本帖最後由 gwensoo 於 2015-4-16 09:38 編輯
尋晚一時衝動, 帶咗隻黑頭凱克返屋企. 通常我帶雀返屋企之前, 我一定會爬文搜集資料, 務求搞清楚雀雀本身特性同需求, 至會決定係唔係真係帶返屋企.
尋晚, 本來係雀店撩緊隻黃邊同玉桂小太陽玩(之前一直心儀小太陽), 點知佢地好驚人, 老闆話黃邊可以上手, 分明講大話, 隻黃邊見人如見鬼, 但老闆就夾硬捉佢上我手, 我話算吧啦, 放佢返去啦, 唔好嚇親佢.
之後, 見到旁邊有隻黑凱, 都係驚人既, 但撩下佢, 佢都會輕輕力咬下你睇你乜料. 呢種行為證明大家會有發展空間. 本來我都十五十六, 因為未太清楚凱克特性, 驚唔係太適合. 再講, 我係打算將佢同雞尾仔放埋一齊養, 但好驚佢一野咬殘雞尾仔. 但係老闆話呢隻特別馴, 咬人唔用力, 之前同隻藍頭放埋一齊都無打隻藍頭(我心諗, 藍頭咁大隻, 除非隻黑凱傻既, 如果唔係, 點會主動打隻藍頭?).
我見老闆好粗魯咁捉隻黑凱, 隻黑凱明顯好驚好唔鍾意, 但都無乜用力咬落老闆隻手度. 果一刻, 我心動了, 如果老闆咁粗魯對佢, 佢都唔大力咬落去, 咁我咁溫柔, 怕且都唔會俾佢咬到見紅卦? 咁隻雞尾應該都有機會可以同佢和平相處啦.
就係咁, 我就將佢帶咗返屋企, 宜家想請教各位養凱克既朋友, 照顧凱克有乜要注意既地方?
我隻凱克有 AMAZON FOREST 既性別卡, 話係男仔喎, 係唔係 50/50呢? 佢個發出日期係2014/12/9, 即係4個月前, 凱克一般出齊毛都要80日, 咁係唔係既係我隻凱克仔大約6-7個月大呢? 仲有, 我隻黑凱腹部有黃色雜毛, 老闆話因為仲未大, 所以有雜毛, 等大咗就變白色, 係唔係真架?
希望客位朋友分享一下飼養經驗, 多謝! |
發表於 2015-4-16 09:27
|