sodagreensimon

養雀我就唔知, 不過係某海水魚網, 自稱高手, 又引經據典扮專家既人就真係多如天上既繁星, 因為個魚缸搬唔到出街, 所以呢啲自稱專家既人就可以係網到車天車地, 又話自己個魚缸十呎八呎, 又話養咩神奇珊瑚, 總之吹得就吹, 叫佢貼個魚缸張相上黎又推三推四, 最終貼咗張相上黎, 被人踢爆張相原來係外國鬼佬度COPY出黎, 真係太陽底下每日都有新聞。

講返正經, 彩鳳呢種咁細既雀真係不宜上腳鏈帶出街, 帶個籠仔出去一樣可以曬到太陽, 我都親眼見過呢種意外, 隻彩鳯仲要即場吐血而死, 你都咪話唔得人驚, 意外意外, 係你諗都諗唔到, 好多朋友就係因為見過, 所以先有呢類忠告, 聽唔聽真係好個人, 我哋干涉唔到, 呢我哋我係從鸚鵡本身安全着想, 莫之為不預也。