gwensoo

回復 182# louisa20047


點解唔可以日日食蘋果? 我隻凱克仔養咗4個月, 日日都餵蘋果, 係網上睇資料, 亦無話蘋果有問題.

gwensoo

主席就係主席, 講句話都有分量D, 又順耳D. (有無會費減免?)

每日返工, 見到雞尾仔係籠中眼定定望實我, 有時係個籠度左右騰, 爬上爬落, 無非係想痴住我, 唔想我留低佢一個. 我果刻個心都好實, 好想放佢出來陪住佢. 但無辦法, 要返工, 要生活, 要食飯, 唯有留低佢.

凱克雖然無咁痴身, 但都好鍾意得閒無事飛上我身, 又或者爬落地走黎搵我玩. 所以, 平時都盡量推咗D無謂應酬, 寧願多D時間陪佢地. 畢竟, 朋友見唔到我, 佢地仲可以有其他娛樂其他朋友, 但我D雀雀見唔到我, 就等於無自由活動時間.

gwensoo

回復 188# kenness


我隻雞尾仔個籠都算大, 亦領養咗隻雞尾女陪佢, 但佢唔要雞尾女, 係要痴實我, 我都好無奈~~~

有天台係幾好, 可以俾多d空間佢地, 不過除咗冬天凍之外, 都要留意一下夏天會太熱, 香港地太多屏風樓, 唔係太通風, 就算有風, 好多時吹來既風都係熱風, 天台石屎好吸熱, 所以即使有遮陰設備, 都要小心雀雀係天台會中暑.

gwensoo

回復 190# gadgeteer


師兄隻雀好聰明丫!

我宜家無論幾忙, 每日早晚加埋都差唔多有三個鐘俾佢地出籠玩下, 我知要訓練佢地獨立, 我都好怕佢地太痴人搞到有情緒病. 養雀同養人仔一樣, 都係要一路養一路學!

gwensoo

回復 194# kenness

做大籠就加個浴池俾佢地, 天氣熱佢地可以去浸浴消暑. 九龍公園果邊你可以試下問管理員, 我諗佢地會答既.

gwensoo

回復 199# louisa20047


我都估到應該係鐵質問題.

但其實我想話, 我上網查過蘋果既含鐵量並唔係真係太高. 頭先又上網再查一次, 搵到個網頁, 大家可以睇睇.

http://www.cw.com.tw/article/article.action?id=5005183

另外，特別要提醒的是，一般人常認為蘋果、葡萄乾富含鐵質。
但成大醫院營養部主任彭巧珍澄清說：「這可能是基於顏色的聯想。其實，每100公克的蘋果或葡萄乾所含的鐵量都在0.5毫克以下，算不上鐵質的優良來源。」
- See more at: http://www.cw.com.tw/article/art ... thash.yOsMMj9C.dpuf

gwensoo

不過, 我唔係第一次聽人講唔好成日餵蘋果俾雀雀食, 之前一位雀友話佢有個朋友係海獅公園做, 佢朋友就話唔好成日餵蘋果. 我當時聽過下就算, 無好認真去查資料.

另外, 又有位雀有話唔可以餵檸檬俾雀雀食, 但我屋企2隻凱克好鬼鍾意食檸檬, 搞到我都唔知餵唔餵好. 因為, 我係網上搵唔到相關資料. 唔知有無師兄可以賜教?

gwensoo

回復 202# louisa20047


我又估下會唔會係草酸鈣太高引致腎結石?

我無乜呢方面既知識, 純粹估下. 不過無論如何, 我都會注意, 盡量俾多D唔同既水果佢地食, 唔好淨係食蘋果, 就算唔講健康問題, 日日食同一款生果, 我又悶, 佢地更悶.