高貝的小時候 ~~~

yuki

半歲好可愛

1歲







2歲洗白白


3歲轉新屋   


4歲半已侵占半間龜屋


[ 本帖最後由 yuki 於 2008-11-18 17:42 編輯 ]

yuki

原帖由 Raco 於 2008-11-18 16:10 發表
3歲後好似"呯呯聲'咁大咁嘅

係呀
因為佢跟住飼養箱大, 而且近年放養,
所以活動空間越大, 高貝就大得越快

yuki

原帖由 Raco 於 2008-11-18 16:32 發表
原本係跟環境因素而影響生長大小咩

因為養了牠 4 年幾, 換了 3 個爬箱..
每次給牠更大的爬箱, 牠的生長速度就會加快喔 > < !

曾看過一些關於盾臂龜的書籍,
紀錄了牠們的生長速度每年有 70% 增長的~~~

所以我自從 3 年前起,
同高貝慶祝生日既時候, 已經冇祝佢 " 快高長大 " 喇  

yuki

高貝日誌 ~~~
選了幾篇關於高貝的日誌給大家看看,
多謝支持喔 ~~~

05年10月x日 ~ 大日子
今天是一個很特別的日子…
我和細佬一早便來到旺角爬蟲店 .. 目的是要揀一隻盾臂龜BB回家 …
龜箱內大概有20隻龜BB.. 牠們正在起勁地吃午餐…每隻都很可愛呢…
我和細佬睇了很久 .... 見牠們吃飽開始睡覺了 ... 唯獨是有一隻 ... 見牠
人過人 ... 車過車 ... 踩著 同伴 ... 攀山越嶺 .. 還把餸頭 餸尾 ... 一一掃清光 ...
無錯 ... 牠就是我的高貝 .. 哈 .. 那一刻..   我知道什麼是一見鐘情了 ...

06年2月x 日 ~ 嘔吐
今天高貝吃完菜突然嘔吐大作 ... 嚇死我了 ... 要帶牠去看醫生麼???  朋友叫我別太緊張 ....
可能是洗菜時沒徹底洗清菜葉內的殘餘農藥.. 所以高貝才有如此反應... 他要我加陪留意高貝這兩天的情況 ...
還記緊洗菜時要浸洗多次才給牠吃呢... 這天後又真的不見牠再有嘔了...

06年5月x日 ~ 結石
今天高貝浸水沒便便喔... 後來在牠pat pat 門口看見有粒結石卡住了... 媽咪手起刀落 ....
不消5秒就把給石徒手取了出來 .... 強喔..

06年8月x日 ~ 修甲
今天帶高貝去了爬店修甲 ... 因為指甲實在太長了.... 還有點兒向內灣呢 ... 爬店哥哥一抱起牠..
oh ... 高貝放了一篤大尿 ... 把養在地上的幾隻大龜龜照頭淋呢 .. hee heeeee ... 失禮晒 ..

07年1月x日 ~ 受傷
高貝受傷了 ... 今天幫牠浸水的時候 .. 因為我的一個魯莽動作 .. 把高貝嚇了一跳 ...
在混亂間高貝的右手尾指指甲整隻脫了出來 .. 整盤水都染了血紅色.. 我心痛極了 .. 馬上幫牠塗黃藥水 ..
我的手震得很利害呢 ..幸好馬上能替牠止血 ... 但也累牠流了不少呢.. 對不起喔 ..

08年6月x日 ~ 肚痾
高貝已連續痾了 3 天.. 記得上年也是在6, 7 月份突然肚痾帶牠去看醫生... 今次也跟之前一樣..
要打杜蟲及抗生素針.. . 每隔兩天打一次 ... 共要打 9 支呢..希望療程完結後會沒事啦 ...

08年10月x日 ~ 觸電
今晚高貝有點怪怪的 .. 牠不肯留在龜箱.. 硬要爬出來.. 還走向我張開口.. 試圖想咬我呢..
牠從未試過這樣的喔.. 後來我給了一些蘋果牠吃 .. 然後把牠抱回龜箱.. 迫牠去睡覺 ..  
這天之後高貝由回復正常...
一連幾天都上不到網 .. NOW 也看不到.. 後來維修員告訴我是因為接駁線斷了..
回想起來.. Oh ~ 一定是高貝咬斷了.. 所以這晚不停向我張開口.. 牠的脷仔一定是感到麻痺呢 ..
維修員說條線是低電量的.. 就算接觸到.. 都不會電親的喔 ..
無論如何都是因為我的大意喔.. 我要想想辦法呢..

yuki

謝謝各位喔 ~~~
樹樹每位朋友都係有愛心既主人麻

但係我對高貝.... 始終係偏愛少少啦,
不過千其唔好比小氣綠寶知道喔, 因為佢會呷醋呢

yuki

原帖由 哥哥 於 2008-11-18 20:27 發表
恐佈 多災多難

哥哥, 意外是在所難免麻...
令高貝受傷, 我心痛死呢

其實還有很多... 我和高貝溫馨甜蜜的日誌喔 ,
祇不過我冇貼出來之麻, 費是給你看到羨慕不已呢

yuki

原帖由 煙花 於 2008-11-19 00:15 發表


放心,下次見到佢我唔會咁細聲講佢知

  下次有秘密唔咁大聲講你知呀

yuki

原帖由 哥哥 於 2008-11-19 08:54 發表
蛋白質同脂妨係生命必須,佢食D菜,草.刀可以有驚人增長.

