小弟係u記既交通運輸業 Transport 版都開左呢個post~
唔知呢到psot唔post得~搏一搏~單車變摩托~
懇請各位雀友比少少意見~
小弟照係u記果邊copy過黎~
不加修改~還望各位見諒~
各位師兄好~
係下面一大篇野之前~禮字行先~
祝各位師兄~路路平安~業務蒸蒸日上~
日日有飯開~月月搵到凸~年年布餘過肥年~
小弟今年25歲~呢兩年係一間青少年中心做文職~
月薪有$8000~想轉行~試下渣貨van~
小弟係網上都睇過好多相關既資料~
好多師兄都勸新人唔好入行~因為呢行真係好死~
如果唔係keep客~就真係聽乞米~
小弟亦有朋友做呢行~佢地都叫做搵到餐飯有錢儲下~
所以小弟都想試下轉行~
小弟知道出車養車好昂貴~但有一個優勢~
就係供車方面~小弟阿媽話可以幫我出哂車錢先~
之後供車就供返比佢~好過比銀行/財務食息~
平日部車既洗費~如泊車~維修~換油~
小弟都爬過下文~都算叫做有d認知~
小弟諗住出部新款3.0既hiace~
上網見d二手車網好多都係16-20萬不等~
唔知呢d價準唔準既呢~
另外~小弟都知道跑山好辛苦~
小弟自問都唔怕辛苦~因為畢業後都搵唔到野做~
落左去阿媽鋪頭賣淡水魚~朝日7點幾企到中午12點幾~
落場之後3點幾又企到7點幾~坦白講都算係辛苦工~
小弟做左成9個月先搵到份文職轉工~
但係人工就比賣魚少一半~足足一半~
其實小弟都上網做左成兩個月功課~
而家有少少問題想問問各位師兄~
想問問~上台~除左每月台費~入線費~租台機~之外~
收到台order~台報左價錢比你~完成order~收錢~
收左錢仲洗唔洗同個台拆賬既呢~如果要~係拆幾多既呢~
雖然打左咁篇野~但問題就只有一兩個~好似多此一舉咁~
無論如何~亦都麻煩各位師兄幫幫小弟啦~
最後小弟再祝各位師兄~
路路平台~身體健康~愈搵愈多~有假放但冇停手~
多謝各位師兄~ |
發表於 2010-6-18 12:21
| 