khl27380

正常亞歷山大天性比較識合做觀賞鳥﹐不太喜歡身體接觸呢﹐教牠說話吧。

khl27380

由古到今亞歷山大之類既parakeet之所以經常被稱為“鳥舍鳥”除了佢地優瘦既飛行能力外﹐唔中意頸以下被摸摸令佢地比人一種唔中意互動既印象﹐事實上much like呢個great billed parrot同electus﹐有時什至佢地同自己既同類配偶都唔會痴埋一齊企﹐魚其改變其天性﹐不如比佢做佢做得好既野﹐即係企係度講野﹐所有genetically近既品種都唔係“攬攬錫錫”既好對象﹐so far未聽過有cuddling既亞力山大。

khl27380

原來係GUM, PARAKEET 真係唔係好知佢地點,RINGNECK 都係ＧＵＭ　嗎？？？
Cozzy 發表於 2011-4-19 17:44

是的。ringneck plum head mustache果類大致一樣﹐真正成熟後最好成日玩﹐如果唔係好快變籠中鳥﹐不過無論如何佢地唔會真正喜歡"full body contact"﹐可能可以tolerate不過內心唔enjoy果種﹐跟大部份白色cockatoo caique同conure相反﹐想全身痴住你﹐不過始終摸身體係真正唔建議的﹐特別某D部份﹐我女友就成日犯呢個錯。

khl27380

我隻小達摩有時大力咬人，我就用手指打佢個頭，同埋彈佢個嘴，之後就唔敢咁大力咬，唔知依個方法得唔得
小達摩 發表於 2011-4-19 18:38

唔係唔得﹐係唔好﹐簡單講(近來打太多post...)﹐鳥唔同狗或細路﹐鳥好fragile﹐唔算係馴化既寵物﹐佢係怕你打﹐但係你同時傷害緊你地既關係﹐第二﹐鸚鵡嘴係好硬係咪?﹖無研究既人認為打都無妨﹐問題係﹐鸚鵡嘴上有神經﹐能夠直接影響個腦﹐你彈佢個嘴﹐其實佢係好痛﹐嘴係交配過程其中一個敏感既地方﹐大力打絕對可以令鳥變白痴。

你知佢咩情況下通常會咬人﹐就避免果D情況就最好。

khl27380

好多雀都唔係好 cuddling, 但都唔一定係籠中鳥,只係互動的方式有D唔同....
唔係個個都係隻雀好cuddling....
加上太CUDDLING 為主人來說未必係一隻好事
Cozzy 發表於 2011-4-19 19:19

對的﹐以香港同內地為例我發覺中意模仿好既鸚鵡既人佔大多數﹐我諗都係其中點解成街都係灰雞同亞馬信既原因。

對的﹐是互動方色唔同﹐籠中鳥既意思係指ringneck果類鸚鵡如果無經常接觸就好快變回野性﹐end up主人因為frustrate唔會再放出籠玩﹐互動方法都變左係對籠中鳥口頭上交流了。

或者好似有D人形容“玩法唔同”﹐同cockatoo呢類full body鳥玩跟阿力山大玩分別大得很呢。

khl27380

可唔可以講下咩部份唔好摸?
louisa20047 發表於 2011-4-19 19:31

主要係rump﹐即尾同背之間連接既地方﹐其次係翼裡面﹐rub嘴還可以﹐其實人們成日“掃”背都係唔好﹐因為都係sexual﹐除非你想令你隻鸚鵡想跟你交配﹐反而vent無所謂﹐即兩腳之間X骨位。

khl27380

我係一個Poicephalus 的愛好者...
請問你喜歡那一種雀呢?
Cozzy 發表於 2011-4-19 20:46

Poi我喜歡﹐我忘記鸚鵡好幾年﹐近來貪平買左隻塞內同海角﹐我見你另一個thread都有一樣。
我on & off沉迷鸚鵡超過15年了﹐好明白自己係一個絕對唔適合有鸚鵡既人﹐我怕嘈同無愛心﹐不過特別中意既品種真係有幾多...我諗呀!﹖jardines, goffin 'too, white bellied caique, most conures except golden, male gang gang 'too, quaker, some lories, parrotlet, 比較中意玩得同得意既品種﹐模仿無咩興趣﹐amazon pionus 同一D中型長尾鸚鵡都唔中意﹐macaw只係覺得hyacinth同lears得意﹐灰鸚我覺得係common companion parrot中最XX﹐鷹都Q過佢...

khl27380

唔通的要帶佢去夜X會比媽媽SAN教下佢
哈哈哈
我呀媽呢兩日經常性打O黎投訴
隻鳥 經常偷襲作腳趾=.=

其實佢係肯上手
同埋如果我係屋企
佢要我接佢出籠
佢超中意上我膊頭
但唔太肯落番?
除非佢要便便啦
Elephant 發表於 2011-4-19 20:59

偷襲腳趾係好嚴重既問題﹐因為可以痛到飛起﹐鸚鵡呢種行為往往係(唔一定係)一種dominant既表現﹐好似一定一定死都要爬上你膊頭或頭上咁﹐想霸佔地板﹐表示自己地位﹐最簡單方法有二﹐一﹐唔好放腳落地(this is what I do)﹐二﹐唔好放鸚鵡落地。

放鸚鵡地上玩是對定錯是一個經常受討論既話題。

khl27380

點解唔得?
翼裡面我的葵女葵B都好鍾意我摸
成日打開翼叫我摸佢地
而且驗身一定摸全身喎
咁點算?
louisa20047 發表於 2011-4-19 21:22

可能我飼養鸚鵡方法中意傳統﹐學者認為寵物鳥係你朋友﹐唔應該係配偶﹐我指果D身體部位一般係配偶先會接觸﹐經常摸果D位﹐特別係rump﹐往往會引起頭bob bob﹐“嘔”野你食同skirt dance呢類mating行為﹐係唔健康的﹐又同時可以帶黎鸚鵡一D唔好既思想行為﹐好似狂叫依賴惡人咬人嫉妒咬毛等等等等﹐正如我認為主人唔應該餵幼鳥食野一樣﹐如果鸚鵡當你係父母﹐都會無左companion parrot既原先意義﹐寵物鸚鵡想有正確既心理發展同行為﹐應該知道主人只係一個朋友﹐更加重要係知道自己是一隻鸚鵡﹐不是人類小孩...

當然﹐點養寵物係自由的﹐我發覺好多寵物主人認為我上面講既情況反而好cute同sweet添﹐so..

khl27380

我只係想加一隻VASA就心足
Cozzy 發表於 2011-4-20 16:07

VASA我從來未聽過﹐如果未絕種就一定好少有﹐你中意呢種鸚鵡D咩﹖

khl27380

咁我唯有改啦
我都唔希望佢地當我係配偶
始終人鸚戀唔會有咩好下場
louisa20047 發表於 2011-4-20 16:17

舉個自己既case你參考下..以前有隻我地最心愛既鸚鵡﹐佢obsess左我女友﹐見親我女友都立即發姣﹐初初覺得幾可愛﹐下塲點呢﹖﹗我女友唔在塲就日叫夜叫。

我好鍾意由鸚鵡眼睇野同了解佢地本身野外習性﹐因為野生鸚鵡同你同我而加屋企果D鸚鵡係無咩分別﹐如果你睇下D影片或者親身見過野生鸚鵡﹐係從來唔會自己一隻﹐唔係一群都會一對對﹐如果你成為左佢既男/女朋友﹐又唔24/7係佢身邊﹐絕對係違反左佢地既生活習性囉﹐佢會好慘﹐唔理想既行為都有可能發生。