灰鸚亂叫問題

大家好，本人早前購入一只灰鵙，回家大約兩個月了，我的灰鸚叫犀利哥，依家大約9個月大，犀利哥返到屋企好快就可以比我摸同用手餵佢食野，都上過下兩三次手，佢唔係幾怕我，但近來就成日亂叫。

當我坐係sofa時，佢好少會叫，只係自已玩下玩具，行行企企，但當我離開廳走入房，總之佢見唔到我既時候佢就會不停叫，當我走回廳時佢又會停止，我已經唔特登比佢覺得我會因為佢叫而走返出來，但有時我只係入一入房去一去toilet又好難攪。

當佢叫既時候我已試過用布將個籠傘住，傘住個籠時佢唔會叫，但當我拎開塊布，佢就一樣我唔係廳就叫，夜晚熄左燈佢都唔會叫，但一早7，8點就算我比左野食佢，但我繼續訓佢都會叫，我只好用布傘住個籠。

咁多位師兄，請問有咩方法可以解決犀利哥亂叫既問題，定係我有啲咩做得唔夠或唔好呢？謝謝

btw，想問下師兄們，我試令犀利哥上手，佢有時會有一隻手捉住我手指用口輕輕咬咬我，但另一隻手又會捉住其他野，我試過推高佢個身佢都唔肯，我係咪應該捉佢出籠，定由得佢繼續慢慢教佢上手呢？謝謝