lb 病了

彈頭

我隻lb 病了 (應該係感冒)
仲肯食糧，但成日訓!
應該食hk333 定去銅鑼灣睇病?
尼啲病，大約要幾錢?

彈頭

決定聽日早上去銅鑼灣睇!
因為病左兩日了!

彈頭

醫病DAY 1

今日係QQ 病的第3日, 咀已變少少黑, 扒係棲木上!!!
唔見佢有食野!! 頭卷入背上訓教!!! 心知不妙!!
今朝同LB (QQ) 去左CWB 動物醫院,
過程:
10點準時去到首先拎左去氧氣箱,
話佢好嚴重(我認同), 過左一陣間後,
叫我入去睇睇佢, 即場醫生幫佢打左支針(維他命),
再繼續放入氧氣箱, 又話要驗野,又話要留院,
又話未必救得返!!
不過,我都明白醫生都要搵食!!!
佢講野,我左耳入右耳出!!!( 因為琴晚凌晨1-3點爬哂相關文章,知佢地會講乜 )
最後, 我覺得佢地係存心想搵銀多過救佢, 所以我決定拎佢走!!
當同佢講我決定拎走,佢地話不如比佢安樂死,
都係果句啦!! 留院你地就醫,拎走就話比佢安樂死!! 真係吹脹!!
其實,我覺得QQ 生命力仲好強,  佢唔想死!!
見返佢果陣,,唔知係唔係吸左氧氣同打左針!!!
感覺精神左!!!
我覺得佢仲未到絕望的時候,拎左去比妹姐睇睇!!
買左支藥!! 妹姐既語氣比我覺得QQ仲有得救!!
拿拿林返家!! 過左3個鐘後, 首次喂藥!!!
再過一陣, 喂奶睇下佢食唔食!! 食左8-10ml 奶!!
我覺得係好既開始!!!  起碼肯食!!!
睇返D便便,,,,已經冇咁水, 有返D 形狀出黎!!!
毛已經冇咁鬆.....頭唔再卷埋訓教!! 企返直係棲木中!! 冇再扒底!!!
仲會同樓上唔知幾樓隻LB , 互叫下!! 雖然次數唔多!!!
而家喂藥前一個鐘都會喂左奶先!!! 等佢有氣有力!!!

人生第一次帶寵物睇獸醫後感:
獸醫唔係唔好, 但唔好全信!!!
當佢話想為你隻寵物安樂死,
自己應該諗下真係有必要嗎?
定係,佢地想嚇下你,令你比隻寵物留醫?
如果個主人真係比佢嚇親下肯比佢安樂死,
大家諗諗, 醫生想賺銀定真係醫雀!!!
點解唔留院就會安樂死...............

同間醫院玩左2粒鐘,,, 好似冇做過D咩 !!! 埋單 $5XX (仲差D比佢專業知識拋親)

以上是個人感想

彈頭

個醫生叫乜名?
carolee 發表於 2011-6-21 19:57

Dr.法蘭 ! 個個都話佢ok! 所以睇佢!
失望

彈頭

我上網睇過好多POST
十居其九係罵獸醫搵銀多過醫雀/小動物
至於獸醫"建議"做安樂死
你係第二個(我指我睇過)
第一個都係鸚鵡(好似都係LB)

認真講句
我信"久病成良醫"
我寧願相信一個有人性嘅雀店老闆多 ...
louisa20047 發表於 2011-6-21 20:02

一個日日對住鸚鵡同一個睇書既人!
相信大家都識揀!

彈頭

銅鑼灣市黠仲以為好D..其實都唔係好信得真係-__-
Jill 發表於 2011-6-21 20:02

不過大家想攞下經驗都可以去下 !

彈頭

明明冇病話重病
之前果隻雀只係嚴重缺鈣
搞到身體出問題
但係個醫生就根據佢D"專業知識"話隻雀病得好重
冇得醫
叫佢不如安樂死
等雀雀唔好咁辛苦
主人唔肯
帶去俾D有經驗雀友睇
先執返條命
louisa20047 發表於 2011-6-21 20:21

如果安樂死真係死得唔抵!

彈頭

今晚好關鍵，如果挨過今晚應該會有好轉!
今晚唔訓睇住佢!

彈頭

LB 好D未呀,希望佢快D好翻，妹姐是誰，比左D 咩葯LB食呀，可否分享下
win_hk 發表於 2011-6-21 21:35

好左啲，但仲係弱!
妹姐，我岩岩先認識佢!  等其他ching 介紹佢!
隻藥係抗生素!

