要同大家分享一個消息。
上星期二Garu係屋企飛果陣撞到，初頭意為冇乜事，但過咗一日，見到Garu一邊翼腫咗，掂親都大叫，又唔多出聲唔多郁，所以我立刻打俾Louis同另一位專業人士，專業人士話佢應該撞傷，可以嘗試用噴劑雲南白藥噴在患處，可以消腫止痛，如果再有問題，就要睇獸醫。咁我就即刻買支雲南白藥噴Garu仔。
撞啱我上個星期四要去台灣做野，所以請娘親代為觀察。女友每天匯報Garu仔情況，佢聽我娘親講Garu仔一日比一日好，亦非常精神，如常走動~~ 星期一回港，發現Garu果邊翼仍然唔對稱，好似腫咗小小咁，但就已經唔痛，可以如常張開對翼及飛行，但我都係覺得唔妥，所以星期二我立刻帶Garu仔去見專業人士，專業人士說佢冇骨折，係撞親，但隻翼第時應該唔會好返到以前咁。我死心不息，打俾louis，佢話我可以選擇帶Garu仔去見獸醫照X光，咁啱CAROLEE在我身旁，她立刻幫我打電話給銅鑼灣寵物醫院找Dr.Garth Ryder，幸好可以預約到今朝可以睇。
今日我要返工，所以拜託咗女友帶Garu仔去睇醫生，CAROLEE係百忙中都抽時間陪Garu仔一齊去睇醫生，照完X光後Dr.Garth Ryder話Garu仔冇骨折，係腫咗，幫佢打咗支止痛消炎針，話佢好快會好返，話佢健康情況良好，仲好好笑咁講叫我哋幫Garu仔搵個女朋友 。呢八百幾蚊診金雖然唔平，我覺得物超所值。
係度要好多謝LOUIS、CAROLEE、啤梨既幫忙，並感謝其他打電話黎關心Garu仔既好朋友。
見到Garu仔冇乜野，我都好開心，雖然唔知佢會回復返好似以前咁靚仔，但對我黎講已經冇所謂。 |
發表於 2010-7-14 22:04
|