嗯.. 間中都有比蘋果皮, 南瓜, 紅蘿蔔, 仙人掌等作小食架
還有主人既愛, 都係令佢快高長大既泉源
哇哈哈 ))))))))))))))

yuki

原帖由 哥哥 於 2008-11-19 10:22 發表

呢d係大自然奧秘,係要突出妳ge愛心,有攝石人之嫌

我都係講事實姐...
作個假設, 你兩隻寶貝比同等的食物給牠們,
但一隻你有陪伴牠, 跟牠聊天和牠玩耍,
另一隻則隨牠在籠子裡, 沒有加以理會..
你看那一隻會開心 D 丫,
開心 D , 自然就會吸收得好D, 吸收好 D 自然就會長胖D,
那不是跟主人的愛有關嗎 ???

高貝的情況就是這樣 ~~~

yuki

原帖由 哥哥 於 2008-11-19 10:43 發表
哇哈哈 ))))))))))))))
敢刀兜得番.我去飲杯coffee先.......

嗯... 哥哥係時候去飲杯咖啡架啦

yuki

原帖由 煙花 於 2008-11-19 11:24 發表


即係我e+咁肥肥白白,係因為生活得太開心

我諗.. 如果你係高貝主人,
相信高貝會比而家大多一陪都唔止呢

yuki

原帖由 煙花 於 2008-11-19 12:24 發表



無咁激掛,但真係大得好快
其實我想問呢,佢一日要曬幾耐燈架?

高貝越大越曳, 唔肯長時間留起龜箱,
8 點幾瞓醒就 BOOM~ BOOM~ BOOM~ 要拆出嚟,
中午開餐先返番入去, 食飽冇耐又要走出嚟,
其實真正照燈時間真係唔多, 大概 3-4 個鐘啦,
所以放假就會帶佢去曬吓太陽囉 ~~~

yuki

原帖由 煙花 於 2008-11-19 12:33 發表


因為我未養過呢類型龜,所以好奇問問
平時需要d 咩?冬天係唔係要開暖管?

龜箱內有..抽氣扇, UV管, 濕溫計,
陶瓷膽及射膽用作加溫,
溫度晚間 25-28度, 日間 30-34度..
盾臂龜是熱帶地方生活, 所以不用冬眠的,
每天要幫牠浸水方便排便, 但唔一定聽話浸水時痾呢 >"<
結石係令主人最擔心既問題, 所以食物要好留意,
不可過量及以高纖低蛋白為原則,
要多曬太陽, 強健骨骼...

照顧佢真係要有心有力喔

yuki

原帖由 煙花 於 2008-11-19 13:06 發表



電費都好似加唔小wow,真係出心出力

係唔係營養唔平均,所以會出現結石?

其實結石真係有好多原因,
外國做過好多研究, 發現野外生活的陸龜,
患結石的機會少很多...
人工飼養結石機會則較大..
過度餵飼, 蛋白質過高, 運動量少, 沒有足夠陽光, 溫度等等
都會形成結石問題..
真的很擔心高貝也有呢, 所以要定期帶去照 X光,
年年驗身, 主人放心 ~~~

yuki

原帖由 煙花 於 2008-11-19 14:02 發表


多謝你詳細o既回答
但我仲想問佢係唔係仲會快高長大架?

唔洗客氣, 反正我都好鬼得閒   
成體會大至兩尺半至三尺,
平均壽命為 50年,
所以... 高貝仲會有排大呢 = =
應該我死高貝都仲喺到喔

yuki

煙花前輩,
你對盾臂龜都很有興趣嗎 ???
係咪都想擁有一隻呢

yuki

見你都好似好清閒吓喎, 比多段嘢比你睇丫 ^^
這篇是我給其他爬蟲論壇的POST, 你有興趣也可以看看喔

我與高貝的點點滴滴 ~~~
近日在這裡收到幾位爬友仔的PM, 都是問一些有關盾臂龜如何選購或飼養的問題.. 很高興知道他們都會在有意飼養之前, 做足資料搜集, 做個負責任的主人.
其實我祇可以把飼養高貝的一點點經歷跟大家分享一吓, 因為 .. 我仍然在學習階段呢, 高貝有什麼問題, 我都要請教各位師兄師姐, 又或者在網上搜尋一些實用的資料...  

