小草妹

好驚喜！因為竟然有人咁留意我地，仲會記得我兩位小朋友叫咩名！
太陽鸚鵡主要問題係嘈，同大聲的。養之前先要考慮一下家人同鄰居既接受程度
太陽仔佢地好痴人，性格上好得意，亦因為咁會成日大叫叫人同佢玩。所以養之前先要考慮一下
雖然佢地少咬毛機會（唔係無同唔會），但係佢地好認主人，你嫌棄佢地嘈同唔要佢地佢地一樣會唔開心的

小草妹

太陽鸚鵡宜家好多地方都有得賣，眼見鸚鵡店，綠森林等地都有
前排就升到大概3800 一隻，最近我聽人講1000 尾至二千五都有一隻
我自己覺得咁啦，養雀仔最緊要揾到隻合眼練，你唔係做生意要計成本
所以我自己唔會因為平買左隻自己唔鐘意既，負擔得起既情況下就算貴少少都會買一隻自己一眼愛上既

小草妹

如果要養，先了解一下大廈既公契，睇清楚有無列明比人投訴會否叫你拎走隻動物
同埋了解下公契寫明係唔比養“dogs“定係唔比養 "pets"
否則到時真係投訴又叫你拎走隻雀搬屋又唔係，唔搬又留唔低隻雀
養太陽最緊要同鄰居打好關係XD