本帖最後由 MandyYung 於 2011-11-11 04:17 編輯
淩晨四點幾 早係個令鐘頭前 我家既妹妹因為隻腳有事而抓小屋既聲音 無前兩晚咁大聲 輕左好多 唔知係米兩日幾無好好訓 佢自己都倦 我真係怕佢會倦極而有事
雖然話book左今早睇大圍 但上網搵左成晚評話 好既壞既都有 自從三月中 隻玄鳯朝仔係灣x獸醫睇完 打左兩枝死左 我個心對獸醫始終有d顧忌
呢刻我又唔知好無真係帶妹妹去睇 之前我個帖話佢隻腳夾到 掉毛 由小腿去到大腿 跟住不定時幫佢噴藥 後來毛開始有d 但呢幾日就腳底黑左 頭先發現棲木有d淺色血跡 我唔知係米佢同隻仔打交攪成咁 今晚幫佢影相 再發現原來另一隻腳都有少少黑色
我上網睇有d人話可以帶去灣仔妹姐望下 唔知間店叫咩名呢? 我真係好擔心 因為今年屋企 朝仔過身後 我自己的母親亦相繼離世 我實在好怕家中再有唔好既事 好想大家幫下我 比d意見我 又或者曾試過d咁既情況 教下我點做好 謝謝 !
|