彈頭

要給它暖, 之前, 其中一隻 LB 病了, 會一天數次將它放於手中, 好讓它於手溫中小睡一小時, 因知道它身體很弱及很怕冷, 日間它有另一隻 LB 長時間貼身用鳥身抬起, 不使病 LB 暈倒, 吃 HK333 and milk, 第三天, 開始好了 ...
scl 發表於 2011-6-21 22:28

我都係盡人事!
最重靠佢自己挨過尼關!
喂藥! 喂奶! 保暖! 做齊

彈頭

樓主有主見，是值得讚賞的，不會怨天怨地，始終我們不是當事人！
BABYPAPA 發表於 2011-6-21 22:55

我同女友一齊去的， 當時佢已經比法蘭哥專業知識抛親! 已經有淚痕!
如果佢自己同lb 去， qq 一早上天堂了! ( 她事後認真跟我說的)
佢話大事你尼決定，因為咁qq 而家仲尚存人間! 岩岩仲聽到佢叫一兩聲!

彈頭

希望大家，當愛鳥還未到最嚴重時( 即雙目合上，但仲有微量呼吸時),
盡你能力， 救救佢!
即使要死，佢都希望死係你上手，而不是死係獸醫支針上!

彈頭

希望佢快D好番!
小達摩 發表於 2011-6-21 23:47

謝謝祝福!

彈頭

祝盡快康復~~~
sodagreensimon 發表於 2011-6-21 23:52

丞你貴言!

彈頭

d雀生命力很強,你的lb一定會好快好返
wendy2307 發表於 2011-6-22 00:24

只要QQ 唔放棄，我無理由放棄!
希望會好返啦!
聽唔到佢叫真係唔習慣.

彈頭

好懷念比佢咬既日子!
好懷念比佢嘈到我發癲既日子!

彈頭

我咁多年見D人帶鸚鵡去睇醫生~睇親都講幾多千~我見到都肉"呎"

以下只是個人分享~與事實必定不同~必定是錯的做法~只是個人分享~不是叫人跟隨錯誤做法~大家睇下好啦~

我從未帶過自己鸚鵡去睇醫生~朋友就死的鸚鵡 ...
風中飛鸚 發表於 2011-6-22 10:37

同意! 但獸醫亂咁黎生存率50% 咁高? 又要打針，又要插喉喂食!
我方法係用左一個細膠籠做保温箱，
箱内加一個平時叫外賣用的碗!
我測試過，注滿熱水再蓋!
碗外是暖暖地的，一啲都唔熱!
保温仲可以8 小時後仲暖的!
因為蓋面比較薄，所以可以加張布仔! 防止佢企上去!
今朝喂奶，我女友話已經比昨日活躍，喂奶時已經識踢走隻手!
好事來的，起碼有力左!

彈頭

醫病 DAY2

今日QQ 差少少就byebye啦!!

我女友今早8點如常起身喂奶喂藥!!!
食完放返入籠比佢休息!!
佢繼續訓教..........直到12點女友打比我qq 坐左係籠底,腳申直,,頭側埋一個,合埋眼, 呼吸好重!!
我馬上飛去佢家睇睇咩情況,心諗應該都差唔多果頭近ga啦!!! 因當時情況比想象中差很多!!
大家都知,當鳥類就byebye的時候,頭部會轉左去後面!!
可以話係3分2隻腳隻踏入死亡......我地不停叫佢個名.....佢打開隻眼望住我地!! 但睇得出,佢好努力想企返起身!! 大停郁動個身!!!
因為當時都覺得佢9成9會byebye ga啦!!! 所以準備左一個大禮物盒比佢!!!
我地放哂佢最中意食的雀叔同火麻仁係底!!! 同佢最中意的秋千......之後放埋佢落去!!!
因為當時佢仲有呼吸....所以冇蓋上盒蓋!! 連禮物盒放佢入膠籠!! 諗住比佢靜靜地咁去,所以我同女友落街食少少野!! 比大家冷靜下!!!

一個鐘後返黎,諗住應該都差唔多時候...幫佢蓋棺!!!
行去睇睇, 點知qq變得眼仔碌碌,生孟左少少, 係到食緊d 雀叔,,,,我見到有殼.....
即刻開少少奶比佢食下(用針筒喂),  食左少少,,,喂埋藥!! 放返入禮物盒入膠籠!!
過一陣聽到佢食緊雀返d聲(雖然唔佢佢有冇食落肚,但會一直照喂奶!!
個頭都冇再側埋一邊,,,正常返!!! 不停搵雀叔食!!
到左4-5點,,,情況同今朝相比有好轉!! 同昨日比差左少少!!

不過,以今日既情況, 都預左大壞打算!!!

彈頭

都係果句 , 人夾人啦  唔同獸醫唔同做法 , 同一句說話 同一個做法 唔同主人睇出黎唔同感覺
但記得 , 既然選擇交得自己隻動物比個獸醫或者鳥店店主或者依自己任何方法去做 就要為自己決定負責任
最後祝QQ 往返日子身 ...
小草妹 發表於 2011-6-22 19:36

其實，應該咁講!
如果雀岩岩出現好初期病徵，我相信獸醫會幫到你!
如果已經去到災難級別， 獸醫都難救，不如自己試下!
所以獸醫唔一定唔好!

彈頭

已作最壞打算!
直到佢byebye, 我先再報告!
無最新消息即係好消息!
謝謝大家