gwensoo

葵花子係好有營養, 可以當(人類的)補健品, 但人類唔會以葵花子當主糧/主要副食品, 最多都係每日食少少.

我諗, 大家主要係擔心葵花子所含的油份太多, 容易引至寵物鸚鵡痴肥, 進而引起各類因肥胖而產生的疾病.

我自己對合成糧都有保留, 雖然, 我都用HARRION 高蛋白配方合成糧餵雀, 雖然佢地聲稱幾乎所有成份都係有機, 但好老實講, 你聲稱啫, 有幾多真, 有幾多假, 鬼知? 人食既野都咁多問題, 動物食既野, 更唔穩陣.

又, 咁多年來, 貓糧狗糧出過幾多問題? 引起過幾多死亡事件器官受損事件? 有睇新聞既都心中有數, 我諗, 雀糧....都應該差唔多.

我自己, 朝早餵綜合種子糧+人類食用級別既有機亞麻子, 然後再俾小許人類食用級別既果仁(合桃, 杏仁, 開心果, 葵花子, 南瓜子, 腰果, 小紅莓), 部份係有機產品, 部份只係人類食用級別, 再加一片蘋果. 然後就放H合成糧係籠, 由得佢地食或唔食. 放工, 又糧佢地食下小糧果仁, 然後正餐就用佢地食剩既合成糧+2粒腰果, 開成糊仔親手餵食. 心情好又餵小量有機無花果乾俾佢地當獎勵.

始終, 就算D人話合成糧幾咁好, 我自己都係半信半疑, 無辦法, 世上無良心既人太多, 連人食既野都唔安全, 更何況動物食既野?

gwensoo

回復 18# macbrush


我知無辦法, 就連飲既水都有問題, 大家都只可以接受現實. 所以, 我亦跟大隊餵合成糧, 但我唔會當合成糧係最好既雀鳥食品, 我會盡量俾多類型食物佢地食, 分散風險囉.

gwensoo

其實, 我都一直係度諗點樣至算對寵物好, 有時我地認為好既野, 強加佢地身上, 佢地無權 say no, 只能默默接受. 就好似人類本身, 你叫我日日食健康食物, 沙律青菜低糖低油鹽, 係好健康, 但咁食法, 我又寧願早死早著囉. 我係人, 我有權自決要食乜, 我亦知道咁食法既後果, 我願意承擔, 當然一切ok啦, 但寵物, 無得揀, 可能佢既諗法同你既選擇一樣, 咁佢咪好開心囉, 但亦可能, 佢既諗法真係唔同你....

又咁講, h糧我有試食過, 味道其實真係唔差, 我都幾鍾意食, 間中會偷幾粒食下. 但每次見到d雀乾吞d糧, 又真係幾辛苦, 難怪佢地要將粒糧浸下至食, 唔浸過真係幾難吞架, 佢地又無人類咁多口水, 叫你齌食幾粒水泡餅唔飲水都幾難頂.

又, 前排睇有線, 有個寵物節目訪問邵音音, 佢養咗幾隻西施, 隻隻廿歲至走, 最後生果隻都十九歲, 人地俾乜狗食? 咖哩囉, 紅酒囉, 人食乜佢地食乜. 完全違反健康飼養狗狗既方法, 但係人地d狗又真係好長壽無病無痛好健康喎. 當然, 呢d可能係萬中無一既例子. 但我都會諗, 其實, 邊個話你知乜乜牌子既狗糧好? 來來去去, 咪又係d獸醫同商人, 佢地都係受益團體, 講既野, 點都係聽下參考下就算囉, 信到十足嘛....自己諗下囉. 廣告既野, 我向來都係笑笑就算.

gwensoo

回復 42# gadgeteer

我明你意思, 但我向來對廣告好有戒心, 利字當頭既野, 想點吹都得. 我亦好明白, 宜家雖然話資訊發達流通, 但係, 有幾多真, 有幾多假, 當中又涉及幾多利益關係, 大家都唔會搞得清楚明白, 充其量都係自已分析同評估, 而自己既分析同評估又唔一定最貼合現實, 所以講到底, 都係....估估下, 搏摶下, 聽天由命囉.

對於餵合成糧, 我真係唔知好定唔好, 我淨係知道佢好方便, 唔會食到我成幅牆都係果肉果汁, 唔會食到成地都係種子殼, 並且, 佢可能真係如佢所聲稱既咁有營養, 又無添加劑防腐劑等等對雀鳥不利既物質. 但事實係唔係咁, 我就唔知啦. 我只能講, 我好多野都唔清楚, 所以, 我乜都餵下, 分散風險囉.

gwensoo

回復 45# gadgeteer


慘得過我前日餵佢地食車厘子.....成個血案現場咁款

gwensoo

我呢排成日去鬼佬論壇睇下人地點養凱克, 但我普遍見到都係話餵合成糧同水果蔬菜同小糧果仁, 我又無話信到十足, 但係, 聽下人地點講, 參考下又無妨既. 我諗, 餵牛奶白飯意粉瓜子做主糧既人係有, 但唔多囉, 起碼我無係鬼佬論壇見到.

