返回列表 發帖

父母虐兒兵器譜

父母虐兒兵器譜
1.雞毛掃 此兵器柔中帶剛,狠勁異常,手握處又有天然雞毛製作的防滑系統,既能吸收打仔過於激烈而滲透出黎的手汗,又能起到保護手部的作用,且能夠消除擊中衰仔後嘅回震~防止手磨出泡或者過滑。不得不提嘅系佢價格便宜,便於收藏,實在系居家旅行,打仔出氣必備武器。 雞毛掃實可稱為打仔兵器之首!

2、拖鞋(或同門武器:鞋) 攻擊範圍窄,威力大,反應速度快,聲音效果震撼,系追唔上嘅情況下仲可以做暗器,而且可以二連發。 百年曆久不衰兵器。

3、皮帶 隨身攜帶,一抽即有,而且鞭鞭有力,多年來叫眾多英雄豪傑聞聲喪膽。 簡直就係必備暗器。  

4、衫架 此武器重3兩、長40公分,雖然輕,但打得系最痛,而且速度快。非專業被虐待人士實在難以躲避,系師奶打仔必備架撐!各大超市均有發售。 記得留翻幾個黎晾衫。

5、飛搖控器隨手羅到,而且飛個陣,電池會跟住飛出,命中率高,殺傷力高。由於成本過高不推薦使用,買定一打後備遙控做兵器比較好,原裝無保修。  

6、開片竹支(70-80公分長,開片長20公分) 攻擊範圍廣,威力大,靈活,而且一舉兩得,系打嘅同時仲有將肉夾起嘅作用,效果只會出現一遍紅腫,唔會有藤條印。 80後開始絕跡。  

7、柴 速度中等,威力大,表面唔光滑,可以當狼牙棒用,不過依家呢種武器已經絕跡。 70後專用。  

8、如果實屬情急之時,又無兵器在手,這時我建議各位家長修煉“ 兜巴星” 此招陰險,出招快且狠,通常會以配合口中七十二式鬧仔法增加氣勢和威力。個衰仔準備駁嘴嘅時候,以出奇不易的角度,氣運丹田,同衰仔塊面夾角成45度左右出招掌摑其面部(夾角為180度時,此招POWER MIX),同時使出左右互刮,增加HIT數,並且口中大叫:“駁嘴吖哪,駁吖哪。”增加此招的氣勢及華麗程度!

點解無左十大兵器之首, 摺凳.
Louis 發表於 2010-2-4 10:03

摺凳,,,,殺傷力太大.容易做成永久性傷害.
虐兒o者..唔係殺兒...

TOP

煙灰缸、Q棍、或醒我5塊錢
pinko 發表於 2010-2-4 10:10

我80後都唔得啦,,,
煙灰缸,,,我試過落D酒精膏落去,D大人嚇餐死•我好後悔無把煙灰缸旁個花瓶D水換做天拿水加油.
Q棍..我通常會換左佢舊立..
5塊錢•打發唔到我•我小學已放數.

TOP

我為左屋企果件12歲既, 買左本"港孩"來看, 唉......

如果你有90後子女又管教上遇到問題, 我建議買來看看. 或者你有時間過來我度借啦.
miffy 發表於 2010-2-4 09:14

90後管教上遇到問題.應該檢討.是否太過份照顧.同太多物質.
千嬉後資訊過多....唔好管啦.比心机搵錢養埋佢下半世啦

TOP

返回列表