YVONNE

如果去廸士尼, 緊記要早d出發, 食飽先入去玩,
最好先去幻想世界, 小朋友最喜歡, 而且早d排隊都快d,(上次我帶兩個表妹一早入去, 可以玩3次轉轉杯, 2次旋轉木馬, 4次巴斯光年, 1次飛越太空山(佢地自己玩, 我驚, 所以响外面等), 小飛象同飛碟各1次, 小小世界唔洗排, 下午5點幾已經連動畫教室都去埋.)
雨傘同太陽帽都唔少得, 清水唔駛帶, 帶吉樽入去, 洗手間附近自然有飲水機, 小朋友通常好鍾意米奇幻想曲, 但獅子王慶典就未識欣賞, 巡遊通常都好鍾意, lee 個月halloween, 應該有特別節目, 如果米奇大屋有開, 值得去參觀下, 我去第7次先知米奇大屋响邊
如果想慳d, lunch可以出外食, 好似要响手上蓋個印, 最好入去前問清楚, 裡面最平lunch set大概$50位, 份量少, 味道ok啦!我咁細食食完都好似冇野到肚, d精品間間會有小小唔同, 唔好太心急買紀念品, 如果唔係小朋友見一樣, 鍾意一樣, 到時你就麻煩lu
預祝諾諾生日快樂, 你地一家玩得開開心心