咬毛分享

見近排好多鸚鵡咬毛，等我同大家分享一下我的經驗：
我養一只公既折衷已經3年半，屋企日日有人陪佢,佢個籠夠佢開曬翼仲有位剩，每日食超過4款水果（石榴，番石榴，berries, 木瓜等等），加上當日人食既菜，日日有變化。從小食harrison 系列，由奶粉到high potency 到 adult liftime, 仲有power treats，一日換n次水兜糧兜，每日出黎玩超過4個小時，玩具多不勝數。10點前訓，8點幾起身，重要成日訓晏覺，環境安靜，簡直當大爺甘服侍，一叫立刻有人理。

話説舊年12月，發現佢成日咬pat pat, 重要d皮膚紅曬，向鳥友jenny請教後，決定帶佢去睇醫生。
我住香港仔，所以先去銅鑼灣獸醫（之前都去過2次），費事佢去甘遠。獸醫檢查一輪，又用顯微鏡看皮膚組織，認爲應該是普通發炎，但最大問題係佢連翼低（非常貼身，要揭開d毛先見到）都開始無毛-我地之前見有好多毧毛漂出黎，以爲係換毛。醫生提議先查消炎藥膏同藥水，如果仲系甘r,要食‘開心藥’，一個禮拜後復診。

好啦，聼醫生話，日日查藥，一個禮拜後毛既問題依然無咩改善，不過皮膚無甘紅。於是，就直接去大圍。我預備左一堆資料俾醫生( Dr Zoltan)，由籠既相到每日的活動時間表，等醫生更了解病情。一見醫生（題外話，個堆姑娘態度異常xx)，佢望都唔望隻雀，直接俾張單，寫明要做麻醉，x ray，驗血等等既價錢。好啦，都要俾，留底隻雀，6個鐘後番去聼報告：完全無身體上問題，只是皮膚紅。今次就俾藥水食，話怕藥膏令佢更吾舒服，2個禮拜後復診。

今次有明顯改善，然後我再每日噴水，少左毧毛係地下。以爲無事啦，突然留意到佢膊頭有個位好像無毛！！！！立刻book時間復診。醫生話.....無得搞，而且範圍甘小，最好吾好做任何野。於是，就係甘，係日日噴水底下，一個月内所有問題慢慢無曬，d毛出番曬，屁股咩事都無。

今次教訓係，要儲多d錢俾佢，同病向淺中醫。