想大家賜教下

MandyYung

好開心認識呢個網站　有ｄ有關養鸚鵡既問題　一直都好想搵ｄ有經驗既人問下　

今年四月　朋友既朋友送左對牡丹鸚鵡比我　到而家都有半年拉　
１）如果要放佢地上手　佢地都差唔多１歲　會唔會好難呢？　訓練上手有咩技巧呢？　
２）我打算攞出黎之前帶佢地去剪毛　因為自己唔識　咁係米要攞去雀街比錢ｄ鋪頭人士就得呢？　
３）同埋我要唔要係腳度上番個扣　？ 　　
４）有時我覺得好迷惑　仔個隻叫Tiger 女個隻叫妹妹　有時妹妹見Tiger 想食同一棵菜　見佢好似反芻緊ｄ野比Tiger 食咁　我真係唔明點解會咁 　
５）佢地兩個　妹妹初頭番黎好活躍　Tiger 就屬慢熱　同埋妹妹成日蝦Tiger 好惡死　但而家好唔同妹妹無以前咁活潑　同埋好似知道唔夠Tiger 爭咁　會好醒目咁比Tiger 先　跟住好似識得同我夾計緊知我第二粒米會比佢食　又好似知我會洗開Tiger咁　佢先會走埋黎食米　（諗起都覺有趣） 　
６）有時我申枝棍入籠　咁耐而黎只有妹妹願意企係枝棍上面　然後我會上上下下咁搖動枝棍同佢玩　但Tiger 只會行過就算　
７）係米ｄ年輕鸚鵡唔鍾意訓覺呢　佢地啱啱黎既時候都好乖夜晚訓覺　但係而家我一到夜晚　圍住個籠鋪紙　佢地會吱吱喳喳　嘈下　跟住半夜又會聽到佢地係籠度唔願訓　係度活動緊　好似呢一刻發緊帖　佢地都重唔肯訓　係度唔知嘈咩　有時訓訓下重會嘈交　  
８）其實唔知係米近排天氣凍　佢地食量都大左　有時夜馬馬都走去食野　

養得佢地　我都唔敢出太耐既遠門　怕佢地無人照顧　再者　我真係好想同佢地再親近ｄ　可以企係我膊頭　手指度　但有時我都怕佢地會咬我　各位可否指點下我呢位新手　感謝　！　

MandyYung

7# 啤梨
聚會　請問大概幾時會有呢　？　

MandyYung

10# 楚峰

感謝楚峰網友既賜教　
定時放糧　我真係要學下　因為通常我見佢地食完就會比ｄ佢地
至於作息時間　我經己鋪左ｄ雜誌紙圍住個籠　但佢地都有時唔願訓　有時晚黑返到屋企　同佢地玩左陣　（隔住個籠）　跟住熄燈　佢兩隻野都有時會吱吱喳喳咁嘈　如果係呢個時候馬上鋪紙　嘈得重勁呀　真係似足ｄ細路仔唔肯訓　 　　

如果要鋪布　咩色好呢　係米深色就得　我個對鸚鵡好怕白色既野　

MandyYung

8# 楚峰

咁佢咬我既話　我可以比咩反應　講真　之前佢地唔乖　我真係向佢地噴水　（當然要好唔乖先有呢ｄ懲罰　而家更加唔可以咁　睇左呢個網站後　一陣怕ｄ水入左nose & lung）　妹妹真係嫐左我　猛同佢玩都唔踩我　個次係第一次見識動物唔開心　之後佢唔乖　我都係咁以拍下個籠　大聲小小話下佢　

我較錫妹妹　因為佢返黎個陣超活潑　又識比反應　但近ｄ幾個月　佢明顯靜左落黎　呢個係係Tiger 開始比反應後出現　我無偏心　就算Tiger 成日衝埋黎搶食米　（之前妹妹好惡架　歺歺唔比Tiger 食　唔夠佢大隻　打交都要食先）　我都想餵妹妹食先　但佢而家真係好知擲咁　唔夠Tiger 大隻掛　始終佢係仔　比佢食左先　然後佢好似知我會洗開Tiger 咁　先過黎食　因為我好多時訓練佢地係同一個位置食米　

MandyYung

2# clymcm


雀街能伯 　請問即係邊一檔呢　？　剪毛大約收幾多錢呢　？

MandyYung

雀街其實我早前去過兩次咁大把　一次係最尾個檔有兩位老人家既　好nice 　個次係我第一次識得Happy 見佢好親人　又願意企係人地隻手上　我心裡面超羨慕呀　！　

第二次去　就見到有班雀友聚會　不過個時未睇萬千竉愛　或者經已跟部份雀友見過面都未定　個次有位女士　帶左隻灰頭鸚鵡黎　好過隱　就算擺係手度　佢都要行去你個膊頭度　真係好有趣呀　個次亦都係第一次比兩隻桃面（唔知係米咁寫）鸚鵡仔企係我隻手度　真係要多謝佢地個位主人姐姐　　

MandyYung

當年改曼蒂呢個名　都唔知佢原來有咁既涵義: 值得愛的　
我呢位新丁　絕對係新紥師妹黎　太多野唔識拉　

MandyYung

46# 啤梨

之前係呢度見到有ｄ相　都見到大家既LB 都無上腳扣　所以覺得都應該不用上多
而家就更加唔會用　　感謝你既告知　！　

同埋我都係尋晚先知LB 點解　之前不停想　LB 到底是什麼呢？　我只知有LV  

MandyYung

３）同埋我要唔要係腳度上番個扣　？
個人不建議, lb/鸚鵡的骨是空心的, 用腳扣和腳鏈有一定的危險性, 和用了腳扣, 佢地好容易會kick住個籠令佢地受傷
Mitchell 發表於 2010-12-23 09:40

感謝你的告知　把我一直既疑慮解決了