小草妹

唔好意思呀 , 我呢幾日都好忙 , 見到個post , 想答都無時間答添
我隻太陽女11月剛剛生完 , 有個人經驗可以分享下

1) 唔係呀 , 要知道係唔係白蛋 , 要靠主人用燈照先知道有無授精, 雀媽無論白蛋授精蛋 , 初頭都會孵 孵到咁上下 , 見無bb 出世 , 就會放棄d蛋 ,
2) 應該都ok , 但因為我個太陽女孵蛋孵到唔肯出黎食野 , 我自己會用 harrison high potency 打碎加水係巢箱門口餵佢 , 早晚一次 , 得嘅話 (六日 )會餵 3餐 , 間中係胡仔加天然蛋殼粉
記住記住一點係 , 千其唔好以為生蛋傷身 , 未生晒就係咁補鈣餵蛋白質 , 雀媽自己會因應身體嘅營養儲備 , 去決定生產幾多隻蛋 , 你狂補 , 佢就有可能狂生 , 好傷身架 !
3)個燈你擺邊個位 ? 暖晒成個籠? 定係只係focus係雀媽度 ?
我之前BLOG有講
"基本上 , 在鸚鵡籠附近增添發熱保暖裝置 ,  籠內要要有熱區和冷區之分
等讓鸚鵡可以自行調節 選出最適合自己最舒適的位置"
"設置暖燈時 , 請不要以為放得愈近 , 就代表鸚鵡愈暖 , 對鸚鵡愈好
這是錯誤的想法 , 曾經有個案是因主人把暖燈設得太近 , 而導致鸚鵡燙傷
亦不要將暖燈與籠布放得太近 , 以避免發生火災 , 加上如果蓋上了厚厚的籠布 , 熱氣不能揮發 就很易造成鸚鵡中暑 "
所以我好個人覺得 暖燈係無咩用嘅 , 因為雀媽唔會有位去選擇自己企咩位 , 一定只係係個巢度
如果個燈長期FOCUS 係雀媽度 , 就一定有問題
如果真系要用 充油式電暖爐會好D
這個保暖方式有效之處主要不是以直接提高鸚鵡體溫為目標 , 反而地 , 是有穩定環境溫度的作用 . 鸚鵡處於在一個溫度穩定的環境中 , 會比較小有冷病機會

Hope it helps