營養水

Snowbaby

有無人知這隻營養水, 可不可以長期每天飲。唔該!

風中飛鸚

我一定唔會~

OnOn

上面有寫 Discontinue use once the bird is eating.
隻雀有胃口食番野就要停.

Snowbaby

回復 3# OnOn

,
    唔該晒二位。 因為醫生話佢食種子糧,要加埋營養水,, 而姑娘話可以長期食, 所以有些疑問。

小草妹

首先先聲明我唔係要指出獸醫唔岩或者方法有誤
對於人工合成的營養保充劑 , 為了效果快和明顯 , 廠商一般會使用最易被鸚鵡身體吸收的配方 . 丿
我見佢寫住成份有 trace minerals iodine 同distilled water
先講 minetals 一般身體會有儲存礦物質去平衡細胞水份 但過量攝取 會導致過量水份從細胞流出
同係會有kidney stones  阻塞尿道
iodine 過量同樣會中毒架 所以比我呢 就唔會係咁餵啦

小草妹

無記錯你兩隻鸚鵡係雪兒同十仔？ 之前有事既係雪兒？
其實更實際既就係嘗試改變隻雀既餐單 用天然食物調理身體會比用天然補充劑係更好既選擇
當然 獸醫有佢地關注既地方  亦有時會覺得想要效果快同明顯既方法
無一方絕對岩 我比既都係個人意見  歡迎大家指證及討論
至於呢度果度everywhere 都有人睇我唔順眼話我自大既人
我從來無諗過要所有人認同我 亦從來唔係分享用黎認叻
望大家多多包容

Snowbaby

回復 6# 小草妹

多謝你的回覆,你竟然記得我二隻鸚鵡個名,真係令我感到十分意外。其實雪兒果日流完鼻血之後，唔覺佢有異樣，所以只係買咗放濕機，無帶佢睇醫生。營餋水係上次個post問雞尾翼下甩毛果次睇醫生時買的。其實都食咗一排，而家會停吓先。我都知天然食物會比較好，奈何佢兩個唔肯食，我唯有不斷嘗試其它方法。多謝關心!

小草妹

可以溝下合成糧 一份種子糧混兩份合成糧磨粉 令種子糧一粒粒浸晒下糧粉當中
令佢要擔起種子食點都一定要食到多多少少既糧 先比佢習慣陣味 慢慢變做糧碎 愈來愈大粒
佢可能會食 新鮮食物你可以由d 甜d 既生果開始 可以手餵 又可以食比佢佢
總之令佢有興趣想去嘗試 之後慢慢加多d 唔同種類 應該會得
不過切記 鸚鵡都好似人咁 有鐘意同唔鐘意既野食 佢試過唔鐘意既 有時唔洗逼佢的