請各位支持 反對酒後駕駛

迪迪仔

各位網友雀友好. 相信大家都記得過年前發生一宗酒後駕駛的意外，白白無左6條人命. 6個家庭無左佢地的親人一齊過年，部份家庭的經濟支柱頓失. 反而犯法果位醉駕私機卻無受傷 只係飲到醉醺醺.

其實里D 酒後駕駛的意外係好多年前已不繼發生. 有D小形意外大家未必會記得. 有人受傷的, 有人死傷的亦大有人在.  希望大家能出一份之力. 酒後勿駕駛. 請大家支持以下反醉駕行動﹕

迪迪仔

反醉駕黑絲帶運動新聞稿


我們是一群反酒後駕駛的市民，現階段政府準備實施的量刑起點與及綜合過往的判案案例，我們都認為是過份寬鬆，對酒後駕駛者沒起阻嚇作用，罰則太輕以致未能有效地阻止悲劇發生，因酒後駕駛而引起之意外傷亡數字有增無減，我們現正強烈要求政府正視及重新檢討現行對酒後駕駛者的刑罰。

    有鑑於此，我們將於2009年2月1日星期日下午2時至6時，在旺角行人專用區發起“反對酒後駕駛及要求加重刑罰”的簽名運動。


此致
鐵騎力量

發稿日期﹕二零零九年一月廿五日
鐵騎力量聯絡人及電郵﹕林先生 bikerforce@live.hk

迪迪仔

反醉駕黑絲帶運動新聞稿

我們是一群反酒後駕駛的市民，發起此次集會、遊行及遞交請願信的目的是為了要求加重醉酒駕駛的刑罰。

現階段政府準備實施的量刑起點與及綜合過往的判案案例，我們都認為是過份寬鬆，對酒後駕駛者沒起阻嚇作用，罰則太輕以致未能有效地阻止悲劇發生，因醉駕而引起之意外傷亡數字有增無減，我們現正強烈要求政府正視及重新檢討現行對酒後駕駛者的刑罰。

於2009年2月1日星期日我們已收集了支持 “反對酒後駕駛及要求加重刑罰”人仕的簽名。我們將於2009年2月8日下午2時在高等法院門口舉行集會，集會過後約3時半遊行前往禮賓府遞交請願信。路線將由高等法院出發，途經法院道、正義道、金鐘道、花園道、上亞里畢道，最後到禮賓府向曾蔭權特首提交請願信，我們強烈要求政府重視及嚴懲酒後駕駛之徒，加重酒後駕駛的刑罰。


此致
鐵騎力量

發稿日期﹕2009年1月30日
鐵騎力量聯絡人及電郵﹕林先生 bikerforce@live.hk

迪迪仔

到時我都會係果度GAR

迪迪仔

多謝大家支持. 唔記得講. 今次2月8日的集會及遊行已向警方申請，佢地都好支持我地今次的活動.  預計下星期警方會出到份 批准集會遊行的文件. 到時會再通知大家

迪迪仔

   今日係旺角行人專用區收集左差不多3千7百多個簽名. 我地將會係下星期日2月8日下午2時於金鐘高等法院門口舉行集會然後由高等法院步行至禮賓府遞交請願信 如果想知多d 我地的資料，可以到以下網址睇睇﹕
http://www.facebook.com/home.php ... amp;gid=46037006327

以下片段係我地今日係旺角行人專用區的運動﹕

http://tv.on.cc/index.html?s=3&a ... 4M&d=1233482772

迪迪仔

原帖由 Mandy 於 2009-2-2 16:29 發表

第2條片變左沙螺灣果單禽鳥屍體新聞既 =0=

睇下今次得唔得...

http://tv.on.cc/index.html?s=3&a ... 4M&d=1233482772

迪迪仔

附件是2月8日集會遊行的請願信，大家可以睇下，另外政府係里2日內會出到 不反對集會及遊行 通知書比我地. 到時我再post 比大家睇.

希望大家8號下午有時間的話，揪空出留參與支持一下，希望大家可以為香港出一分力，為大家生活的環境出一分力。 係安全方面，警方會派警員協助場面的。

迪迪仔

原帖由 風中飛鸚 於 2009-2-4 17:16 發表
喜歡飲酒係私人事.因為私人喜好就影響人地全家,.點講得通丫

無錯.. 其實我地唔係反對人地飲酒.. 我地都支持飲酒. 不過只係反對人地酒後渣車，無事無意外由自何，自己酒後渣車炒車傷左死左自己的事，但係如果因為意外而影響無辜，咁就真係天地不容。 通常酒後渣車的人都話佢地無醉. 可以渣到車，但係有時就係一下反應慢少少 maybe 慢1秒.. 就會有意外發生

試想下， 時程50km/h 的車， 1秒的所行的車距係 =  時速50km/60min/60sec x 1000m (1km = 1000m) = 每秒行 13.88米的車距 亦相等於大約7部私家車的長度.  以香港道路的正常車速下 1秒 = 13.88 的距離真係可以發生好多事.  好多時大家都唔想有意外發生，但係酒後發生的意外真係可以避免的。

如果大家2月8日唔得閒黎的話，其實都唔緊要，最希望大家能做到 開車前咪飲.  同朋友出去食飯飲野時，亦都叫飲左酒的朋友唔好渣車  OR 真係要飲酒的話就唔好渣車去  OR 泊底部車叫無飲酒的朋友渣 OR 明天完全酒醒後先渣車走.

迪迪仔

附件係 警方不反對 2月8日反醉駕遊行及集會 的通知書