多謝大家既恭賀!
Money呢個個案都值得分享比大家參考下。
走失係因為我餵完佢地之後，剩係淹埋籠門無鎖好，佢如常行左出泥窗邊，而剛巧窗門無關妥，Money可能係唔覺意嚇親跌落街，佢應該係無心走既。
本來預計佢會飛去附近大樹或白鴿群，可惜用高清望遠鏡搵左幾日都唔見。有向警員報案，可是不受理，警員說:如有市民捉到你隻鸚鵡會報警，警方會通知你......。我懷疑有無人真係捉到鸚鵡會報警，所以放棄備案，只留下傳單及聯絡方式。
走失第二日起係附近大廈外牆及燈柱貼街招，附有彩色鸚鵡照片及聯絡電話，不過幾小時內比人清走晒。
通知大廈管理員失雀事件，派利是及呼籲幫手留意，注明"重酬"。
通常養左十幾年既鸚鵡未必夠力飛得遠，可能跌左樓下幾層，所以第三日將尋雀啟示入晒大廈所有單位信箱。
第四日帶Beauty去天台大叫沒有回音，早午晚方圓2公里都無聽到叫聲，預算已被人捉左。
第五日有管理員聽說有人早幾日於附近大廈見過Money出沒，於是縮窄派傳單範圍至該大廈，可是與大廈管理處多番交涉仍禁止派傳單至信箱。
第六日直接進入該大廈逐家逐戶派到每戶門口內，期間真係遇到有人親眼見過Money站於走廊毫不怕人，不過怕咬唔夠膽捉。由頂樓派至中層便有人來電通知接回Money。原來該另一位好心人早幾日係客(車立)捉到Money，得登去買左新雀籠同鳥糧，又餵餅乾蘋果，又幫Money沖涼，照顧左佢幾日，好感激呢位好心人。
經六日折騰後，Money額頭損左，甩左大部份尾毛，不過返到屋企表現得好開心，錫左Beauty好耐先去食野。
希望大家都注意安全，唔好再走失心愛既鸚鵡。 |
發表於 2013-2-22 17:55
|