屋企隻中葵一個星期前開始咬毛.....

中葵花鸚鵡

我係養大鸚鵡新手 屋企隻中葵一星期前開始咬毛
初頭幾日咬得都唔算好勁 但早幾日心口同腋下 仲有頸附近都有咬毛情況
而且仲有發炎同幾個傷心位出血...
(PS:我照鸚鵡店教我用雙氧水開希幫佢消毒消炎,但情況都係差唔多...)
我亦都睇過好多post同網上搵資料 咬毛有好多成因...
我逐步排除都仲未搵到原因><...見佢日日咬 好心痛
又諗住帶佢睇獸醫 但見好多網友都話唔好....
又噴過抗拔毛劑都冇用...最驚佢有虫or有咩菌
佢有嗜水,冇乜胃口(keep住食平時食量8成),成日想訓唔太精神,放佢出黎玩都冇活力
同有腳震 震到單腳企都企唔太穩.....鸚鵡店淨係教我幫佢帶頸COOL同噴雙氧水
但我見冇好轉 希望各位幫幫手 幫小弟諗下辦法 跪求大家>_<

中葵花鸚鵡

多謝大家咁熱心 暫時有事處理中 一小時後詳細回覆 唔該晒大家幫忙><

中葵花鸚鵡

我隻中葵養左4年半了 2年前試過一次拔毛 係心口拔左一小個洞仔(PS:5毫子咁上下大 冇流過血)
而今次唔係拔毛咁簡單 直頭有晒傷口 有發炎 拔毛既範圍好大 (約1/3心口 1/4兩翼 同少許頸部)
而我最驚既係佢有幾個位日日咬到出血(出血量大概人吉手指驗血糖咁上下多) 仲一達達損晒同發炎情況
第一日見到有傷口就用雲南白藥幫佢涂 第二日去問鳥仔鋪佢就叫我用雙氧水開希噴可以消炎消毒
(PS:2樓位師兄點解咁講呢 不過我都係用雙飛人藥水開希幫佢噴...)
我擺隻雀既環境都係乾淨 飼料日日換 水都係 寵底紙而家仲日日換 以前唔熱時就3~5日不定 視孚多唔多臭臭
隻雀心理方面 基本上我屋企人+我日日都同佢玩(PS:放佢出黎飛 R痕等 佢都好開心 有時仲開心到叫 樹起晒冠)
直至早一星期前開始咬毛佢就冇咁好活力了... 有冇邊位師兄可以俾d意見我 教下我點做...
同埋我真係唔知拎唔拎去大圍睇獸醫好...最驚就係d醫生錢照收 亂開藥又亂打針><
唔該各位幫幫手...

我而家囉相機影D相 post上黎 請大家幫下眼 教我點做

中葵花鸚鵡

會唔會係缺乏礦物質同微量元素?
你養左佢幾耐?
食物有冇多元化?
佢羽粉多唔多呀?
佢D便便正唔正常?
有冇見到有D黑色點點係D毛度走黎走去?

你隻雀有以上問題
可能係有病/蟲所以先咬毛(身痕)
如果單純心理 ...
louisa20047 發表於 2011-6-25 23:20

1: 養左4年半
2: 有雜糧 瓜子 基本上屋企每次食飯都有俾人食既野佢 不過都好清淡 但呢幾個月日日都有俾餅乾佢食
(半塊) 我都驚會唔會係佢食得多鹽而有皮膚病...
3: 羽粉正常多
4: d便便多水 墨綠色 尿酸色呈淡黃色(我都知便便有d唔正常...)
5: 今日睇過係有d疑似黑點 不過唔識旭既 佢成日咬黑色mouse墊同電腦椅黑色膠邊 未知係虱定係呢d膠(PS:聽日我會囉放大鏡睇下係咪虱)
6: 心理問題而拔毛可能性應該較低....

中葵花鸚鵡

9# louisa20047


louisa師兄而家得唔得閒 可唔可以打俾我教下我點做....
64795878姓李 我今晚都唔會訓架啦(因為聽日星期日)
有經驗既師兄都可以打俾我教下我點做 唔該你地

中葵花鸚鵡

頭兩張係開始咬毛既頭幾日


呢2張係岩岩影...

中葵花鸚鵡

SORRY
睇唔到
louisa20047 發表於 2011-6-26 01:52

13樓有相了 幫幫手><

中葵花鸚鵡

綠綠灰灰果D係咩黎?
仲有D毛點解顏色會怪怪地?

