風中飛鸚

我同大家分享下~:就算香港繁殖BB~在我家出生~由我餵左3個月~交番俾主人~往往都會出事~
其實唔係我養得叻~係幼鳥先習慣左我屋企環境~非常安全~當轉到新環境時~幼鳥本身壓力非常大~而主人立即放一大堆玩具入籠~又加鈣~又美毛油~再沖個靚涼迎接新生活~咁就變左迎接新生命~再投胎做過另一隻寵物~
所以新鳥回家~盡量平靜~唔好多變化~越少變動越好~
就算隻雀一出事~再俾番我養已經太遲~

咁比例法~隻雀可能在遙遠繁殖場~經過長途運輸~情況係咪比起我既更差~?所以往往好易死雀~

風中飛鸚

1容我比較粗俗去形容~即係新雀回家唔好咁多事實~快快鎖入籠~唔好攪咁多花臣~隻雀越快入籠安定唔郁越好~
2容我指定牌子份量~以免大家攪錯~如果真係有3個月以上灰鸚~可以早晚或~其中餵一次都可以~更可以用R糧打成粉~(磨到碎粉比奶更碎)混入奶粉~份量是一份奶粉一份糧粉~慢慢減少奶粉的份量~直到奶粉用完~剛剛好只用R糧打成的粉~就可以長期用啦~唔需要戒~

3講開五顏六色D糧~其實有幾個牌子~係有好野既~唔好沒殺晒~不過又有好多流野~以免新人買錯~所以逢五顏六色就唔好用安全D~冒充牌子除左極易變壞~冇營養~之外都冇其他~博唔博自己決定~

4市面上H/R糧好易買到~不用頭痕~

風中飛鸚

R同H都係好野~不過R係美國貨~價錢又比較平~所以我先用佢~(最重要係我朋友代理~唔洗我去買)
我曾經將巨型裝R糧拆散~平均分開包裝~幾個雀友一齊分~為免瓜田李下~我現在只同一個朋友分就算~

風中飛鸚

係丫~繁殖場個籠乜都冇~你屋企又磨爪棍又千秋~九百幾樣玩具~唔嚇死就有鬼~
雀鳥因為要避天敵~所以感官比人類強~對環境轉變特別害怕~

所以話~當養左一頭半個月~熟悉晒環境啦~你咪慢慢放玩具囉~

風中飛鸚

新人通病~新屎坑三日香~放晒d九唔答八入籠~當正人類咁飼養~養得一排又話嘈~又唔養