風中飛鸚

我觀察左24小時~"無可"同"奈何"真係極度唔想連體~個樣好冇心機~表現得非常無可奈何~

風中飛鸚

我已經問過louis~隻龜(我應該講對龜~要加s)已經出生一個月左右~卵黃早已耗盡~
十多日前應該已經需要自行進食~及應該已經排泄過~
連體動物最危險就係頭幾年~身體內的器官~只要頭幾年能合作運作~就能生存落去~
現在兩者間的接口正在收復~希望快d收得好~(現在是透明~看到內臟~)

風中飛鸚

現在俾我最大安慰~兩隻龜的大小相約~手腳有力~明顯各主兩手一後腳~不過生存機會都係好微~
而因為一隻連體成龜需要18000至30000元~要睇連得靚唔靚~
現在我買龜苗~實在九十死一生~(冇錢冇辦法~)

風中飛鸚

在底部~兩隻龜總有互相連接的地方~(變異根源)係唔正常的開始位置~(我想辦法搵人POST相~)

題外話~如果我有相機POST相~大把野睇~包睇到大家拍案叫絕~E家只有求路過行人幫我POST相~

講番連體龜先~其實係我一個多年寵物情意結~(七十萬個其中一個)我知道有時唔係買唔起隻動物~係唔"寫"得~例如50元買隻蟀~唔係冇50元~(係肉呎問題)~所以有見及此~而我有咁多情意結~我多年前已經開始儲一個叫做"緊急寵物基金"留黎同動物睇醫生~或者想買又冇錢果時用~我做左個盒~破釜沈舟沒有鎖~打不開~只有嚴重破壞先開到~每日將用淨散子放入~當然有1000元紙及500元紙~不過唔多~100元紙及20元數目都幾可觀~其他大餅5元10元銀更多不星數~粗略估計必超過一萬~今次連體龜本來估計要動用"緊急寵物基金"~因為一直搵都超過兩萬~直到SIMON搵到一隻6800~本來好開心~通街都超過二萬~
於是準備去買~點知店員話報錯價~係18600先至真~(咁貴我就唔買啦)~
最後SIMON在寵物節搵到一隻3000元~但必死或九死一生~(本來死亡率咁高唔應該買)
好彩我有位好朋友~支持我~願為我冒一半險~
大家知道我個人幾咁有義氣~而我朋友對動物一無所知~我提出一個方案~令他不會有損失~
就係佢出一半錢~萬一連體龜死左~我願意買番一隻原整巴西龜俾佢~
我再解釋佢知~你出一半錢買半隻連體龜~(兩隻的一半即係一隻啦)死左我負責買番一隻原整還俾佢~
佢聽落覺得我非常有道理~係萬無一失投資~於是俾錢我啦~

風中飛鸚

咁食野係咪兩個頭都要食
ching924 發表於 2011-7-19 16:51

現在最唔樂觀就係唔食野~
如果食野當然要兩個頭需要食啦~其中一隻死左或唔夠另一隻大得快~都會拖累另一隻死亡~
現在他們是連體~有兩份內臟~如果是雙頭~得一份內臟~可以單一個頭進食已經可以飽肚~
不過無論雙頭定連體~都唔能夠一邊死亡~

風中飛鸚

好核突呀
本身對龜已經冇乜好感,重要雙頭...
joankong 發表於 2011-7-19 17:53

唔係應該興奮咩?

風中飛鸚

1各有一對前腳~單一隻後腳~沒有尾巴~

2我早已經知道好易死~成龜二萬~龜苗二千~

風中飛鸚

咁抵玩?
養鳥新丁 發表於 2011-7-20 11:27

照數計成龜抵~因為成龜冇機會死~龜苗死9成9 ~

風中飛鸚

我仲有一招~將一半連體龜股份全都賣晒俾果個朋友~然後一次過賣兩隻完整巴西俾佢~就當一對連體交易完成~反正朋友都唔明乜野叫連體龜~佢只知道兩隻龜~(其實佢連巴西龜係乜都唔知~)

風中飛鸚

成龜1歲以上18000~兩歲又貴D~貴到6歲左右~

其實1歲已經安全~1歲以上死~原因係兩隻爭位生長而死~已經唔存在內臟運作問題~
到時又有另外變數~直到6歲左右~應該乜變異都能適應~所以最貴~任何組合角度連體都要3萬以上~

風中飛鸚

咁貴...我寧願買隻藍黃好過
養鳥新丁 發表於 2011-7-20 13:27

好多人話寧願用黎做家用好過啦~

風中飛鸚

現在連體龜實力太弱太細隻~我都覺得好大挑戰~
我會用盡我能力~希望有機會~但起碼佢要先開口食野~其他先有得攪架~

風中飛鸚

1連體龜苗100隻~只有一隻去到成龜~機會係百份之一~唔係冇機會~只係開口食野就可以玩耐D先死咁解~
我都冇諗過有運可以養到變成龜~

2我一早已經開始試~豐年蝦/紅虫/鮮蝦/蝦乾/龜糧~只係差焗豬扒飯未試~

風中飛鸚

2萬元買隻龜太貴~我真係唔捨得~如果檔主話1000元一個月~供到兩萬~我會考慮~

風中飛鸚

1昨晚開口食野啦~好開心~雖然唔係食得好快~總算有意慾去追~

2我都知道唔養得耐~養到機會極微~萬中無一~只可惜一個字~"窮"如果有錢就買隻2萬啦~

3亞COOL~我養左幾日之後~真係覺得2萬唔算貴~咁珍貴能夠存活~2萬係值~

風中飛鸚

風中飛鸚..............我認為你這新寵可以話系"不在乎天長地久,勝在曾經養過................."
anyway add oil......................

cool 發表於 2011-7-21 02:31

忘記左講~如果成功咪有~.........................





"無可"奈何"之生關死劫上下集~不斷在鸚鵡樹推出囉~

風中飛鸚

1在家中養~因為已經做好36"水龜缸~已運作~(有龜)

2起初"無可"先追~咬左一口~想再食~可惜"奈何"又想咬~(因為兩龜連體角度K型~兩隻一上一下~一發力就變成風車~轉個不停)好辛苦先食得到~我已經採用極多糧~隨口可得~唔洗佢地追餐死~

3情形就係越肚餓越食唔到~越發力就越轉得快~

風中飛鸚

如果"無可"奈何"丁左~我有機會考慮2萬果隻~

風中飛鸚

最可惜我唔可以POST相~如果可以~整個鸚鵡樹都生晒~

ONON應該考慮公費買部平相機俾我~求其影到就得啦~清唔清唔緊要~

風中飛鸚

雙頭龜食完3個鐘~換隻鑽龜~3秒食晒啦~點會浪費丫~我家任何糧都唔會浪費~是整整一條食物鏈~
非常原整~最後可以去杜比亞食~食完再回頭餵番蜥蝪~一D都唔浪費~