你最近有冇同佢出過街?
因為我覺得佢最有可能係有寄生蟲/金屬中毒
louisa20047 發表於 2011-6-26 02:03

你話綠綠灰灰個d應該係傷口發炎 黃色既結招黎...
我由養佢個刻到而家都冇帶過佢出街
寄生蟲就真係唔知啦  因為佢冇咩接觸到金屬 金屬中毒都唔係好知><

中葵花鸚鵡

其實你不如帶佢去睇下獸醫
起碼知道係有寄生蟲,皮膚病,金屬中毒定其他問題先
louisa20047 發表於 2011-6-26 02:19

其實早4~5日到我都諗住帶佢去大圍睇
但又係呢度同其他討論區睇過 好多人帶去睇獸醫 點知過幾日就死><
仲有d網友話靠獸醫不如靠雀鋪d人 起碼見雀多過d所謂既獸醫....
我去個間雀鋪又話帶過10隻8隻雀去大圍 結果全部都死晒...
唔帶佢去或者可能佢咬多一排無事 帶佢去我又驚真係出事.....
點算

中葵花鸚鵡

佢個籠,接觸到嘅野係咩質地?
你最近有冇D咩改變
俾D咩新野佢
會唔會有可能同野鳥接觸過
louisa20047 發表於 2011-6-26 02:24

佢個籠由2年前換左呢個籠到而家 全部野都冇變過
新野都冇俾過佢
同野鳥接觸更加無可能 因為住樓 室內....

中葵花鸚鵡

問題係佢會出籠玩
會唔會佢出籠玩果時
咬左D咩,吞左D咩
louisa20047 發表於 2011-6-26 02:31

都有呢個可能 因為佢出黎玩都會落地 有時見地下有野都會咬或食><

中葵花鸚鵡

如果你打開窗
個籠又係窗邊
佢都係有機會接觸到嫁
louisa20047 發表於 2011-6-26 02:32

只可以講極低機會 佢籠係廳中間 出黎玩唔會走去窗度...
同埋你有冇msn 不如msn傾 add我 magazlnes2003@hotmail.com 唔洗係度傾咁辛苦

中葵花鸚鵡

其實我覺得係討論區講比較好
因為多D人見到
可以集思廣益
宜家夜左
明早多D人見到就會有多D人回你POST啦
louisa20047 發表於 2011-6-26 02:42

我都係心急姐 我都知夜晚冇乜人回POST 見佢傷口一日差過一日 呢幾晚都訓唔到...
其實你會唔會建議我帶佢睇獸醫
同埋你有冇帶雀睇過獸醫 或者你有冇雀患過咬毛症 分享下><

中葵花鸚鵡

我有一隻雀有輕微咬毛
不過係心理病
louisa20047 發表於 2011-6-26 02:49

我個隻以經唔係輕微架啦 前面都有相睇 損晒又發炎...
口心比起對翼仲傷得勁   聽日都係帶佢睇下醫生...

中葵花鸚鵡

我有帶過隻灰鸚睇獸醫！不過唔係大圍而係荃灣沙咀道！
sabob 發表於 2011-6-26 03:05

咩事要帶佢睇 同埋醫唔醫得好 獸醫醫術如何...
唉好亂丫..... 都係早d訓 聽招起身同佢預約睇醫生 唔該晒你地咁用心回覆

中葵花鸚鵡

多謝大家咁關心咁熱心咁幫我 岩岩打左去大圍話今日full booking
預約左聽日5點 希望真係醫好返啦><

中葵花鸚鵡

只中葵有無去睇醫生, 而家情況如何?
bird-bird 發表於 2011-6-30 00:16

早幾日帶佢去左大圍睇啦 獸醫話佢有嚴重發炎同皮膚病 仲有d情緒病
佢講完病情就叫左獸醫助理囉張表俾我報價我睇 X光 驗便便 驗毛 抽皮膚組織 住院 餵流質食物 餵飼費等等.....
加埋$3400(未包括 藥,同每日住院費315每日...)姐係加加埋埋起碼4千幾5千up.....
我一話我要考慮下先 獸醫助理翻譯俾獸醫聽(我英文唔好) 佢唔洗3秒洗出左房 咩都冇講=.=
跟住助理即刻話 "咁你出返出面考慮下先 我地仲有好多客人等緊用房"  個刻既感覺真係覺獸醫診所同金錢真係掛帥 NO MONEY NO TALK 同屋企人商量後都係決定搵鸚鵡店幫手 出去買左拔毛消炎噴霧同口服抗病強免疫力藥 呢2日發炎退左d 精神好左好多 活動多左仲多左講野 後日得閒應該出去鸚鵡城搵老闆幫幫手睇下隻雀(話說鸚鵡城老闆養過唔知幾多百隻鸚鵡 仲醫好返好多有問題既雀)  多謝關心^^

中葵花鸚鵡

多謝大家關心 而家隻中葵活潑左好多(約之前既7成) 發炎情況同皮膚一路好緊 冇成日"發牛豆"
呢2日開始多返梳毛 5日前開始俾隻Avicycline C既抗生素佢食 仲有每日噴2~3次消炎噴霧

嘩,你睇大圍邊個醫生,住院貴左咁多....
vanessachan 發表於 2011-7-2 19:14

Dr ZOLTAN SZABO <== 呢個 一日315 仲有半日住tim=.=