Louis

有冇帶過去睇醫生驗血照X光? 如果係因生理疾病以致咬毛, 搽乜噴乜都無用, 最常見係重金屬中毒, 例如長期用鐵籠飼養, 日積月累食下鐵籠及玩具漆油或電鍍, 又或者意外吞食錫紙糖紙, 令金屬積聚於體內.
生理問題唔醫好, 慢慢養成咬毛習慣, 就會變成"生理性+心理性"咬毛.
好多人因為覺得睇醫生昂貴, 一心以為係心理問題, 白白浪費最佳醫療時間.

Louis

唔係, 每隻都會唔同, 位置不外乎幾個: 心口, 大髀, 膊頭, 翼面, 翼底, 背脊, 屁股, 甚至拔其他鸚鵡毛.

Louis

1. 唔需要定期食杜蟲藥, 除非你經常放隻雀落草地, 樹上, 又或者你有餵隻雀食昆蟲(蚱蜢, 麥皮蟲).
2. 你可以買雀鳥或爬蟲用全光譜射燈, 或UVB慳電膽/光管, 提供有限度UVB, 光照距離越遠, UVB越弱.  全光譜射燈功率100W~160W, 比較耗電, 會發熱, UVB效能只有陽光約四分一或更少; 而UVB慳電膽/光管不發熱, 耗電23~26W, UVB效能只有陽光約十分一或更少.

Louis

自己唔舒服會走去咬人地？@@
即係就算吞左金屬，咬毛開始的地方都冇一定？
咁吞左金屬，由有毛 ...
louisa20047 發表於 2013-4-15 16:29

一次過吞落大量或大片或大粒金屬, 會做成消化道阻塞及急性中毒, 屬於急症.
重金屬中毒, 多數係慢性, 多數係少量少量食落肚, 經過消化吸收, 累積體內在腎臟結石破壞腎臟組織, 同時令肝慢性中毒. 結石可從X光看到, 肝慢性中毒可從驗血知道.
如果發現尚早, 可以服用解毒劑, 以及服用藥物分解粒石, 再慢慢排出體外. 肝輕微中毒, 可服藥物慢慢復原, 但腎臟組織因結石受損, 係無得復原.

Louis

自己唔舒服會走去咬人地？@@
即係就算吞左金屬，咬毛開始的地方都冇一定？
咁吞左金屬，由有毛 ...
louisa20047 發表於 2013-4-15 16:29

1. 係, 自己唔舒服會發脾氣去咬人地.
2. 咬毛開始的地方冇一定.
3. 咬毛從有到冇, 只需一晚.

Louis

咁吞左不鏽鋼會唔會造成金屬中毒？
不鏽鋼造成金屬中毒機會低, 因為不鏽鋼化學特性穩定, 難於與胃液產生化學反應, 但會造成消化道阻塞.
急性金屬中毒常見係吞左毫子, 或其他金屬小配件(常見係銅, 鋁, 鐵), 與胃液產生化學反應, 產生毒素.
慢性金屬中毒, 多數係漆油剝落, 電鍍剝落, 糖果包裝錫紙, 廚房錫紙, 吞落肚經消化吸收, 累積體內.