請大家為大舊金祈禱~~~

mmchu

尋晩佢咬過響xxxx度買嘅樹皮，今朝就腳仔軟扯晒蝦，
而家已經響銅鑼灣動物醫院，醫生又未返，
姑娘只可以放佢響個箱度等醫生返，
我唔係教徒，但我乜都做唔到，
我好驚大舊金有事，
大家幫我祈禱可以嗎？

mmchu

而家要留醫，情況麻麻地。。。
請各位雀友繼續為大舊金祈禱，多謝！

mmchu

多謝大家，
講真，呢一刻我真係十分之無奈，
乜都做唔到，唯有求神問卜，
自問無做過殺人放火傷天害理之事，
千祈唔好攞走我大舊金，
雖然主席叫我要有心理準備，
但係針唔拮到肉永遠唔知痛……

我而家唯有信醫生，
仲有大舊金要靠自己，
醫生都唔咁貿貿然同佢做任何野，
因為雀太細隻兼且情況麻麻地，
驚有任何舉動，只係加快"送佢一程"……

請大家繼續為大舊金祈禱，多謝！！

mmchu

終於深深明白咩野叫"度日如年"，
時間好難捱，
大舊金，乖仔你要頂住呀，
你好乖仔架…

頭先打電話返屋企問老竇大b哥有無異樣，
好彩大b哥無乜事，
不過大b哥細細聲咁叫住大舊金，
大舊金，加油呀，
大b哥都等緊你返屋企架，
大舊金你要撐住，我都要撐住，我地一家人都要撐住！！

mmchu

其實而家都唔知關唔關塊樹皮事，
個塊野其實係"椰子皮"，
大舊金咬左少少，又好似吞左少少落肚，
唔知會唔會因為咁，
所以先至會咁……………

mmchu

1我幾肯定唔關件玩具事~就算有毒~唔會咁快架~起碼兩日以上~什至一星期~唔會咁快去到E個地步~如果毒到咁犀利~其他店過鸚鵡都會大獲~唔會有你情形~

2知道大舊金在MMCHU心中重要性~係唔可以死~但現實就要面對~作最壞 ...
風中飛鸚 發表於 2012-4-27 12:05

我都唔肯定關唔關個舊野事，
不過好肯定大舊金響我，同埋我一家人心中既重要性，
我已經有輕輕諗過佢會走，
但係我真係唔敢諗落去……

剛才二十分鐘，分別有三個我唔知係咩既電話no.打比我，
個刻真係嚇死，雖然話有心理準備，
但係都係會驚，會害怕，會恐懼……

mmchu

大家覺得奇怪~我一味叫MMCHU要諗大舊金離去~
大家唔明白大舊金對佢幾緊要~我怕佢一時好難接受得到~作最壞打算會好D~
風中飛鸚 發表於 2012-4-27 13:09

其他人唔明白唔緊要，
我明白你意思就得！

mmchu

過左咁多個鐘，其實我都定左d，
但一諗到。。。就唔敢諗！
而家出發去睇大舊金，
晏d再跟進~~~

mmchu

E生要做嘅已經做左，因為佢氣促，
已經開左相關藥對應。

mmchu

我屋企騎樓對面無野，好遠先有樓！
無亂食野，無食壞野，
無食蔬菜，淨係食過生果，
粟米都煮過先比佢食。

mmchu

而家E生同佢照X光。。。

mmchu

而家個天落雨，好似都為大舊金的離開而傷心~~~
今日，四月二十七日，對我一家黎講，
絕對係黑色星期五！

mmchu

各位，多謝大家對大舊金嘅厚愛，
我還OK的，大家有心~~~

mmchu

我個人真的很難過，我媽媽都很難過，
我細佬仲怪自己，會唔會係因為佢比塊樹皮比大舊金玩，
大舊金先會出事？
頭先我地已經同意將大舊金解剖，
醫生初步睇大舊金內藏情況唔太差，
所以決定要將某些器官組織再送去化驗，
才會有進一步結果！
我敢對住個天講，由出事到而家為止，
我真係無怪過我細佬，
就算由一開始老竇、婆婆（我阿媽）話係與樹皮有關，
我都無怪你，我淨係要我大舊金無事。。。
頭先我大喊，喊住咁同婆婆講我好掛住大舊金，
我都有同婆婆講我無怪過你，
細佬，放心吧，
你二姐我由始至終真係無怪你，
唔好再怨自己！

mmchu

我好想先多謝主席，今朝（昨天）一早佢未瞓醒就打比佢，
聽到佢把聲，我個人都無咁茅咁騰，
雖然都係叫我帶佢睇醫生，
但由佢把口叫，硬係放心d。。。
另外我要多謝有為大舊金祈禱的各位，
你們對大舊金的支持，我都有同佢講，
多謝嗮大家，大家咁錫大舊金，我都好欣慰。。。

其實我養左大舊金差不多三年啦，
呢三年裡面，佢帶比我家很多歡樂，
所以我都要講聲：多謝你，大~舊~金~~~

mmchu

我知你錫我唔想我亂諗，你無怪我，我都會怪自己，我想我D雀有事都唔想大舊金有事，大舊金係阿婆阿公個粒仔。
1a2b3c 發表於 2012-4-28 02:43

我真係真係dd都無怪你，
你要我點講你先信呢？
好彩你知，由細到大我都咁錫你，
咁你以後生生性性，聽下其他人講，
唔好下下自以為是，好嗎？
大舊金走左，我都知你好難過，
但換轉係綠茶綠寶出事，
我又會好過嗎？
如今大舊金離開，可以換回我細佬聽話，
都算是一件好事~~~

mmchu

我係樹樹咁多人面前，我應誠你我以後會聽你地話！
1a2b3c 發表於 2012-4-28 03:48

你咁大個人，講得出，做得到先好。。。

mmchu

151# mmchu


你快D去訓啦！
1a2b3c 發表於 2012-4-28 04:35

我有瞓過，瞓下醒下，
得架啦，二姐知你乖，
你瞓啦~~~

mmchu

153# mmchu


我都訓唔着
1a2b3c 發表於 2012-4-28 04:43

你瞓唔著都要去瞓，你仲有兩隻雀要照顧。

mmchu

你都有大b哥！
兩老一早要北上？
1a2b3c 發表於 2012-4-28 04:51

我有瞓一陣，我ok!
唔知佢兩老決定。