想講番一句公道說話
教育都係為左教育學生
學生之所以係學生,因為佢未成熟,需要教
可惜既地方係佢地係畢業前都未學好尊重人,
但其實始終都係一個學生,需唔需要去到人人去起底,去話佢去死好過,我好有保留
而我覺 ...
wakashi 發表於 2010-6-15 04:59 
因為而家好多人冇同理心, 同情心, 公德心, 個人主義被過度美化, 太多人淨係識將所有錯誤歸咎於其他人, 自己永遠唔認錯, 可能有人覺得對個17歲心智未成熟嘅學生趕盡殺絕太過份, 但我反而覺得可以起殺雞儆猴之用, 畢竟再過幾過月佢就18歲, 18歲算係成年人, 但如果就其心智與行為而言, 真係令人非常不安.
曾經試過有一位中四學生上我堂遲到, 我問佢原因, 佢第一句就話因為學校老師變態, 佢默書差一分就及格, 都要佢留堂, 所以先會遲到, 跟住我問係唔係默好多所以溫唔切, 佢話係, 要默成20個英文生字, 我心諗20個字, 有心機一晚就溫好啦, 跟住我再話老師俾一日時間就要你默嗎? 佢話唔係, 俾一個星期.
一個星期, 即係一日背3個都ok, 點解自己懶就歸咎於老師變態, 我即時忍唔住教訓佢, lee個小朋友我由佢小學三年班開始教, 教左七年, 自覺有責任教好佢, 之後同佢媽咪傾, 將lee件事講出, 佢媽咪冇就佢對lee件事嘅錯誤態度諗方法改正引導佢, 反而向我舉反證, 證明佢係個好孝順嘅小朋友, 以求轉移視線, 替其掩飾, 所以我也不再多言.
冇人希望自己嘅孩子冇禮貌, 但唔係人人明白身教嘅重要, 更唔係人人有時間或許願意花時間同孩子溝通, 所以俾社會教可能係一個最大傷害, 但响佢地傷害其他人之前最無奈嘅手段 |
發表於 2010-6-14 18:04
| 
不知所謂