雀街十六兩有好多灰鸚bb

gilgil

我今朝去有十幾隻灰鸚bb，佢肯4xxx一隻，其中有隻好為食，未戒哂奶三四個月大。仲有一隻藍金剛同四隻大白…
四隻大白好得意，兩仔兩女，我買左一對二萬x，唔知價錢合唔合理呢？
阿十六兩好快比理張入口紙我睇，所有雀前日先到步…點點點.,全部三四個月大，我中哂d大白bb毒，實在太難忍手

gilgil

我都好希望佢地身體健康，開開心心…
因為之前實在太多悲慘經歷

gilgil

我果隻落左三千訂，冇比哂錢，有記號同抄底環number，有開單，佢話好好照顧佢，我本來話同佢磅理重，不過佢成身汗又未得閒，佢話得閒同我磅返喎
多謝你既提示呀會長，今日一見佢地實在中哂毒，好精靈架，我家陣一路偷看佢，佢食緊合成糧，我唔敢嚇親佢，唸住佢住一晚聽日先磅佢，好嗎？[img][/img]

gilgil

[img][/img]
佢家陣不停講外星話，羊咩叫，食野！同之前果兩隻好唔同！好得意呀！

gilgil

明白啦會長，我都有考慮會爭寵呢個問題，我聽日都想接佢返屋企，其實唔取係因為新既地方未準備好，佢而家個籠新買的，放的地方我放佢之前已用火酒抹淨同吹乾哂先放佢，我係怕佢地太迫新既地方未ready所以先取一隻，等做好個新籠同個地櫃過兩星期都送到黎就即刻接埋另一隻。我本來想買一隻先架，我先生話反正都想要一對，另一隻又都好得意咪買埋比訂先，叫佢幫我養住。因為初時唸住兩星期，咁我係咪應該接埋佢買住多個細籠先好呢？等接埋又好唔好放下佢地一齊呢？如果係我聽朝去接埋佢返屋企，我都唔係好想放係果度。
至於佢地對翼，十六兩已經剪左。
放心我會好好照顧佢地，經過你既教導，我會更加小心同觀察！
非常多謝你，鸚鵡之父！

gilgil

9# vanessachan

佢原本開價萬三，講講下價就一萬x，之後一對買就二萬x，我都係靠講左會長話可以平d佢先肯平比我，真係多謝會長之前既講解。

gilgil

11# cccyan0105
我初時唸住兩個幾星期呢個問題會唔大，畢竟大家都仲細，而家越講越心羅羅亂，都係聽日去接埋返黎，但各自一人一個籠先都唔會有呢個問題架？最多比佢地見到大家，放埋一齊太少空間啦，又未有大籠住…聽會長講完，知道頭先帶哂返黎啦！

gilgil

13# 風中飛鸚


明白哂啦，聽朝一早去接埋佢，仲有我想問下我放佢地係廳，有開風扇唔開冷氣，怕唔怕風扇吹到佢地呢？十六兩教我喂三支糊仔比佢地，係咪都夠？一支大概十鬆ml，我見佢好肯食瓜子同少許混合糧，喂到佢唔食係咪都夠呢？仲有我頭先買果塊籠布都幾薄，蓋住吹到風扇會晤會有間題？
仲有係咪一樣都飲得glucose water？我都係加少少

gilgil

我隻發bb唔肯食奶呀，起勢走圍走，食到四處係，好惡呀，我好少好少咁半個鐘先喂到一支，死都唔肯食。後來捉佢出黎磅重有20.65oz但捉過佢同逼過佢食奶之後，佢一返入籠就狂伸上伸落個頭同腳推上推落，見到我就翌起個冠，又大叫幾聲，係咪發我脾氣？仲狂想咬我，死啦佢會唔會記住我架…好驚呀！不過佢就有食過幾粒合成糧同三十粒瓜子，仲駛唔駛喂奶？定聽朝先喂呢？救救我呀…

gilgil

但係佢好難喂，一見支針筒起勢走，又咬又閃開…正常嗎？佢重有今日既大便成篤糊仔咁，係咪消化不良？成大篤仲要大半日先一篤…如果佢唔肯食奶您係咪捉佢出黎包住佢喂？會唔唔chock到佢肺炎架？佢爭扎得好厲害…
重有係十六兩果度已經食開瓜子，我聽日唔再比佢食，佢肚餓可能會冇咁抗拒d奶？
條頸拉上拉落得好緊要係咩意思呢？
我夜d仲喂唔喂奶？定聽朝先喂？救救我唔該…
隻奶係kaytee exact會唔會唔岩食？

gilgil

仲有佢地已經周圍玩周圍爬，四個月已經好有力，唔似bb相入面d bb，…

gilgil

昨日終於一對返屋企，好溫馨又好恩愛，點知喂完奶抹靜個咀發覺燒賣（男仔）佢個咀潰爛，同埋冇力咬糧同瓜子，蝦餃（女）剝埋喂佢都食唔到，會唔會真係未識食呢？後尾我送返比半斤（店），佢即刻比返錢我拿去塗藍藥水，佢又唔知係先天有缺陷定運送時傷左，我同蝦餃都好心痛呀！佢收我五十蚊一日話包一星期後識食，我都唔想冇左佢，但一星期期後食唔到點算…，唔通我要放棄佢？定由佢賣比第二個？如果真係先天缺陷佢會唔會永遠都要靠喂奶呢？好頭痛呀，點解次次都緊有問題架…
好彩蝦餃無左燒賣冇咩情緒低落，唔您係就…佢見我喊仲識錫我添…

