本帖最後由 MandyYung 於 2011-3-18 23:49 編輯
因為見佢由尋晚開始 經已企係籠低 所以即刻book左今日去睇醫生 今朝出去同回程時 我都聽到佢叫 佢其實呢兩日都少叫左 ．．．．好傷心 一諗起佢 眼淚又忍唔到
之前佢食得 行得 訓得 就只係隻眼有事 滴左老板建議既眼藥水後 雖說好過之前無滴 但就重係間唔時合埋眼仔 ．．．．．不過早前兩日開始 佢就成日鬆毛鬆翼 唔知係米身有虫 而再之前佢既便便帶水 老板話可能係食左水分高既生菜 建議我地可以比佢飲d杜虫既藥水 而家有朋友又話其實雀仔唔可以打針打落對翼到 今日個醫生 就係斷定佢皮膚有問題 所以幫佢打針…
最玄既係 個姑娘既口吻 以為佢個頭丟毛 我話佢呢種小葵花鸚鵡得個三個多月 未成年 其實佢黎我屋企呢個禮拜 睇住佢生毛 ．．．．．．．．
頭先食完飯 拉拉聲同另一半快快返屋企 幫朝仔滴眼藥水 結果返黎見佢係籠低 頭中下中下 好唔妥 滴左藥水 我話佢應該無飲過水 就用針筒餵佢飲d,滴左維他命既水 本來另一半重話飲左一兩滴就算 我話唔好拉 飲多兩滴 跟住放反佢係籠 鋪左d紙比佢訓 其實個心都覺好唔妥 咁既打針後既反應 所以上網去搵d醫院電話 打算帶佢去出睇 點知呢頭咁諗 開緊電腦 個頭就聽到籠底有反應 原來佢抽筋 好快 咁就斷左氣 ………… 好似等我地返黎咁 滴左眼藥水 就走左
我上個禮拜四買佢返黎 今日剛好一個星期 3月18日 20:10 得個七日 我都超傷心 喊到唔識收聲 ．．．．．．．．． 我地既緣份真係好短．．．．．．． |
發表於 2011-3-18 23:46
| 