http://www.parrotforums.com/caiques/54912-advice-caique-diet.html


I have discussed this already in other posts but suffice it to say on our first visit with the Avian Vet we got a 30 minute lecture on Pixie's diet. Our Vet recommends only Harrison's for Pellets. When I asked why she said she has witnessed more illnesses cured completely with a simple change to Harrison's pellets than any medication she has prescribed. This included a complete resolution to chronic kidney failure in her own parrot. She also cautioned us on feeding any type of "mash" as according to her it encourages nesting and territorial behavior, which can lead to biting. Having said that Pixie loves her mash and we still give it about 1-2 x weekely. She asked us to limit the feeding of apples, oranges, and bananas to only 1 or 2 times per week and called them "sugar bombs". We are also to limit the use of vegetables like carrots, peas and beets for the same reason. We feed melon, lots of berries, and just about every type of green the store carries including kale, swiss chard, and dandelion greens, on a daily basis. Cucumber, yellow and orange peppers, and hot peppers of any kind are also on our daily list. Pixie also loves Quinoa, couscous, and brown rice every 2nd day or so, and cooked legumes about twice per week.
We have tried the crumbles and the regular sized pellets and Pixie seems to prefer the larger size as others have mentioned. You can also run the large pellets through a coffee grinder (not used for coffee) in order the vary the size and keep things interesting.
Hope this helps!

gwensoo

回復 75# kenness


其實, 合成糧大部份都係鬼佬發明既, 理應鬼佬更興餵合成糧.

gwensoo

回復 79# gadgeteer

其實同學歷經驗無關既, 只要你本身疑心大就得架啦, 我認架, 我唔係好信人架

gwensoo

雀店講既野我更加唔信, 親身經歷, 知道佢地其實只有一招抗生素. 有病醫病, 無病強身. 好彩我唔信佢地, 自己上網 ORDER 藥, 自己醫返好D雀.

gwensoo

我想話，餵瓜子都唔平得過餵合成糧。好似我買美國有機認證嘅葵瓜子仁一樽130克都要29，如果淨餵瓜子，我餵一定貴過餵合成糧。

gwensoo

人食瓜子就算無調味, 都好多添加劑架, 信唔過架.

gwensoo

回復 93# ngwaikeung

我諗, 你可能搞錯我同kenness既留言, 29元130克既瓜子仁係我買既, 我亦無嫌過合成糧貴.

H牌有機紅白瓜子我無買過, 亦唔打算買, 始終, 我相信人食既瓜子點都穩陣過寵物食用既瓜子, 即使大家都係有機認證果種.

新年食既瓜子, 好多都加咗礦物油, 我記得某年新聞都有報道過, 呢D礦物油可以令瓜子更油亮吸引, 但食咗肯定壞腸胃. 人食既散裝葵瓜子有無噴灑添加劑我真係唔知, 不過, 為穩陣起見, 我都係買美國入口, 已去殼既有機葵瓜子仁好D.

gwensoo

回復 105# Louis


我都有考慮過呢個問題, 所以我餵佢地食既合桃, 杏仁, 開心果, 腰果, 葵瓜子, 南瓜子, 通通都係本身已剝咗殼可以直接食用既果仁, 並且睇清睇楚說明, 只揀無調過味或添加過任何物料既產品至買. 貴係貴D, 但方便又比較安心丫嘛.

gwensoo

香港無法例監管寵物食品安全, 但唔等於外國無, 如果寵物食品生產當地有法例監管既話, 咁佢地生產既寵物食品理然比較安全信得過. 不過, 當然, 有法例監管唔等於執法嚴慬, 陽奉陰違既勾當多到數唔晒.

仲有, 係外國, 寵物食品既安全標準同人類食品既安全標準, 我相信都係有分別既. 不過我亦要承認, 我對呢方面既知識有限, 亦懶得去搜集資料. 只係簡單地憑常識去推論.

gwensoo

其實, 點解我一直對合成糧半信半疑, 就係因為, 我認為寵物食品既監管一向唔多嚴格, 之前又聽過好多貓糧狗糧出問題, 果D生產商賣廣告話自己D糧點好點好, 結果出問題, 傷心既係主人. 養隻寵物一生一世, 有感情架, 搞到隻寵物唔生唔死飽受病魔折磨, 將心比己, 都知道有幾痛苦.

gwensoo

TEST, 怪怪地, 出唔晒打既字?

gwensoo

放棄, 有D話似乎唔俾講, 咁就慳返啖氣~

gwensoo

其實, 有無人知道, 人類食用安全標準同寵物食品安全標準係唔係差唔多? 定係差好遠?

我一直疑問既係, 就算我買既寵物食品係附合產地法例, 但係, 如果寵物食品安全標準其實要求好低, 咁佢就算符合法例又如何? 寵物食品點都係差過人類食品既標準喎.

gwensoo

回復 149# littlecae


唔該晒! 如果係同一標準咁就放心, 我可以安心餵雀雀食合成糧 & 偷食合成糧.

gwensoo

其實, 蒸魚同白灼蝦既時候, 留一小塊無調味既魚肉蝦肉俾雀雀食, 就解決晒驚唔夠碘既問題啦. 另外, 烚雞蛋都有碘質既, 不過唔夠魚同蝦咁多啫.