因為昨晚睡得不太好, 想起高貝來了我家剛好4年了, 很想把高貝的點點滴滴告訴大家, 有興趣的朋友可以用少少時間來看看喔, 沒興趣的閃過便算吧, 謝謝 ~~

高貝是在 4 年前的10月買牠回來, 記得當時我家是經過投票來決定是否買一隻世界第三大陸龜回家, 結果是3人反對, 1人棄權, 1人讚成, 不要以為讚成的必定是我, 錯... 我是投反對票的, 因為在養高貝之前, 我從來都不喜歡龜, 還有些恐懼呢.. 最後, 表決無效, 因為我和媽媽都寵愛細佬, 所以... 就算爸爸極度反對, 我們都買了牠 ~

在買高貝之前, 我對於盾臂龜是一無所知, 只有細佬做了些間單而表面的資料搜集, 例如飼養設備, 生活習慣等等... 後來我看了一些關於盾臂龜的書籍, 才知道牠們的體型每年大概有70%增長, 真的把我嚇一跳呢..

其實對高貝而言, 我並不是一個很好的主人, 至少.. 我未能提供一個理想的生活環境給牠喔.. 但是無可否認, 我對高貝是偏心的...

有件事.. 現在想起仍很慚愧, 兩年幾前我想過放棄高貝, 我打電話去問過一間機構, 幸好.. 我給他們鬧過狗血淋頭 .. 在打這個電話之前, 我也流了不少眼淚呢..
我也寫過一個電郵給這裡一位幹事, 希望他可以收留高貝, 但最後電郵我沒有寄出.. 我很清楚, 我根本就十萬個捨不得, 親愛的.. 我怎能失去你呢.. .   

高貝就是有種攝人的魅力, 我不知道從何時開始, 爸爸竟然也喜歡了牠呢, 現在每逢爸爸放假不用上班, 他都專程去深水埗買田灌草給高貝吃喔, 高貝高貝.. 你真有本事呢 .. 我跟高貝已有個約定… 我會永永遠遠都保護牠, 痛愛牠呢 ..
   
近期, 我貼了不少高貝的照片出來跟大家分享, 因為… 我覺得高貝有很多表情和形態都很吸引呢.. 但… 如果因為高貝的照片, 而令到一些朋友起了購買盾臂龜的意欲呢.. 懇請大家事前必須做足準備功夫喔…

高貝令我最頭痛的, 除了體型問題外, 就是牠的衛生問題, 因為盾臂的糞便真的很誇張呢..
如果這天媽媽不在家裡, 未能即時幫牠清理, oh no ~~~ 我相信有養大型盾臂的朋友, 會完全感受得到呢...

從決定飼養寵物的那天起, 我們便要對牠負起責任來,對牠們的認知, 習性是很重要的..看見牠有不對勁, 便要馬上找醫生幫忙, 視牠如親人般對待, 我們做主人的一定要盡力幫助牠, 就算寶貝最後都是要離開, 我們起碼也對得住牠吧..

照顧寵物是一生一世的, 尤其龜的壽命比一般寵物較長, 請有意飼養寵物的朋友, 在飼養前要考慮清楚喔 ~~~

當一切準備妥當, 真的很歡迎你們也來加入養盾臂行列喔...因為牠們真的很可愛很可愛呢 …

[ 本帖最後由 yuki 於 2008-11-19 14:39 編輯 ]

yuki

原帖由 煙花 於 2008-11-19 15:37 發表



點解曾經想放棄佢?
但佢體形增長o既速度真的很快

因為 .... 有壓力, 多方面的壓力..
那時候很不開心, 不知怎麼辦, 很無助 ..
所以有一刻想把牠放棄 ..
幸好最後高貝都仍然留在我身邊 ...

我偏愛高貝, 就因為我不知道我能否永遠留著牠,
照顧牠... 始終, 實在有太多因素是我不能控制的..

每次想到這個問題, 我便.... 不敢再想下去了 .... ..

yuki

原帖由 風中飛鸚 於 2008-11-19 23:45 發表
1彩~非常非常精彩!我就是要這種演繹,有相又文字,精彩,

2我養左隻豹龜兩年,一點都未大過.(所以想養盾龜)

3想問你隻龜認得你嗎?

4一開始養時有4"長嗎?

5你自己有覺得他大得快嗎?

回來時 腹甲 6cm, 95g

高貝認得主人及地方的, 幾個月前曾經帶牠到龜友家玩耍,
朋友幫牠沖涼後, 餵牠吃東西,
牠好像很嬲的樣子, 不肯吃及找地方收埋自己,
直至我帶牠回家牠才大啖大啖吃呢 ...
所以, 都唔好話高貝為食, 唔係邊個餵佢食嘢佢都食架

牠算大得快呢, 因為比同年齡龜相比, 牠體型較大喔,
可能比較吸收呢 ~~~

yuki

原帖由 煙花 於 2008-11-20 00:15 發表



咁e+幾長同幾重?

9 月時拍下的