gwensoo

其實,  1歲大既小朋友可以餵, 4歲大既小朋友亦可以餵, 十歲大既小朋友都可以餵, 你有時間有閒情就得.

我諗, 最好唔好俾鸚鵡控制你, 佢地好醒, 知道點樣食住上....

4個月大正常應該識食野, 我隻凱克買返屋企時都話4個月(不過我覺得唔止, 因為食野好叻完全唔駛餵).

學主席話齋, 早晚一餐奶糊乜都夠, 中間肚飯自然識得自己搵食. 又, 野外雀鳥其實都係早晚搵食多, 中午時段通常瞓覺同玩.

gwensoo

所以, 你咪俾佢既叫聲同眼神控制住囉......佢地好醒既~

我自己未試過, 不過正常4個月早晚一餐奶我就未聽過有人餓死鸚鵡. 但我未聽過又唔等於無發生過, 所以你自己考慮.

又, 肚仔唔餓, 又點會有學識野既動力? 當然有D好獨立既BB雀, 就算你想餵, 佢都唔肯俾你餵, 係都要自己食, 每隻雀既個性都唔同....

gwensoo

回復 9# Henryho1121


我無養過雀B, 所以真係唔敢亂講, 就算我養過雀B, 唔同種既雀都有唔同既戒奶時間, 就算係同一種既雀B, 每隻雀B情況都唔一樣, 好難一概而論.

我只係聽好多雀友話, 4-5個月就快戒奶既雀B, 一日2餐奶就得, 亦無聽佢地話咁餵會餓死隻B.

都係果句, 如果你有閒情有時間, 可以餵足佢一日, 又唔介意佢依賴你唔肯學食野, 咁咪照自己方法去做囉, 真係無問題架喎. 如果你要返工無時間, 咁最好既方法就係一日2餐, 中午等佢自己試下學下食野.

你驚佢唔夠飽, 其實好簡單, 早晚磅一次, 食前食後又磅一次, 掌握佢體重, 就知道佢食野情況得唔得. 我D凱克同雞尾都將近1歲, 我日日磅佢地, 知道佢地一餐可以食幾多克食物, 食多食少, 肥咗瘦咗, 心中有個底, 唔駛估估下.

gwensoo

嘩, 邊間店作咁大丫? 睇頭果2張相當然唔可能係4個月啦, 毛都未出齊.......

最憎呢D咁既店, 作到離晒譜, 如果主人真係信足佢話隻雀B識食糧, 咁咪分分鐘餓死隻雀B? 好彩樓主有繼續餵奶, 如果唔係隻B有衫長褲短, 我都會過意唔去, 因為我都叫過你幫隻雀B戒奶或一日只餵2餐, 簡直係罪過丫!

gwensoo

回復 42# Henryho1121


咁我怪錯店主了.

你張驗DNA既報告可能係流野, 或者係同其他報告溝亂咗, 因為時間非常唔合理....

我隻凱克仔既DNA係台灣 Amazon Forest 驗既, 只有證書日期,證書編號同腳環號碼. 其他資料係空白既. 當時我問店主隻凱克仔幾個月大, 佢話4個月, 好明顯店主以為證書日期就係出世日期....

所以我當時估隻凱克仔至少5-6個月大, 因為出世到有毛都至少30日, 將時間加上就至少有5個月大. 最緊要佢自己識食野, 寧願買成年雀都唔想買雀B, 所以年紀大我都無所謂.