gilgil

大隻d既係燒賣…左面，會唔會真係連瓜子同香蕉都會未識食呢？但識叫肚用針筒喂糊仔又好肯食…頭痛！

gilgil

我見佢好想放入口食架，但一入口想咬就放口由佢跌，會唔會有機會好似人類咁內上顎未遇合呢？仲有佢雖然外形大隻但仲輕過蝦餃架。

gilgil

我見佢好想放入口食架，但一入口想咬就放口由佢跌，會唔會有機會好似人類咁內上顎未遇合呢？

gilgil

佢已經比返哂錢我喇，不過佢亦願意唔賣住，幫我照顧一星期，如果呢星期後可以自己咀嚼就會先賣返比我，我有話同佢比獸醫睇，佢死話塗藍藥水會好返，好唔到先睇。
"會唔會有機會好似人類咁內上顎未遇合呢？"
鸚鵡上下顎不能完全閉合, 係好普遍及正常.
首先多謝你詳細既解答，我指既唔係上下咀既閉合，係嘴裡面的內層先天性未埋好，所以唔可以用力咬硬野，佢前嘴可以用力咬住籠支，個放入裡面，好似手指或糧食就唔會用力咬。所以我估好似人類天生內上顎兔唇咁根本出世時都未愈合所以用唔到力，我唸要同佢照x-ray先知。佢真係好乖好靚，只係有缺陷。
如果好到，要我喂多半年奶都冇問題，只係唔知短暫定永久…半斤一見到佢有問題就搶返即刻比錢我話自己一定醫好佢，又見我好唔捨得拆散佢地就肯約我星期日見佢識到野就先賣返比我，食唔到就話自己留返做生招牌，有冇可能會咁呢？我唔係懷疑佢既好心，不過如果只係見佢肯食到瓜子係咪都證明冇問題帶得佢返屋企呢？不過，我都會帶一帶佢睇獸醫檢查下，真係有問題就比返佢，冇野就安心等佢慢慢戒奶，磅住佢體重，正確嗎？

gilgil

同埋講漏一樣野，就係佢係好想試食野，佢有努力試食，每種糧都只係放入口想咬就又放底，我係拎蝦餃出黎喂，得返佢只己係個籠度果陣就自己試，係（佢已食飽奶），同我比香蕉佢食佢都好想食，但一咬拉開時又即刻放口，所以我先估下會裡面有事，因佢咬佢籠支係非常有力架，傷口又係咀外，先至奇怪。

gilgil

我訂做緊個大籠，但未送到貨，要多兩星期。我真係唔知呀半斤點對d雀，我比佢睇埋咩情況，本想報定案講佢知有呢個問題存在，佢就即刻比返錢我堅持自己會醫好，叫我一係唔好要一係等佢，又話賣比第二個。
講真我係鐘意佢，但如果真係永久性好唔到既話咁點要呢？
至於睇醫生，我都好信任報告既結果，但佢地既手法就好難講…可能我太清楚。
但我買左佢一日發覺有問題，如果即刻帶佢搵peter，我唔計留院後既outcome先，但萬一發現佢真係永久既，做左咁多野又隔左幾日先比返半斤，你估佢會唔會肯要返呢？所以我先選擇先報案，可能個個做法唔同，同埋之前你講既做法我因為都試過，結果睇醫生幾千蚊洗左雀冇左，所以先咁做。
要怪都怪自己買得太衝動，未睇清楚就買，所以以後真係要小心check真觀察多幾日先好買，原來一兩日都已經可以好深感情。
我唔係懷疑醫生既知識，不過佢地都一樣講一套，做又另一套。舉個例：好似話要吊鹽水，原本話要靜脈注射，點知話喂到佢食幾粒瓜子同營養奶，但轉頭又嘔返哂，結果又唔吊鹽水，同皮下注射…可能醫雀同醫人好唔同，但為左要佢重小小就又改treatment但問點解要轉又答我唔到喎？但改左有冇好處呢？如果用係人身上我可以好肯定答你冇！重要係因靜脈注射困難過皮下，仲要係雀仔。但成效呢？就完全唔同，所以你話信報告，我一定會，但處理手法就令我止步喇。仲要我未同佢咁醫學口吻問之前就一個答案，留院後details d問就答既唔同哂。都真係怪自己冇好好觀察同心急就買之過，攪到傷心費時又浪費金錢。都唔知點解我要買隻健健康康既會有咁多波折。好希望而家屋企隻蝦餃會快高長大，同燒賣可以係醫得好既小問題可以接佢返黎就夠心滿意足喇！

gilgil

同埋佢個傷處係嘴外，佢唔係比佢食，係比佢塗，但外面傷口咁樣好唔好返就真係唔知…同外面傷口好左d但又咬唔咬到野又真係唔知…
我第一次養鸚鵡但計埋今次就有三次唔好既問題出現。第一隻咩都未識又冇磅重不過見佢識食識叫冇磅重但個半月就突然死亡。好傷心情況下我先生買過隻比我，我問多左養開既人要注意咩買左返屋企四口唔食體重減帶佢醫，醫完出黎仲差過未醫之前，結果都係…懷疑鸚鵡熱。到今次去第二間買過，原本佢話要個多月先有貨，我掉哂以前既物品，訂做個大地櫃同大箱準備好先迎接，點知又突然話有貨返，去睇中呢一對，但又有一隻出事，唉！好唔開心呀！

gilgil

louis, thankyou for your informations, and i understand more about the anatomy of parrot's mouth. so, it simply like serious viral infection. But is it possible's congenital defect, wound or not? if it sure of viral infection than it will treat under dressing or durgs after to see vet. I just want more confident to pick him home if i know it can recover. Also i don't know why he can bite the cage powerful, it's also painful too.
Or maybe something wrong in soft palate.