to 飛鸚主席

飛鸚主席我有問題想問你，希望你能幫我解答

我有一隻黃化雞尾超細膽的，在四個月前買，買佢既時候巳經係二手成年雀，買的時候巳有輕微咬毛現象，但係到而家都無改善，什至覺得有少少嚴重左，其實佢好想人鍚，但就係因為佢太細膽，少少風吹草動都會成隻彈起，所以上手後比唔比我摸都係由佢決定，有時就摸好耐都得，仲好 lum，有時就上手好耐好耐都唔比人摸，我試過比唔同既玩具佢，但係佢只會玩 d 好輕既銀色鏈，但又怕佢玩得多會中金屬毒，其他玩具佢一見到就會即走，真的拿他沒辦法，咁我想問

1 . 如果幫佢搵個老婆，唔知會唔會對佢有幫助呢 ?
2 . 如果有，我應該可以點先搵到個佢喜歡既老婆呢 ? 係唔係要拎埋佢去搵呢 ?我點先知道佢鐘意邊隻 ? 對方又鍾唔鍾意佢 ?
3 . 如果搵老婆係無幫助，我有咩可以做呢 ? 我又無錢同佢睇獸醫

jinrxsx

新手上路

Rank: 1

2^#

發表於 2011-9-30 20:44 | 顯示全部帖子

本帖最後由 jinrxsx 於 2011-9-30 20:53 編輯

以我估計佢前一手主人都係因為佢咬毛先唔要佢 ... 如果動物都有公立醫院就好喇

TOP

jinrxsx

新手上路

Rank: 1

3^#

發表於 2011-10-1 17:06 | 顯示全部帖子

本帖最後由 jinrxsx 於 2011-10-1 17:29 編輯

咦...主席仲未得閒上網???恕我多咀講先,其實佢咬毛都係同情緒有關,可能之前個主人無時間同佢玩.你唔好咁心急,諗住咬毛可以在短時間內解決,你比D耐性,嘗試多點同佢玩同溝通啦.但當然是一直保持下去,不要3分鐘熱度.如果 ...
vanessachan 發表於 2011-10-1 13:33

其實我都唔係好肯定佢係唔係咬毛，佢翼下 d 毛有禿 (起初我以為是黃化的缺憾)，禿個到 d 毛時多時少，但禿個 d 位就無血無發炎，掉下的毛都無血，佢梳毛既時候梳得好大力，會梳到叫，好似好痛咁，起初既時候我都以為佢係換毛，但係佢係最早有毛掉下的一隻，而家其他三隻都換好了，但係佢仲係每日都有十條八條在地上，所以我開始有 d 擔心佢係咬毛，佢好似好寂寞咁，但係我每日其實最少有 9 小時係陪住佢地，我絕不是三分鐘熱度，這一點你可以放心 ^^"，曬太陽方面其實天氣好一出太陽我就會同佢地沖涼曬太陽，因為我是住村的，行出門口就 ok，好方便。玩具方面佢除了銀色既鏈其他玩具佢都會掉頭走，我都試過好多好多唔同既玩具，就算放係到兩個月佢都係唔玩。我在爬文的時侯知道主席是這方面的專家，所以才注明是找主席，其實大家有咩好意見都可以發表，盼望有能之仕能夠幫到我，睇獸醫的話我真的負擔唔到，同埋佢既情況又好似未去到要睇醫生的地步，其實幫佢搵個伴侶會唔會有幫助呢 ? 請大家提供意見，謝謝 !!!

就咁睇佢係完全睇唔出的，佢唔肯打開翼比我影
[local]1[/local]

附件: 您需要登錄才可以下載或查看附件。沒有帳號？註冊

TOP

jinrxsx