走失灰鸚鵡

三角仙

本月14號下午5時許,於大窩口 中葵涌村走失灰鸚鵡一隻
由於未有剪翼,最後目視鸚鵡向油麻磡路方向飛去 消失於叢林中
經過1天裡的兩段黃金時間,未聞其叫聲...急於前來求助  (望有心人仕將此訊息散佈到其他論壇,感激)



to:認識三角仙既人
　掙扎左半晚,終於都係要上黎交代件事既!
　"多多"係尼度開始,都要係尼度結束 (希望搵得返啦)
　唔好難過,我既責任
　我冇幫佢剪翼,我睇住佢飛走...我竟然冇捉住佢...

　事由係我幫佢換糧,每日換糧都會放佢係籠頂舒展下
　但係14號果日.....佢周圍行,突然踩到唔穩既野就即刻跳起飛左去...
　我當時換糧,佢就係我頭上面飛出去.. 經過一日之後,我真係好希望佢死左 多過佢依然係外面流浪
　..死左既話,我可以用好平靜既心去接受;同佢一切既經歷可以變成回憶..
　前幾次佢走失,係佢連毛都未出齊  直接就跌落地下~ 哈哈.. 好快,連5分鐘都唔洗就捉返
　但係今次......"點解仲未黎接返我既,點解仲未黎接返我既...."
　飛走左既佢成為我既自責;同佢一切既經歷全都變成遺憾...

　三角仙好硬淨,冇事既~　難過由我全權負責,大家唔好為我難過... 抵死,係我做錯

三角仙

經過兩朝早一黃昏...都未聽到回應
考慮緊降落地點係唔係更遠...........
如果再遠D就真係唔洗搵喇,因為再遠D基本上係成個山頭

三角仙

近唔近我地住的葵涌村呀 ?
金莎朱古力 發表於 2009-10-16 09:21

唔係大窩口邨果一邊,佢飛左去和宜合道運動場個方向
同你地屋企都有一段距離

三角仙

祝早日尋回，雖然我唔識你，但都有睇過你嘅post，你雖然好硬淨，但都不要自責，有時意外嘅嘢真係好難預料，最後在此忠心祝福你早日同多多團聚，天氣開始涼啦，快些再去揾多多啦，唔好放棄呀
manman 發表於 2009-10-16 09:22

最慘叫天不應叫地不聞....雖然冇大海撈針咁難,不過都唔好得去邊
如果飛左入去樹林真係冇咩機會,希望佢降落o係民居啦..

多謝你呀~ 不過的確係有責任...因為失去既唔止係我一個,仲有其他鐘意多多既人

三角仙

第一個反應係驚,所以搵左一日先識上黎
知就知佢識飛架喇...因為係屋入面我都試過比佢飛
我都希望第8會發生

煙花果隻好耐冇見,真係唔知佢果隻變成點...
所以鸚鵡咬毛其實唔係一件壞事,不過最好連飛行羽都咬埋...唔好淨係咬身唔咬翼

三角仙

我係葵芳番工的, 會留意下, 放工可以幫手搵, call埋我呀
lowbchu 發表於 2009-10-16 09:30

有心有心~
你返工既地方都比較遠,唔麻煩你

三角仙

11# 三角仙

我老公今日係果頭開工，我打比佢叫佢留意下
manman 發表於 2009-10-16 09:45

近排尼一邊比較多工程...麻煩哂

三角仙

突然有好多人o係乎近返工,真係唔該!
唔一定要幫手搵先係最有意義,可能經過幫下眼...意留下就有得著

三角仙

你唔好話令願佢死咗啦，睇到人好心酸架…
佢可能流浪幾日就比你搵返呢﹗而且個頭多人住，又有村屋等，可能佢比人捉咗暫時收養住，等緊你去接佢返屋企呢﹗
加油﹗唔好咁快放棄，你一放棄多多就無希望喇 ...
cylailai 發表於 2009-10-16 11:16

諗起佢流浪樹頭我會梗加心酸...冇野食冇水飲好慘
種種都有可能,搵左幾次我已經放棄左一半....諗住疊埋心水上網等消息
大家叫我唔好放棄,我會再努力搵!!

三角仙

唔好放棄呀!!!!!!
好多時都唔係即時找到ga .
有幾個 case 都隔左成個月才找回啦.

希望在人間
啤梨 發表於 2009-10-16 11:27

成個月先搵得返....應該比人收養左掛...
冇咩可能生存到一個月咁耐

三角仙

大家要努力加油

齊心 合力 呼喚 多多 回巢!!!!!!!!!!!

我去到邊都幫你幫下眼!!!!!


多多快D番黎啦!!!
HelloWin 發表於 2009-10-16 11:50

你係唔係黎搞事......
如果你住柴灣我唔信你可以幫到我眼
(講笑形式~)

三角仙

嗯嗯...多多快D飛返黎,唔好要大家擔心

自責一定有....最多唔好太自責,多謝~

三角仙

今晚再睇情況決定,咁多人話幫手搵我都有D唔好意思...好大機會都係食白果

有人養梗係好啦~
總好過佢o係出面搵唔到食...最擔心就係搵唔到食同冇水飲

三角仙

今日金莎爸爸不用上班, 佢現在去左同珍果到,是否近汗寶酒樓附近嗎,
金莎朱古力 發表於 2009-10-16 13:24

咁快就黎幫手...真係感激
唔近酒樓果邊
就係同珍對既面空地停車場,上面果個樹林

今日同珍門口有車禍....唔知係唔係多多搞到佢地炒車

三角仙

唔好太擔心, 亦唔好睇小鸚鵡求生嘅本能,
你冇同佢剪翼, 某程度上已經留左一項求生技能俾佢,
就算平時好少飛, 但一受驚併出嘅本能,
絕對不容小看, 最緊要係你唔好放棄,
先有機會早日團聚呀!加油!
YVONNE 發表於 2009-10-16 13:39

如果佢真係周圍飛,咁佢能夠去到既範圍真係好大...更加無從入
不過我都會盡力搵,加油.

三角仙

我已告知佢太約地方, 佢現在再去睇, 和宜合道好近消防局及城門水塘,
金莎朱古力 發表於 2009-10-16 13:41

係丫,好近!
如果佢冇飛得遠就係同珍對面座山既範圍
真係麻煩哂你先生...

三角仙

仲要冇得行入去既樹林....因為大部份都係村屋後既斜坡,係行唔到上去..
同埋而家又維修緊,要行近D都難...兩日我都係圍住外面叫下望下

三角仙

冇問題
突然有好多人黎幫手!

９６３８　４２３３

三角仙

1011 見到多多出咗好多毛, 好開心, 剛剛看到走失多多........., 祝多多能早日尋回
sallyyau 發表於 2009-10-16 14:36

估唔到係最後一次見到多多既聚會...

三角仙

Mandy你點知我會冇訓過~
我梗係有訓啦,訓左半個鐘...

係,唔會放棄...
咁多人幫手搵,佢地都未放棄 我冇理由放棄既

唔掂...好肚餓,但係唔夠訓又冇胃口...眠一陣晏D再去搵下先