近日餵Garu仔食奶果陣, 以前佢食奶果陣都唔係好搶口, 妞黎妞去，最近佢仲變本家厲，
餵奶果陣總係擰黎擰去唔肯食, 又咬我隻手(雖然未爆, 但都好痛), 又係咁要爬上我手, 又要飛走,
我從來都未養過一種咁唔為食的動物(包括貓、狗、魚等等), 餵佢食叫合成糧打碎搓成條狀的糧就返而會食dd, 但又周圍fing, 衰格到極點, 請大家教下我點做~~~
我而家擬定幾個計劃, 唔知行唔行得通....
Plan A水飯房計劃
因家母常常在家, 成日放佢出黎週圍行, 唔知係咪咁, 令到佢認為一放出黎就可以周圍走, 放佢上腳架, 上咗腳鏈都極力掙扎要走, 搞到會有倒吊係個架度的危險情況發生, 死都唔肯食奶, 所以計劃每日只有一個小時出黎行的機會, 唔會好似以前咁無掩鸚鵡籠, 俾佢自出自入, 同時減少餵奶, 由每日三次,每次25ml, 減少到每日兩次, 每次20ml。再加上手餵合成糧, 餓下佢, 等佢試下肚餓的滋味, 總之佢一掙扎, 就停止唔餵.....
但有個問題, 佢仲未識飲鋼杯上的水, 我怕咁餓佢, 未餓親, 先渴死...
Plan B 剪翼
雖然佢飛得唔叻, 但話哂都識飛, 有手有腳, 所以修修佢的飛行羽，等佢知道佢冇能力週圍走。
暫時諗到係咁, 唔知各位師兄師姐有冇好辦法~~ |
發表於 2009-8-24 10:29
| 