好多人諗野淨係諗自己果邊, 幫你果陣就千恩萬謝, 唔幫果陣就話人情冷暖, 常常只從自己角度思考~~~
黃仔有個親戚做醫生, 有日黃仔個阿婆病咗, 佢唔想阿婆騰黎騰去, 所以同個醫生親戚講, 你可唔可以到診呀, 最多我俾多啲錢你吖~~~ 你平時一個症二百蚊, 我俾夠二千蚊你吖, 你黎我屋企睇下我阿婆丫。個醫生親戚都唔知點答, 我一日睇五十個症, 平均每個症二百蚊, 每日執一萬, 我出診, 錢都唔好計嘞, 咁果五十個病人唔駛睇病呀! 醫生情願俾三百蚊黃仔阿婆搭的士黎睇病嘞!!!!
好似主席咁, 如果要計錢, 主席拉閘收鋪一日, 燈油火蠟鋪租唔好計, 仲要果日冇得接生意, 條數點計呀, 唔通收你八千蚊改吓個籠呀???有時唔係話出糧俾人就得~~
有時候朋友相識一場, 話不可以說盡, 總要俾幾分面朋友, 但人哋俾完面仲要話人哋人情冷暖, 咁「朋友」呢兩個字, 我就真係唔識寫嘞, 受教了!!! |
發表於 2012-6-14 08:33
| 