MandyYung

我每次摸完ｄ仔女　都一定洗手手　外出返屋企　我自己同另一半都一定要洗過手　先可以掂佢地　就算係伸隻手指尾叫個女∼Barbie錫我　都轉頭就會用肥皂洗手　

買左佢地返黎後　只會上天台晒雀同沖涼　未曾帶過佢地出街　因為早知唔少人未必鍾意雀　當咩禽流感問題　屋企人都曾經唔鍾意我養　我亦從未帶佢地去過屋企既聚會　免得ｄ姪仔姪女　外甥有咩就唔好　而家ｄ父母個個又咁緊張大師　免得過都免　但其他人帶狗同貓　就無人話會覺得有問題　 ｄ狗同貓重會坐埋飯枱度食飯　我通常就行開食　唔受我ｄ鸚鵡仔女　但又唔覺佢ｄcat,dog仔女無問題　

上天台晒雀時經常撞到個老人家係度散步　但面口唔多好　 有次佢見到我地一家幾口　係度晒太陽同沖涼　終於忍唔住問我地　係米唔會放出黎　其實當時我集吸蜜企係條棍度　係籠外面　對ＬＢ就係籠裡面　於是另一半同佢講　呢隻隻腳上左鎖　唔會飛走　個兩隻唔會放出黎　老人家望下望下　無再問野　但亦無回應　就咁就行開左　．．．．．．　佢呢ｄ咁既身體語言　有幾鐘意真係唔好話我誤會　真係唔多似會係like