

發表於 2008-6-8 21:19 | 顯示全部帖子

各位：
原本走失的兩隻鷄尾，已尋回一隻，還有以下的未尋回，敬請各位繼續幫忙．

附件: 您需要登錄才可以下載或查看附件。沒有帳號？註冊

Rank: 1

7^#

發表於 2008-6-10 09:35 | 顯示全部帖子

飛鸚：你即係博升啫

．

我揾返的愛鳥，回來後顯得非常驚慌，不竟它都在外面流浪了四日三夜！請問有何良方可以安撫它？

Rank: 1

8^#

發表於 2008-6-11 23:09 | 顯示全部帖子

原帖由 tangpf0809 於 2008-6-10 19:56 發表
點揾返架？
佢而家點呀？

星期日晚上七時多,我們接到電話,對方說:見到一隻鳥,好像我們街招上的模樣(地點在我們的對樓,是隔了一度火車橋的,非常遠),當我們到達後,見到大眼仔已經無氣力地在地上行及至要吃泥充饑(好可憐)!
它回來之後第一晚狂食,第二天非常驚慌,不時大叫,第三天亦不時大叫,但不是驚慌,是要找它的同伴come仔.今天我在雀街買了一隻女仔鷄尾回來,它才稍為安靜,不過有些微風吹草動,它又會大叫,尤其在晚上!
可能在外面的幾日幾夜的流浪經驗,給它留下好大的陰影(真可憐)!!!!

飛鸚：我還有一隻未找到的,我們會繼續努力.今次的聚會我沒有參加.

Rank: 1

9^#

發表於 2008-6-13 15:47 | 顯示全部帖子

依張就係大眼仔同大眼妹,大眼妹三個月大,大眼仔會蝦佢!

附件: 您需要登錄才可以下載或查看附件。沒有帳號？註冊

Rank: 1

10^#

發表於 2008-6-14 21:09 | 顯示全部帖子

多謝各位的寶貴意見,我會考慮的.

sesese：
最敝大眼仔原來唔係幾冧大眼妹（初初祇係好奇）！重成日想咬佢，大眼仔重係好掛住come仔，成日向住個窗大叫，唔知點好，惟有成日放佢入籠冚布！！！

Rank: 1

11^#

發表於 2008-6-20 19:47 | 顯示全部帖子

多謝你呀飛鸚,又升喇

.
依幾日天氣好,我哋又去做違規嘅嘢(貼街招)!我哋會盡力架叻

Rank: 1

12^#

發表於 2008-6-25 12:32 | 顯示全部帖子

謝謝各位幫手推．
沉日接近黃昏，我哋收到一個電話，講：早上十時左右，係大埔壚新街巿對面的大廈四樓冷氣機位，見到一隻樣像鷄尾的鸚鵡．雖然已近黃昏，但我們都立刻出發找尋，當然我們逗留直入夜都找不到，不過我們會繼續努力的，希望住在附近的雀友也幫忙留意一吓．

Rank: 1

13^#

發表於 2008-7-9 21:24 | 顯示全部帖子

SESESE:
依個網啲流量咁大,日日推都係無乜用,不過好過無,連主席都幫手,都算唔話得,多謝妳哋.
我重係好掛住COME仔,不過見到大眼仔同大眼妹有時溫馨,我都無後悔買咗大眼妹返嚟,初初見佢哋唔妥,我真係想將大眼妹俾返鋪頭個老闆.

附件: 您需要登錄才可以下載或查看附件。沒有帳號？註冊

Rank: 1

14^#

發表於 2008-7-9 21:48 | 顯示全部帖子

呀....重有..唔記得講埋,喺7月2日中午,接到一個無來電顯示嘅電話,話:見到一隻樣似我張街招嘅雀仔(鸚鵡),響三育中學旁邊,不過已經死咗,當時心亂,心痛,內疚乜都出晒嚟,心想就算係遺體都要搵返佢,立刻飛奔向住目標去,點知去到周圍都搵唔到,人又冇雀又冇,嗰個人唔知想點,又唔知乜嘢意思?究竟COME係咪死咗?我都唔知

!!!

Rank: 1

15^#

發表於 2008-7-10 11:04 | 顯示全部帖子

有呀....佢有話響嗰度等我,重話埋着乜嘢衫添,點知........

Rank: 1

16^#

發表於 2008-7-10 13:38 | 顯示全部帖子

係呀..!唔止成日落雨,夜晚重係勁打雷,一打雷嗰陣,就好似你咁稔:唔知佢點呢?有冇嚇親?有冇覺得涷等等......

.
依家我哋祇有響星期六更新啲街招,因為可以貼到星期日晚都唔會有人搣

Rank: 1

17^#

發表於 2008-7-20 16:42 | 顯示全部帖子

7月17日晚九時卌分，又接到一個無來電顯示電話，話我隻鸚鵡響佢度，依家喂緊佢食嘢，問佢而家喺邊，佢又唔講得清楚，重話兩日前拾到，講講吓又話電話無電，遲啲再揾我（係中童聲音）．
十一時多又有一個無來電顯示電話，最慘嗰時我沖緊涼，接唔到（我喺第二朝先至見到個電話顯示有過來電）！唉！！！！到而家都無打過嚟，真後悔接唔到個電話！！
話時話．．．．請問有無人知點樣破解依啲１３３無來電顯示嘅密碼呢吓？？？

Rank: 1

18^#

發表於 2008-7-21 21:49 | 顯示全部帖子

原帖由 sonic 於 2008-7-20 17:18 發表
「拒接停示者」"Block the Blockers"，按*76
停止「拒接停示者」，按#76
http://www.hkbn.net/04_home_tel/04_0_user_guide/PDF/2_4.doc
每個固網電話公司可能會有些不同，及收費！
http://www.pccwshop.com/onl ...

謝謝你的資料

Rank: 1

19^#

發表於 2008-7-23 18:09 | 顯示全部帖子

原帖由玡敏於 2008-7-23 08:36 發表
等我得閒幫你搵下啦`!
我都係住大埔太和的@_@

玡敏：
你住太和就好喇．．．得閒出嚟飲茶傾吓雀仔經都好呀

．

Rank: 1

20^#

發表於 2008-7-26 10:06 | 顯示全部帖子

24號星期四,去雀街見到有一檔放咗一籠零零舍舍兩隻嘅鷄尾,有一隻好似我走失嘅come仔,不過剪晒尾,我叫個事頭婆攞出嚟,但係兩隻都唔上佢手,後來我再喺度睇咗好耐,真係好似come仔,我走埋去撩吓佢同叫吓佢,不過冇反應(佢有啲小動作又唔似come仔),我甚至放隻手入籠佢好驚!唔上手,唔應我,於是放棄.

喺依個過程裡面,個事頭婆不斷叫我買咗佢哋(可能佢見我好似好有心啦..),重話係一對(養開都知,佢哋兩隻都係仔!),我睇情況有可能依兩隻鷄尾唔係個事頭婆嘅(可能係寄賣),如果唔係,點會兩隻都唔上佢手同埋會連個籠一整賣?

講開又講,果日我見到好多檔都有好多鷄尾同LV.B,BB仔買,好細好細隻,細到好似啱啱破殼咁,點解會有咁多BB嘅呢?喺邊度嚟架?咁細個就離開佢亞媽,咪好可憐囉