cheerios

先恭喜你加入凱克行列，凱克非常好玩，靈性相對特別高（唔係只有我，幾個養多隻鸚鵡嘅凱克主人都咁講，包括onon）

因你的post可能有其他新手睇，想先幫賽仔平反，喺雀街睇到嘅賽仔好惡，因為質素參差，冇腳環嘅懷疑野雀都有得賣，樹樹有好多會員養賽仔，他們都非常乖巧。加上賽仔相對非常寧靜，很適合新手飼養。

再要講講黑頭同金頭，當所有外來因素一樣（例如：同一繁殖場），他們在性格上卅馴養上冇乜分別，呢個話題已在外國論壇討論無數次，亦被繁殖場主印證。店舖咁講，可能只不過佢地咁啱冇黑頭.  

中肯的說話不能只講優點。 凱克非常霸道(大左你就會知)，不能同其他雀及人分享食物。  有會員的金頭曾經打死體型相若的其他鸚鵡。 季節性發情時的凱克可以非常惡，喺外國，養左幾年好乖，突然有一日變惡咬爆嘅求救個案多如繁星。

凱克特別鍾意玩foot toys，比多啲佢玩