mmchu

我個隻都係幾個月大開始養，
岩岩返屋企個時都要餵奶，
但係兩年多來都未試過響屋企大叫，
甚至出街都唔會大叫…

我個隻平時九點零十點鐘就要嬲布瞓覺，
朝早天光就開始細細聲講野，
好似講下早晨，hello咁，
直到我老竇起身拎佢出廳，
等佢all左篤早屎就開始bilibala咁講野…

點解你個隻會大叫？
你要研究下先得，
大叫係因為已經天光？
因為太肚餓要食野？
因為太悶要搵人陪玩？
因為見唔到主人？

而家係屋企人投訴你，
如果遲下係隔離屋投訴你，點算好？

mmchu

如果佢太肚餓，
可能佢真係晏晝食唔到幾多合成糧，
有時食一粒，玩一粒，跌三粒，
所以你以為佢食飽，
其實佢仲未夠…
你可以試下手餵合成糧，
睇下佢究竟一粒可以食到幾多，
又或者可以試下加埋生果糧兩溝…

朝早七點鐘餵一餐，
晏晝有無可能多餵一餐呢？
晚上可以的話唔好太早餵，
你咁早食飯第二朝你都一早肚餓啦…

平時食奶大叫，咁佢其實肯唔肯食？
食得快嗎？有搶住要食嗎？

mmchu

咁就假設佢因為肚餓，所以會大叫…

由今晚開始，認真咁將佢食奶時間延後個零兩個鐘，
平時七點食夜奶就手餵合成糧兼同佢玩，
到佢瞓之前先餵奶，
睇下第二朝情況有無改善丫…